San Juan 5:19 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁹ Jesúsñapaꞌ ateth oterraneterr: —Eꞌñe poꞌñoxh notenes, na ñeñthen Poechemer pen Yompor amatheꞌ errothenoth es nephoña eꞌñe notha. Napaꞌ añña ateth nephaꞌyen ateth nenteññañ Apa, tharroꞌmar ñeñth ateth pen Apapaꞌ napaꞌxhoꞌña ñeñthen Poechemerenpaꞌ atethchaꞌ es nephaꞌyen namha.

San Juan 5:19 Iomraidhean Croise

San Mateo 26:39

Ñañapaꞌ awoꞌ aꞌyentheyeꞌ all rremosa patso ateth maꞌyochosa: —Apa, ñerraꞌm errothenothpaꞌ arepaꞌchña pemnatatsche oꞌch xhapona ñeñth atarr amoeroxhtatañ nenten. Tharraña ñerraꞌm phach moenats añepaꞌchña ateth pephaton ñeñth pemnen pha, amachña añeyaye ñeñth nemnen na.

San Lucas 21:15

Tharroꞌmar allempopaꞌ nachkaꞌyeña seꞌñoratoseꞌña all atthoch eꞌñe kowen señotyesña atethchaꞌ sanapyesosanet. Allochñapaꞌ ñeñth seꞌmoñeꞌteneꞌpaꞌ amach errothenayeꞌ otenayeꞌ entenseto. Ñamha amach errothenoth otaseto ñeñth ateth soten sapaꞌ ñeñthpaꞌ amakaꞌ poꞌñoxhayeꞌ ateth soteno.

San Juan 10:18

Amaꞌt eseshapaꞌ amach poerratampesnoña nokrreña, napaꞌ na ñeñthen aꞌrroyetsa eꞌñe nañeña. Napaꞌ anarethen atthoch naꞌrroya oꞌch nerroma; anarethen ñamha atthoch ellopaꞌ oꞌch alla netanterra. Ñeñthpaꞌ Apaña noteneꞌ atethchaꞌ nepha. Arrpaꞌ allowa ateth tomaꞌntatenanet allowen ñeñthchaꞌ ameꞌñerraya ñeñthña poꞌcarneror pen ñeñthchaꞌ atarr kowen kowampen.

San Juan 12:49

Tharroꞌmar napaꞌ ama eꞌñe nothayeꞌ neñeno. Apaña ñeñth nellsenseneꞌ ñapaꞌ ñaña noteneꞌ atethchaꞌ notas ñamha atethchaꞌ neꞌñoranaꞌtasa.

San Juan 12:50

Napaꞌ neñoteñ ñeñth ateth otenen ña ñeñthpaꞌ ñeñthchaꞌña allochña sapaꞌ korretsasach soksheñeshokmañen thayotheñ eꞌñe errponañowen. Ñeñth ateth neñen napaꞌ añkaꞌye neñen ñeñth ateth otenen Apa.

San Juan 14:10

Phapaꞌ amaꞌtña phameꞌñenno napaꞌ eꞌñe neparrokmaten epan Apa, Apapaꞌxhoꞌña eꞌñe parrokmatenna. Ñeñth ateth notenespaꞌ ama nothayeꞌ ateth notenso. Apaña ñeñth neparrokmaten, ñapaꞌ eꞌñe etsotatennan ñeñth ateth nephaꞌyen.

San Juan 2:19

Jesúsñapaꞌ ateth oterraneterr: —Sapaꞌ amaꞌtchaꞌ saꞌmatoñ añ Parets paꞌpakëllpaꞌ pomaꞌpamtañoña napaꞌ oꞌch alla nathomater.

San Juan 3:3

Jesúsñapaꞌ ateth otaph: —Eꞌñe poꞌñoxh notaph, eseshaꞌch ama eñalleterrtso ello ñetñapaꞌ amach errothenoth poeyochreshaꞌ perraneto Yompor.

San Juan 5:21

Ñewa, yeñoteñ Apapaꞌ tantaterran arromñatheneshaꞌpaꞌ apoerranet allochña ñetpaꞌ korretsetach. Napaꞌxhoꞌña eꞌñekaꞌye ateth nepenaña namha ñeñthen Poechemeren. Ñerraꞌm erraꞌtsenchaꞌ nemnaꞌ na oꞌch napanet allochña ñetpaꞌ korretsetach atethchaꞌkaꞌye napoerranet.

