San Juan 5:10 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁰ Ñeñthoꞌmarña judioneshaꞌpaꞌ ateth ochet ñeñth oꞌ korrerra: —Theꞌ añe yethro allempokma yamesen. Amakaꞌye pokteyaye oꞌch phanen pemoeꞌ.

San Juan 5:10 Iomraidhean Croise

San Mateo 12:10

Allñapaꞌ alloꞌtsen poesheñarr yakma ñeñth xha chellena pot. Fariseoneshaꞌñapaꞌ allentha aꞌphthoꞌchet: —Añe yethro allempokma yamesenpaꞌ taꞌm ¿pokteꞌtheꞌ penteñ oꞌch phaꞌkrrateñerr acheñ? Tharroꞌmar ateth aꞌphthoꞌteñet allochñapaꞌ eshekchaꞌ otteñeꞌchet.

San Marcos 2:24

Fariseoneshaꞌñapaꞌ ñeñth entawet ñetñapaꞌ allentha otyeset Jesús: —Pekweꞌ esoꞌmareꞌtña peyochreshaꞌñapaꞌ ateth penet ñeñth ama pokteyaye oꞌch ateth yepha tharroꞌmar theꞌpaꞌ añe yethropaꞌ ñeñth ateth anareth awathotheñ allempokmach yamesen.

San Marcos 3:4

Jesúsñapaꞌ ateth otanet: —¿Errothenaꞌtña ñeñth eꞌñe pokteꞌ senten ñeñthchaꞌ ateth yepha añ yethro allempo yamesen? Ñatoꞌ oꞌch ateth yepeꞌ eꞌñe kowen poꞌpsheñeñ, amapaꞌ ñatoꞌ oꞌch ateth yephoñ ñeñth ama kowenayaye. ¿Ñatoꞌ añtheꞌ pokteꞌ senten oꞌch yaꞌkrrach acheñ amapaꞌ añtheꞌ pokteꞌ senten amach yaꞌkrratatsche xhachña yemtsatach? Ñetñapaꞌ amaꞌt poesheñarrothetapaꞌ ama eseshayeꞌ anapaye.

San Lucas 13:14

Allempoña ñeñth amhchaꞌtarethtetsa all judioneshaꞌ poꞌprawo, ñapaꞌ allempo entan ateth oꞌ aꞌkrratan Jesús atsnañeth, ñañapaꞌ ñeñtha atarr atsrreꞌmateꞌ. Amaꞌt mameshapaꞌ ama pokteyeꞌ eñche oꞌch aꞌkrratan acheñ ñeñthe yethro allempo amesenet. Ñeñthoꞌmarña ñapaꞌ ateth otan acheñeneshaꞌ: —Eñall pechapmat yeth allempo pokteꞌ oꞌch yetarwasen. Ñeñthpaꞌ pokteꞌ oꞌch sewapa allempo atthoch saꞌkrrater atsnañeth. Tharraña añ yethro allempo yamesen amach sewapatsto aꞌkrrateꞌ atsnañeth.

San Lucas 23:56

Allempoña ñet onaxherret allothpaꞌ oꞌ xhaxherret pokollo, ñetñapaꞌ allowenetpaꞌ yorayeswerret ñeñth atarr eñmosathexhno alloch aꞌyanaꞌteretaꞌ Jesús ora poꞌchtsowen atthoch eꞌñe kowen eñmosathtateretaꞌ. Ñeñthpaꞌ eꞌñekaꞌye ateth yexhenaña judioneshaꞌ. Ñetpaꞌ alla aññoꞌtwaneñetña eñmosathexhno tharroꞌmar tsapathpaꞌ amach serreto poepampro tharroꞌmar tsapathchaꞌ xhapaꞌmoen ñeñthe yethro allempo xhokma amesen judioneshaꞌ ñeñth ateth anarethtenet ñokpoet.

San Lucas 6:2

Ñeñthña patantaꞌtets fariseoneshaꞌpaꞌ cheꞌptareꞌtanet, ateth otarethtet: —Esoꞌmareꞌtña ateth sepena ñeñth ama pokteyaye oꞌch ateth yepha tharroꞌmar theꞌpaꞌ añe yethro ñeñth ateth anareth awathotheñ allempokmach yamesen.

San Juan 1:19

Allempo judioneshaꞌ paꞌmhchaꞌtaretherneshaꞌ ñetñapaꞌ moeñet acheñ Jerusaléñoth ñeñthchaꞌ awanmatsa Juanesho. Añ moeñet judioneshaꞌ poꞌkornaneshar ñamha levitaneshaꞌ ñeñth poꞌtarwas peneꞌ oꞌch thorrenet Parets paꞌpakllo. Ñetpaꞌ añekop amñarethtet ñetchaꞌ aꞌphthoꞌtoset Juan ñapaꞌ eseshaꞌtheꞌña. Oꞌña xhapoet ñeshopaꞌ ateth otoset: —Phapaꞌ ¿eseshapeꞌtña, amaꞌt añeyaype ñeñthephchaꞌ Cristoterrets?

San Juan 5:11

Tharraña ñapaꞌ ateth otanet: —Ñeñth oꞌ aꞌkrratosenpaꞌ atethkaꞌ otosen: “Pechtaꞌnen pemoeꞌpaꞌ pechopeꞌchnen.”

San Juan 5:15

Yakmañapaꞌ oꞌ awerr, ateth otwerran judioneshaꞌ: —Jesúsepaꞌtkaꞌyeña ñeñth naꞌkrraterreꞌ.

San Juan 5:16

Ateth pena Jesús añe yethro allempo amesen judioneshaꞌ ñeñthoꞌmarña ñetpaꞌ oꞌpateñet Jesús.

San Juan 7:23

Attho sapaꞌ setsorrateñ asheñorrotholl amaꞌt añ yethro allempokma yamesen atthoch amach sathpoeno ñoñets ñeñth ateth anareth Moisésoth, ñeñthepñapaꞌ esoꞌmarwañakaꞌyeña seꞌmoñeꞌtenenña na allempo eꞌñe naꞌkrraten poesheñarr acheñ añ yethro allempokma yamesen.

San Juan 9:16

Patantarrña fariseoneshaꞌpaꞌ ateth otyeset: —Ñeñth yakmarpaꞌ amatheꞌkaꞌye Partseshotheyeꞌ wapo ñeñthoꞌmar ama esoyeꞌ entenanoña ñeñth anareth patherr yeth allempokma yamesen. Poꞌpotantaññapaꞌ ateth otyeset: —Taꞌ, elloña ñerraꞌm ochñath acheñ amatheꞌ errothenoth orrtatonayeña partsoteñets. Atthoña eꞌñe all ellopaꞌtetstatet pokthaphña ñokop.