San Juan 5:18 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁸ Ñeñthoꞌmarña judioneshaꞌ paꞌmhchaꞌtaretherneshaꞌpaꞌ ello atarr nanak oꞌpateñet oꞌch moetset, tharroꞌmar ñetpaꞌ ateth otyeset: —Ñapaꞌ ama ñapthayeꞌ añe yether oꞌ poeswerro allempokma yamesen, ñapaꞌ añeꞌnaña oten eꞌñoꞌ Pompor penan Parets, ñapaꞌ atthakaꞌye moeneñ oꞌch Partsokoptartena.

San Juan 5:18 Iomraidhean Croise

San Mateo 12:5

Ñamha amaꞌt selleyareña ñoñets ñeñth ateth anareth ñeñth Moisés poꞌñoñ all oten ateth pena ñamha kornaneshaꞌ Parets paꞌpakllo. Ñewa, ñet poesherbeñothetpaꞌ ama ameseneto añe yethro allempokma yamesen. Ñetpaꞌ amaꞌt ateth penetpaꞌ Yomporñapaꞌ eꞌñe pokteꞌ entenanet.

San Juan 1:19

Allempo judioneshaꞌ paꞌmhchaꞌtaretherneshaꞌ ñetñapaꞌ moeñet acheñ Jerusaléñoth ñeñthchaꞌ awanmatsa Juanesho. Añ moeñet judioneshaꞌ poꞌkornaneshar ñamha levitaneshaꞌ ñeñth poꞌtarwas peneꞌ oꞌch thorrenet Parets paꞌpakllo. Ñetpaꞌ añekop amñarethtet ñetchaꞌ aꞌphthoꞌtoset Juan ñapaꞌ eseshaꞌtheꞌña. Oꞌña xhapoet ñeshopaꞌ ateth otoset: —Phapaꞌ ¿eseshapeꞌtña, amaꞌt añeyaype ñeñthephchaꞌ Cristoterrets?

San Juan 10:30

Napaꞌ eꞌñe parro atthekman epan ña.

San Juan 10:33

Judioneshaꞌñapaꞌ ateth otereterr: —Ama phorrtateñotheyeꞌ koxhneshaꞌ yemneñe oꞌch yarrolleꞌtaph. Yapaꞌ añekopña yemneñ oꞌch yarrolleꞌtaph attho phapaꞌ atarr phachmhareꞌteñ Parets. Phapaꞌ acheñothakaꞌye pemneñ oꞌch pepartsokoptarta.

San Juan 14:23

Jesúsñapaꞌ ateth oterraneterr: —Ñerraꞌm eseshaꞌch nemorrentaya na eꞌñechña ateth perret ñeñth ateth notenanet. Apañapaꞌ atarrchaꞌ morrentenanet. Ñeshetoñapaꞌ yexhapchaꞌ atthoch yeyxherra ñet poeyoxhreto.

San Juan 14:9

Jesúsñapaꞌ ateth och: —Felipe, awathotheñ napaꞌ alloꞌtseney parro. Phañapaꞌ ¿amaꞌt peñotenno? Ñeñth poentaren napaꞌ Apaꞌnakaꞌyeña oꞌ enterret. Esoꞌmareꞌtña photenen oꞌch negataph Apa.

San Juan 19:7

Judioneshaꞌñapaꞌ ateth otereterr: —Yapaꞌ yechenkaꞌye patherr ñoñets ñeñth ateth anareth. Ñeñthña ñoñetspaꞌ ateth oteney añ poktetsa ñapaꞌ xhokmach rroma tharroꞌmar ñapaꞌ pachmhareꞌteñoth oten ñapaꞌ ñoꞌ Parets Poechemer.

San Juan 5:15

Yakmañapaꞌ oꞌ awerr, ateth otwerran judioneshaꞌ: —Jesúsepaꞌtkaꞌyeña ñeñth naꞌkrraterreꞌ.

San Juan 5:16

Ateth pena Jesús añe yethro allempo amesen judioneshaꞌ ñeñthoꞌmarña ñetpaꞌ oꞌpateñet Jesús.

San Juan 5:17

Jesúsñapaꞌ ateth otanet: —Nompor eꞌñe themeꞌttsen atarr thorrena ñeñthoꞌmarña napaꞌxhoꞌña atarr nemneñ oꞌch nethorra namha.

San Juan 5:23

Allochñapaꞌ atthochña allowenet mechaꞌnaꞌtennetchaꞌ namha ñeñthen Poechemeren eꞌñe ateth mechaꞌnaꞌtennanet Nompor Parets. Ñerraꞌm eseshaꞌ ama nemhchaꞌnaꞌtenaye na ñeñthen Poechemeren, Nomporeꞌnakaꞌyeña ama mechaꞌnaꞌteneto ñeñth nellsenseneꞌ.

San Juan 7:1

Allempoña Jesúspaꞌ alla chopeñeꞌchyen eꞌñe alla Galileoꞌmar. Ama moeno oꞌch chopeñeꞌchen ñamha all Judeoꞌmar tharroꞌmar judioneshaꞌpaꞌ xha oꞌpateñet oꞌch moetset.

San Juan 7:19

‘Amaꞌt apasoña Moisés ñoñets ñeñth ateth anareth. Tharraña amaꞌt apaseñ, sañapaꞌ amaꞌt eꞌñe poesheñarrothesapaꞌ ama sephowenoña ñeñth ateth oten añ ñoñets, ñeñthepñapaꞌ esoꞌmareꞌtña theꞌpaꞌ semneñña oꞌch semtsan.

San Juan 8:54

Jesúspaꞌ ateth oterraneterr: —Ñerraꞌm na kowentatetsa nañeña, nekowentateña eꞌñe napaꞌ amatheꞌ es sherbeno. Nomporpaꞌ ña nekowentateneꞌ ñeñthara ñeñth soteneñ Seyompor-roꞌ sepeñ samha.

San Juan 8:58

Jesúsñapaꞌ alla oterraneterr: —Poꞌñoxhkaꞌ napaꞌ oꞌch notas: Ama eñalletenaꞌña Abraham, nañapaꞌ eñallana.

Filipenses 2:6

Ñewa, ñapaꞌ amaꞌt nanak Paretspaꞌ ama ommoꞌchaneꞌthe poꞌpartsoña.

El Apocalipsis 22:1

Allempoña mellañotheñpaꞌ oꞌ alla gaterrnerr poꞌñes. Ñeñthpaꞌ arroth wena konañoth alloꞌtsen Yompor epoet ñamha Poechemer Cristo ñeñth atmaꞌntatareth Carnero. Ñeñth oñpaꞌ atarr kowen, atarr llankasaseno poptasoꞌtena. Oñ ñeñth atarr kowen añ tomaꞌntena attho apoeney Yompor atthochña yapaꞌ korretsayach eꞌñe yoksheñeshokmañen errponowañen.

El Apocalipsis 22:3

Parets paꞌnetsropaꞌ amach eñalleterro amaꞌt pathrra ñeñthchaꞌ aꞌkmarethterrtsa. Tharroꞌmar Yompor epoet ñamha Poechemer Cristo ñeñth atmaꞌntatareth Carnero, ñetña partsotetset all poꞌkonañeto. Ñamha alloweney ñeñthey thorretsa Yomporekop eꞌñech kowen yesherberr yamha all.