San Juan 4:7 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

^7-8 Allñapaꞌ machayotha wapa poesheñarr koyaneshaꞌ ñeñth samarioꞌmarneshaꞌ ñeñthchaꞌ etenayaꞌ oñ. Jesúsñapaꞌ ateth otaph: —Napaꞌ nemneñ oꞌch phaposen oñ. Ñewa, allempopaꞌ poeyochreneshaꞌñapaꞌ oꞌ awanmoet anetso oꞌch rañthenetaꞌ ñeñthchaꞌ rret.

San Juan 4:7 Iomraidhean Croise

San Mateo 10:42

Ñamha añ ñeñth ama esosheꞌmayeꞌ enteneto, erraꞌtsenchaꞌ apapoeꞌ ñeñthchaꞌ orros tharroꞌmar ñapaꞌ nokaꞌye neyochreshaꞌ, amaꞌt koñeꞌtha oñ apapet, napaꞌ poꞌñoxh oꞌch notas, Yomporchaꞌkaꞌyeña apoerrawetña ñeñthchaꞌ atarr koshaterrawet.

San Juan 19:28

Allempoña Jesúspaꞌ oꞌ eñoch oꞌ etsotwa ora allowen ñeñth ñokop, ñañapaꞌ ateth ot: —Xha noꞌñpaꞌten. Ñeñthpaꞌ tharroꞌmar ateth ot allochñapaꞌ atthoch etsoterra Yompor poꞌñoñ ñeñth ateth anwareth awathotheñ.

San Juan 4:10

Jesúsñapaꞌ ateth otererr: —Ñerraꞌm peñoteñeñ ñeñth eꞌñe attha apoeney Yompor, ñamha ñerraꞌm peñotennoñ na ñeñthen photeneꞌ phapoen oñ, phapaꞌ oꞌch penamoennoñ na nañapaꞌ oꞌch napospeñ oñ kowen alloch eꞌñe phokrrañ. Ñeñth oteñ oꞌch aph kowen oñ, añ oteñ Yompor poꞌkowenña, tharraña koyaneshaꞌñapaꞌ ama eñoche,

San Juan 4:6

Allñapaꞌ all poten oñ ñeñth poꞌñeñ peꞌth Jacob. Jesúsñapaꞌ nanak tsanom poechopeꞌcheñoth ñeñthoꞌmarña anorros eꞌñe allameꞌtets apkoꞌsatho. Allempopaꞌ eꞌñe poktoꞌtsen atsneꞌ.