San Juan 6:38

Tharroꞌmar napaꞌ ama añekpayeꞌ nowapoña entoth atthoch oꞌch aña ateth nephos ñeñth nemnen na. Napaꞌ añekopña nowapa oꞌch ateth neperr ñeñth ateth moenen Nompor ñeñth nellsenserreꞌ.

San Juan 8:28

Jesúsñapaꞌ alla oterraneterr: —Ñerraꞌm esempoch sapaꞌ sechantamphsen eno korsocho na Ñeñthen Acheñetosetspaꞌ allempochña xhaponasa seyoxhro napaꞌ ñeñthen eꞌñe poꞌñoxh xhokma soteneꞌ. Xhaponasach ñamha napaꞌ ama es nepeno eꞌñe notha, añña neꞌñorena ateth yexhatenen Apa.

San Juan 9:4

Ñeñth poktetsa oꞌch norrtatoñ poꞌpartsoña ñeñth nellsenseꞌ thayepaꞌtñapaꞌ poetarmeñ. Ñerraꞌm oꞌch chekmetenpaꞌ amach eshkayeꞌ yetarwaso.

Los Hechos 2:24

Tharraña amaꞌt rromwapaꞌ Pomporpaꞌ oꞌ alla tantater. Tharroꞌmar amatheꞌ errotheno theꞌpaꞌ alla aꞌpo rromoeꞌ.

Romanos 6:4

Allempo yapatarethtapaꞌ eꞌñe ateth ñerraꞌmrratheꞌ xho yerromapreteña Cristo ñamha ateth ñerraꞌm xho yepampapreteña Cristo. Allempoña Yomporpaꞌ awoꞌt tantaterran Poechemer eꞌñe poꞌwamenkoth ñeñth atarr kowen, yapaꞌxhoꞌña ñeñthara poꞌwamenkarothña eꞌñe kowen oꞌ etserrataterrnay yokthaphña, ñeñthchaꞌ ateth yokrrena.

Romanos 8:11

Yapaꞌ yeñoteñ Yomporpaꞌ awoꞌt tantaterran Poechemer ñeñth Cristo Jesús poꞌrromñoth. Ñamha ñerraꞌm Yompor Poekamkëñ yexhena ya yeyoxhro, amaꞌt arromñatheypaꞌ yapaꞌxhoꞌña tantatwerreychaꞌ yerromñoth. Parets Poekamkëñothñapaꞌ yokrraꞌwerrach, ñeñthara Poekamkëñ ñeñth yexhetsa theꞌ yeyoxhro.

1 Corintios 15:12

Ñewa, ñerraꞌm poꞌñoxh oꞌ sameꞌñerra ñeñth ateth yeserrpareꞌtatenes attho Cristopaꞌ oꞌ tanterra allempo rroma, esoꞌmareꞌtña soten ñerraꞌm yerromapaꞌ amach errothenoth yetanterro. Poꞌñoxh ñeñthpaꞌ ateth oten poesheñaꞌtets ñeñth seshoꞌtsen.

2 Corintios 4:14

Yapaꞌ yeñoteñ Yomporpaꞌ awoꞌt tantaterran Poechemer ñeñthara Yepartseshar Jesús. Ñeñthoꞌmar yeñoteñ yapaꞌxhoꞌña tantatwerreychaꞌ Yompor eꞌñe ateth phan Poechemer Jesús, allochñapaꞌ amaꞌt sapaꞌ oꞌch xhapatwerres allowenes eꞌñe parro ñesho.

2 Corintios 5:10

Tharroꞌmar oꞌ anarethta allowenakpay yewapoepaꞌtoꞌ Cristesho allchaꞌ eñotatarethey eꞌñe poesheñaꞌttsoy. Allochñapaꞌ allchaꞌña ateth phaꞌyesey errothenchaꞌ entapretwerrey, ñatoꞌ eꞌñech kowen entapretwerrey attho eꞌñe kowen es yephaꞌyen eꞌñe yechtsoth allempo yokrrena arr patsro, ñatoꞌ amach kowenayeꞌ entapretwerrye.

Efesios 2:5

Ñatoꞌ oꞌch netmaꞌntacha ateth ñerraꞌm oꞌ yerroma yoꞌchñaroth tharraña Yomporpaꞌ oꞌ alla tantaterrey. Ñewa, allempo tantaterran Poechemer Cristopaꞌ yaꞌnaña tantaterr tharroꞌmar eꞌñe yeparrokmaten epay Cristo. Ñamha attho xhapaterran Poꞌcristor poeꞌntaño allchaꞌ atarr kosheñtsoꞌtsen, yaꞌnaña oꞌ xhapaterr allchaꞌ atarr kosheñtsoꞌtseney yamha tharroꞌmar eꞌñe yeparrokmaten epay Poꞌcristor. Oꞌch netmaꞌntacha ateth ñerraꞌmrratheꞌ oꞌ yexhap Yompor poeꞌntaño allchaꞌ yekowentapretera Cristo.

