San Juan 4:42 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴² Ñetñapaꞌ ateth oteñet koyaneshaꞌ: —Theꞌñapaꞌ ama eꞌñe pha peñoñotheyeꞌ yameꞌñeno. Theꞌpaꞌ eꞌñe ya eꞌmoeneꞌ yamha alloweney. Ñeñthoꞌmarña theꞌ yapaꞌ oꞌ yeñoch poꞌñoxh ñapaꞌ ñach yaꞌkeshphaterreꞌ alloweney ñeñthey añe patsroꞌtseney.

San Juan 4:42 Iomraidhean Croise

San Mateo 1:21

Theꞌpaꞌ eñalletatanchaꞌ asheñorr, ñeñthñapaꞌ pesochchaꞌ Jesús tharroꞌmar ñapaꞌ ñeñthchaꞌ aꞌkeshphaterreꞌ paꞌcheñer poꞌchñarothet. Arrpaꞌ allowa ñeñth ateth och mellañotheñ.

San Lucas 2:32

Ñapaꞌ ñach sherberrets ateth ñerraꞌmrratheꞌ poetareꞌ ñeñthchaꞌ aꞌpoetarsamperreꞌ allowen acheñeneshaꞌ amaꞌt ñeñth ama israelenaꞌtareyaye atthoch ñetpaꞌxhoꞌña oꞌch eñoteret ñeñthchaꞌ aꞌkeshphatañterrtsa eꞌñe poꞌñoxh. Allochñapaꞌ atthothchaꞌ eꞌñe kowen ayeꞌchoxhtaterrnaph ñamha peyochreshaxhno ñeñthara israelenaꞌtarneshaꞌ.

San Juan 1:29

Tsapathña Juan allempo entapan Jesús ñeshoneth en, ñañapaꞌ ateth otan acheñeneshaꞌ: —Añkaꞌyeña ñeñth oꞌ llesenserr Yompor ñeñthchaꞌ Poꞌcarneror pen, ñach yawanmamperreꞌ yoꞌchñar alloweney ñeñthey añe patsroꞌtsaꞌyeney, tharroꞌmar ñach rromoerrets yoꞌchñarekop atethchaꞌ perra ateth amtsarethtena carnero ochñartsokop.

San Juan 11:17

Allempoña xhap Jesús all, ñapaꞌ eñotos oꞌkaꞌye paꞌtatsmat pampaꞌwet.

San Juan 17:8

Napaꞌ añña neꞌñorenanet ñeñth ateth photenen pha. Theꞌña ñetpaꞌ eꞌñe kowen ameꞌñennet. Ñamha eꞌñe poꞌñoxh eñoteñet napaꞌ eꞌñe peshoth nowapa, pha ñeñtheph nellsenserreꞌ.

San Juan 4:29

—Theꞌpaꞌ soktherren oꞌch senteñaꞌ poesheñarr enkaneshaꞌ ñeñth oꞌ serrpareꞌtatwosen ora allpon ñeñth ateth nephaꞌyesara. Ñatoꞌ ñeñththeꞌña Cristotets ñeñth atarr yekwen oꞌch wapa.

San Juan 4:41

Poꞌpotantañexhnopaꞌ shonteꞌ ñeñth ameꞌñapaya attho serrpareꞌtatosanet Jesús all paꞌnetsreto.

Los Hechos 13:23

Alla oterraneterr Pablo: —Ñeñth poesheñarr David poꞌmhrenñoth Yomporpaꞌ oꞌ orrtatonay yokop ñeñthey israelenaꞌtarey ñeñthchaꞌ yaꞌkeshphaterreꞌ. Añ paꞌsoꞌcheñ Jesús. Theꞌpaꞌ oꞌ etsota ateth otyeꞌth Yompor awath.

Los Hechos 4:12

Poꞌpsheñeñpaꞌ ama eñalle alloch yekeshperra, tharroꞌmar ama eñalle poꞌpsheñeñ ñeñth anareth ñeñthchaꞌ yexhoreꞌt atthoch oꞌch aꞌkeshphatey. Amaꞌt ora errakmañen añe patsro ama eñalle atthoch yekeshperra, ñapthaña Jesús. Ñeñthpaꞌ allowa ateth otanet Pedro.

Los Hechos 5:31

Theꞌña Pomporpaꞌ oꞌ nanak awamenkath peꞌ, eꞌñe poꞌkowenrothpaꞌ all partsoten. Allochñapaꞌ atthoch kothapeꞌchaterran israelenaꞌtarneshaꞌ ñamha atthoch kothapeꞌcherret kowen eꞌñe etserra atthoch peretnerranet poꞌchñar. Ñeñthoꞌmarña Yomporpaꞌ nan Jesús ñeñthchaꞌ Yaꞌkeshphatañer yepen.

2 Corintios 5:19

Ñamha attho Yomporpaꞌ moenatan Poechemer Cristo allempopaꞌ ñachña alloꞌna sets yamoꞌtstataya alloweney acheñeneshay Pomporesho. Allochñapaꞌ oꞌwañchaꞌ alloꞌna ochñatheneshaꞌ enteney Yompor. Atthoña yapaꞌ apoerrey llesens elloneth atthoch yach eñotatyeseꞌ paꞌnamen acheñeneshaꞌ allochñapaꞌ ñetpaꞌxhoꞌña atthoch eꞌñe amoꞌtsterranet Yompor.

1 Timoteo 4:10

Ñeñthoꞌmarña theꞌpaꞌ amaꞌt eꞌñe yemoeroxhteñothpaꞌ xhokma yethorrena Yomporekop, tharroꞌmar ñapaꞌ ñach yeyemterra eꞌñe poktakma, ñeñth Yompor ñeñth ama arromñatheshayaye, ñamha ñeñthara Yompor ñeñth Yaꞌkeshphatañer yepen alloweney añekop ñeñthey ameꞌñenaya.

1 San Juan 2:2

Ñapaꞌ ña apareth atthoch tsaꞌtwerrnaya yoꞌchñar. Ñeñthpaꞌ ama eꞌñe yapthekpayaye, añekpaꞌnaña alloweney ñeñthey añe patsroꞌtsaꞌyeney.

1 San Juan 4:14

Ñamha yapaꞌ eꞌñe yentwoñeꞌth Yompor Poechemer ñeñthoꞌmarña ya theꞌpaꞌ oꞌ yaꞌpothonas samha attho Yompor poꞌñoxhpaꞌ moeñonay Poechemer ñeñthchaꞌ yaꞌkeshphaterreꞌ ya ñeñthey yexhaꞌyetsa añ patsro.

1 San Juan 5:20

Yañapaꞌ yeñoteñ ñeñth Poechemer pen Yomporpaꞌ ñañapaꞌ oꞌ wapa. Ñaña yexhapaterreꞌña yeyoxhro atthochña yapaꞌ oꞌch yeñoter Yompor ñeñth eꞌñe poꞌñoxh Parets. Ñeñthoꞌmarña yeñoteñ oꞌ yeparrokmaterr epay ñeñth eꞌñe poꞌñoxh Yompor Poechemer ñeñthpaꞌ Jesucristo. Atthoña yapaꞌ oꞌ eꞌñe yeñoter Yompor ñeñth eꞌñe poꞌñoxh Parets, ñeñthña yapaꞌ allochña eꞌñe korretsayach yoksheñeshokmañen thayotheñ eꞌñe errponañowen.