San Juan 4:39 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁹ Koyaneshaꞌpaꞌ eꞌñe poꞌñoñotha ameꞌñatana pamoꞌtseshaꞌ samarioꞌmarneshaꞌ allempo serrpareꞌtatwerranet attho Jesúspaꞌ oꞌ serrpareꞌtatos ora allpon ñeñth ateth poephaꞌyesara.

San Juan 4:39 Iomraidhean Croise

San Mateo 10:5

Ñeñthña xharrasheña poechena epsheña llesensanet atthoch awanemyeset paꞌnamen anetsoꞌmar, ñeñthpaꞌ ateth otapanet: —Amach arrentha setatsto all yexhaꞌyena ñeñth ama judioneshayaye. Ñamha amach arrentha setatsto samarioꞌmarneshaꞌ paꞌnetsro all yexhaꞌyenet.

San Juan 1:37

Ñeñthña epsheña poeyochreshaꞌ allempo eꞌmet ateth oteñ Juan, ñetñapaꞌ allentha kothaꞌnmet Jesús.

San Juan 11:45

Allempoña shonteꞌ judioneshaꞌ ñeñth kothoseꞌ María ñeñth enteꞌ Jesús attho orrtatosanet poꞌpartsoña ñetpaꞌxhoꞌña eꞌñe allempokma ameꞌñeret ñamet Jesús.

San Juan 4:29

—Theꞌpaꞌ soktherren oꞌch senteñaꞌ poesheñarr enkaneshaꞌ ñeñth oꞌ serrpareꞌtatwosen ora allpon ñeñth ateth nephaꞌyesara. Ñatoꞌ ñeñththeꞌña Cristotets ñeñth atarr yekwen oꞌch wapa.

San Juan 4:30

Ñetñapaꞌ allentha onaxhaꞌtet anetsothpaꞌ oꞌ awanmoet Jesúsesho.

San Juan 4:38

Ñamha sapaꞌxhoꞌña oꞌch nemñas samha oꞌch sameꞌñatera acheñeneshaꞌ amaꞌt ama sanmayeꞌ ñanom thorratso all nokop, poꞌpsheñeñña ñeñth ñanom thorratseꞌth all. Tharraña theꞌpaꞌ sach ameꞌñaterrawet atthoch sethorrapretera ñeñth ñanom thorratseꞌth all nokop. Theꞌpaꞌ sach apxherrets all amaꞌt ama sayeꞌ nareꞌtatseꞌttseꞌthe all. Amaꞌt poꞌpsheñeñ nareꞌtatseꞌttseꞌth, theꞌñapaꞌ sach tarwasapreterrawet all.

San Juan 4:40

Ñeñthoꞌmarña samarioꞌmarneshaꞌ allempo waxhaꞌtet ñeshopaꞌ atarr nanak aꞌpatareꞌtapet Jesús aꞌposanetepaꞌtoꞌ all paꞌnetsreto. Ñañapaꞌ eꞌñe epomta aꞌposa all.

San Juan 4:42

Ñetñapaꞌ ateth oteñet koyaneshaꞌ: —Theꞌñapaꞌ ama eꞌñe pha peñoñotheyeꞌ yameꞌñeno. Theꞌpaꞌ eꞌñe ya eꞌmoeneꞌ yamha alloweney. Ñeñthoꞌmarña theꞌ yapaꞌ oꞌ yeñoch poꞌñoxh ñapaꞌ ñach yaꞌkeshphaterreꞌ alloweney ñeñthey añe patsroꞌtseney.

San Juan 4:5

Oꞌña xhap Samariopaꞌ allothñapaꞌ oꞌ awen patherr anetso ñeñthpaꞌ añ paꞌsoꞌcheñ Sicar. Añña anets Sicarpaꞌ allameꞌttsoꞌtsena Jacob poꞌpatseñ ñeñth apaꞌnman poechemer José awath.