Efesios 3:16

Attho Yomporpaꞌ shonteꞌ esokmañen echyen ñeñth atarr nanak kowenñatsotets Poekamkëñothpaꞌ ñepaꞌchña atarr awamenkath sepeneꞌ eꞌñe seyoxhro. Nemaꞌyocheñothpaꞌ ateth nenamoennas Yompor.

Filipenses 3:21

Ñerraꞌm oꞌch werra añe patsropaꞌ ya ñeñthey arromñatheypaꞌ ñapaꞌ oꞌch aꞌpoꞌpoñetwerrnay yechets, allochñapaꞌ yapaꞌxhoꞌña yorrterrach eꞌñech atthey ñerraꞌm ña poꞌpartsoteñothpaꞌ nanak kowentena. Eꞌñech ña poꞌwamenkoth aꞌpoꞌpoñetwerrey ñeñthara poꞌwamenkothpaꞌ eꞌñech pomnaren phowerran allowen allpon ñeñth eñall.

Filipenses 4:13

Ñeñthoꞌmarña napaꞌ eꞌñe neñoteñ, yapaꞌ amaꞌt errothenoꞌtsenyapaꞌ xhokmach awamenkathey tharroꞌmar Cristopaꞌ ñach nanak awamenkath yepeneꞌ.

Colosenses 1:11

Ñamha añ yenamoennas Yompor: Poꞌpartsoteña ñeñth kowenñatsotetspaꞌ eꞌñepaꞌchña awamenkath phaꞌyesas eꞌñe poktakma allochñapaꞌ amach xha sekexhpatstere. Eꞌñechña soksheñeshaꞌ saꞌwantaꞌwanomña allowen ñeñth atarr echarr sentyen.

Colosenses 1:16

Allowen ñeñth allpon ayexhkatarethetyestsa ña eꞌñe yexhkatwawet, amaꞌt ora allpon ñeñth entoꞌtsaꞌyen ñeñth ama entpawoyaye ñamha allowen ñeñth yentyen arr patsro, eꞌñe ñokma poeyexhkatwar. Ñamha allowen ñeñth allpon amhchaꞌtarethetyestsa, ñamha allowen ñeñth allpon ayochreshathetyestsa, ñamha allowen ñeñth allpon amhchaꞌnoxhetyestsa errakmañen, amaꞌt ñamha allowen ñeñth allpon womenk entyestsa, ora allowenet ñeñthet ayexhkatarethet eꞌñe ñokma poeyexhkatwaranet. Eꞌñe ñokpakma ayexhkatarethetyeswawet.

1 Tesalonicenses 4:14

Yapaꞌ attho yameꞌñeña Jesús ña amaꞌt rroma ellopaꞌ alla tanterra, yameꞌñeña ñamha Yomporpaꞌ atthekmach tantatwerrey alloweney ñeñtheychaꞌ eꞌñe yameꞌñeñoth Jesucristo yerroma.

1 San Pedro 3:18

Amaꞌt Cristopaꞌxhoꞌña awathpaꞌ atarr moeroxhtacheteꞌth. Ñapaꞌ ña rromats eꞌñe parrocha allowenakpay atthothña tsaꞌtwerrnaya yoꞌchñar. Cristo amaꞌt ña ñeñth eꞌñe pokteꞌ es petspaꞌ atthoña rroma yokop ñeñthey ama pokteyeꞌ es petso. Tharroꞌmar rroma yokop atthothchaꞌ yeparrokmaterr epay Yompor. Ña amaꞌt rroma poꞌchtsothpaꞌ poekamkëññapaꞌ ama rromo.

El Apocalipsis 2:23

Amaꞌt ñamha poechoyoreshowen napaꞌ oꞌch neꞌnwerranet. Allochñapaꞌ atthoch allowen ñeñth pameꞌñeñothet apxhaꞌyetsa allemeñ anetso oꞌch eñochet ñeñth atethpaꞌ ama aphapawo. Napaꞌ eꞌñe nentwennas amaꞌt ñeñth ateth sokthapeꞌchen seyoxhro. Napaꞌ ñeñthenchaꞌ sapwerreꞌ allpon ñeñth poktetsa eꞌñe poesheñaꞌttsokpas, ñeñth allpon ateth sephaꞌyen.