San Juan 4:43 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴³ Allempoña epomtaꞌmoen Samario Jesúsñapaꞌ oꞌ alla awen Galileo all paꞌney peñ ña.

San Juan 4:43 Iomraidhean Croise

San Mateo 4:13

Xherr Galileopaꞌ ama aꞌpowerro anetso Nazareto, arraña serr Capernaumo, allña yexhaꞌwerra. Ñeñth Capernaumpaꞌ eꞌñe saꞌpatophñoꞌtsen, allara ñeñth otenet Zabulónnaneshaꞌ paꞌnetser ñamha Neftaleneshaꞌ paꞌnetser.

San Juan 1:42

Andrésñapaꞌ allentha anerran paꞌmoꞌnasheñ Simón Jesúsesho. Jesúsñapaꞌ kowapoeꞌpaꞌ ateth otaph: —Phaꞌtña Simón, ñeñtheph poechemer pen Jonás. Theꞌpaꞌ nesocherrephchaꞌ Cefas (ñeñthara soꞌchñets ñeñth otenet griegaxho Pedro).

San Juan 4:40

Ñeñthoꞌmarña samarioꞌmarneshaꞌ allempo waxhaꞌtet ñeshopaꞌ atarr nanak aꞌpatareꞌtapet Jesús aꞌposanetepaꞌtoꞌ all paꞌnetsreto. Ñañapaꞌ eꞌñe epomta aꞌposa all.

San Juan 4:44

Tharroꞌmar eꞌñe poꞌñoxh ateth eñorena Jesús ñokop, ñeñthpaꞌ ateth ot: Ñeñthña aꞌmhteneꞌ Yompor poꞌñoñ paꞌnyoꞌmarneshaꞌñapaꞌ amaꞌt mameshapaꞌ ama mechaꞌnaꞌteñeto.

San Juan 4:46

Jesúsñapaꞌ alla awerrerr poꞌpocheño Cano eꞌñe allara Galileo all eꞌñe ñanem aꞌpnasenanaꞌ oñ vinos. Allñapaꞌ alloꞌtsen poesheñarr ñeñth sherbeneꞌ amhchaꞌtareth. Ñaña poechemerpaꞌ xha atsnaꞌten all anetso Capernaumo.

Romanos 15:8

Ñamha theꞌpaꞌ oꞌch notas, Cristopaꞌ awoꞌt wapa arr patsro atthoch thorrosa judioneshakop. Allochñapaꞌ atthoch allowen acheñeneshaꞌpaꞌ oꞌch xhapanet poeyoxhreto, Yomporpaꞌ ama poenesho poꞌñoñ. Ñeñth eꞌñe ateth otaneꞌth judioneshaꞌ paꞌtañneshañ awathpaꞌ ñeñthchaꞌ ateth moenaterranet esempo, ñeñthpaꞌ xhokmachña eꞌñe etsoterra poktakma.