San Juan 4:53 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁵³ Allempoña pomporpaꞌ oꞌ yerepya ñañapaꞌ ateth ot: —Ellerropaꞌ allponkaꞌyeña atsneꞌ otenña Jesús nechemerpaꞌ oꞌkaꞌye korrerra. Ñapaꞌ ñeñthña ameꞌñateꞌ amaꞌt ñamha allowen pamoꞌtseshaꞌ ñeñth parro paꞌpaklloꞌtsaꞌyenet eꞌñe ameꞌñaꞌwet ñamet.

San Juan 4:53 Iomraidhean Croise

San Mateo 8:13

Allempoña Jesúspaꞌ alla oterranerr capitán: —Theꞌpaꞌ oꞌch awerreph pepakllo, eꞌñe attho atarr peyemtennapaꞌ atthetepaꞌch phokop. Poeñañrañapaꞌ eꞌñe allempokma korrerra.

San Lucas 19:9

Jesúsñapaꞌ ateth otos: —Theꞌñapaꞌ oꞌ xhapanet allowenakop ñeñth yexhetsa añ pokollro alloch aꞌkeshphatarethterret. Amaꞌt ñapaꞌxhoꞌña Abrahamkaꞌye poꞌmhreneñ.

San Juan 4:51

Allempoña awen thoñoñapaꞌ poktenan poeñañreshaꞌ. Ñetñapaꞌ ateth otapoeñet: —Phakñeꞌtherpaꞌ oꞌkaꞌye korrena.

San Juan 4:52

Ñañapaꞌ allentha otapanet: —¿Esempoꞌtña pasateñ? Ñetñapaꞌ ateth otereterr: —Ellerro allempo koyatseꞌten atsneꞌ mameꞌpaꞌ allempokaꞌyeña metweñña poꞌwrateña.

Los Hechos 11:14

Añña Pedropaꞌ ñeñthchaꞌ peñotateꞌ atthoch pekeshperra ñamha allowen phamoꞌtseshaꞌ.” Ateth oten Yompor poꞌmhllañotheñer.

Los Hechos 16:15

Lidiaña pameꞌñeñothpaꞌ allentha apatarethta, ñamha oꞌ apatarethta ñeñth parro yexhenet pokollo. Ñañapaꞌ oꞌxhoꞌ waꞌñaꞌnerrey paꞌpakllo, ateth ot: —Ñerraꞌm eꞌñe pokteꞌ sentenen attho nameꞌñera Yepapar, oꞌch sewapa nepakllo ñatoꞌ allchaꞌ sommosa. Ñañapaꞌ otareꞌtey yonepaꞌtoꞌ ñeñthoꞌmarña yapaꞌ oꞌ awey.

Los Hechos 16:34

Aꞌtapatanet paꞌpakllopaꞌ rratanet. Pameꞌñeñoth Yompor atarr nanak kosha. Ñamha allowen ñeñth paꞌpaklloꞌtsenpaꞌ atarr koshet ñamet.

Los Hechos 18:8

Ñeñth amhchaꞌtarethtetsa judioneshaꞌ poꞌprawo ñeñthpaꞌ añ paꞌsoꞌcheñ Crispo. Crispopaꞌ oꞌ ameꞌñerrana Yepartseshar Cristo ñamha allowen ñeñth paꞌpaklloꞌtsen. Shonteꞌ corintoꞌmarneshaꞌ eꞌmhñotoñet Yompor poꞌñoñ, oꞌ ameꞌñerret ñamha oꞌ apatarethtet Yomporekop.

Los Hechos 2:39

Ñeñthpaꞌ pokteꞌ atethchaꞌ sepha, tharroꞌmar ateth otnerrey Jesús oꞌch chorratwerrya eꞌñe poesheñaꞌttsoy Poekamkëñ, alloweney ñeñthey oꞌ waꞌñerrey Yeyomporer Parets oꞌch yameꞌñera. Ñamha oꞌch chorratwonasa amaꞌt sa sechemereshaꞌ Poekamkëñ, ñamha allowen amaꞌt ñeñth ellapharoꞌtsaꞌyenet.