San Juan 4:41 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴¹ Poꞌpotantañexhnopaꞌ shonteꞌ ñeñth ameꞌñapaya attho serrpareꞌtatosanet Jesús all paꞌnetsreto.

San Juan 4:41 Iomraidhean Croise

San Lucas 4:32

Ñeñth ateth yexhatenanet, acheñeneshaꞌñapaꞌ attha kowanrrorteñet. Tharroꞌmar ñapaꞌ ateth yexhatenanet ñerraꞌmrratheꞌ ñeñth allsensarethtetsa Partseshoth.

San Juan 4:40

Ñeñthoꞌmarña samarioꞌmarneshaꞌ allempo waxhaꞌtet ñeshopaꞌ atarr nanak aꞌpatareꞌtapet Jesús aꞌposanetepaꞌtoꞌ all paꞌnetsreto. Ñañapaꞌ eꞌñe epomta aꞌposa all.

San Juan 4:42

Ñetñapaꞌ ateth oteñet koyaneshaꞌ: —Theꞌñapaꞌ ama eꞌñe pha peñoñotheyeꞌ yameꞌñeno. Theꞌpaꞌ eꞌñe ya eꞌmoeneꞌ yamha alloweney. Ñeñthoꞌmarña theꞌ yapaꞌ oꞌ yeñoch poꞌñoxh ñapaꞌ ñach yaꞌkeshphaterreꞌ alloweney ñeñthey añe patsroꞌtseney.

San Juan 6:63

Yekamkëñ alloña eꞌñe poꞌñoxh yokrrena. Yechetspaꞌ amaꞌt koñeꞌthapaꞌ ama sherbeno. Neñoñ ñeñth neserrpareꞌtatenespaꞌ eꞌñe poꞌñoxh sekamkëñekop ñeñthña poꞌñoxh alloch eꞌñe sokrra.

San Juan 7:46

Guardianeshaꞌñapaꞌ ateth otwerret: —Amaꞌt eseshapaꞌ ama poeñosaroña atarr kowen ateth eñen ña.

Los Hechos 1:8

Jesúspaꞌ alla oterraneterr: —Añña pokteꞌ oꞌch señoch, ñerraꞌm esempoch waponasa Parets Poekamkëñ sesho, ñach awamenkath sephoseꞌ. Allempopaꞌ saꞌpothonchaꞌ neñoñ errapharen —Jerusaléño, ñamha ora Judeo, ñamha Samario, ñamha ora allowanen pats.

Los Hechos 15:3

Oꞌ soꞌtwanma ñeñth ameꞌñetsapaꞌ awanmoet. Arr oñmoet Fenicioꞌmar allothñapaꞌ awanmoet Samarioꞌmar. Allña oñemwanmoetpaꞌ all serrpareꞌtyesnomoet. Añ serrpareꞌtyesnomoet attho oꞌ ameꞌña ñeñth ama judioneshayaye. Pameꞌñeñothetpaꞌ oꞌ aꞌypoꞌñaꞌwerret ñeñth awath pokthaphñet. Ñeñthña nanak koshateꞌña allowen ñeñth ameꞌñetsa.

Los Hechos 8:12

Tharraña allempo serrpareꞌtatanet Felipe kowen ñoñets oꞌ ameꞌñatanet allowen —yakmaneshaxhno ñamha allowenet koyaneshowen. Serrpareꞌtatanet ateth penaña Yompor poꞌkowenña ñeñth attho atarr ayochreshathtena ña, ñamha ateth pena Jesús ñeñth Cristotats. Oꞌ ameꞌñatwanet allempoñapaꞌ apatarethtet Yomporekop.

Los Hechos 8:25

Pedro ñamha Juanpaꞌ nanak aꞌpothoñet Yompor poꞌñoñ all Samario. Serrpareꞌtwenetaꞌpaꞌ alla awanerret Jerusaléño. All oñenet samarioꞌmarpaꞌ ñeñth yexhetsa thoñoꞌmarpaꞌ eꞌñe akophotheñ serrpareꞌtatyeswaneret.

Hebreos 4:13

Amaꞌt poesheñarrotheya amach errothenoth yeꞌpotampesyoña Yompor ñeñth yeyexhkateꞌ. Amatheꞌ errothenoth yaꞌnasotampesyoña, ñapaꞌ eꞌñekaꞌye entwennayña yeyoxher ñeñth ora allpon es yokthapeꞌchyen. Ñapaꞌ ñach yaꞌmethatatwerreꞌ allowen ñeñth allpon yokthapeꞌchyen.