San Juan 4:38 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁸ Ñamha sapaꞌxhoꞌña oꞌch nemñas samha oꞌch sameꞌñatera acheñeneshaꞌ amaꞌt ama sanmayeꞌ ñanom thorratso all nokop, poꞌpsheñeñña ñeñth ñanom thorratseꞌth all. Tharraña theꞌpaꞌ sach ameꞌñaterrawet atthoch sethorrapretera ñeñth ñanom thorratseꞌth all nokop. Theꞌpaꞌ sach apxherrets all amaꞌt ama sayeꞌ nareꞌtatseꞌttseꞌthe all. Amaꞌt poꞌpsheñeñ nareꞌtatseꞌttseꞌth, theꞌñapaꞌ sach tarwasapreterrawet all.

San Juan 4:38 Iomraidhean Croise

San Mateo 4:23

Allempoñapaꞌ chopeñeꞌchyes Jesús errapharen Galileoꞌmar. Yexhatyesosan judioneshaꞌ eꞌñe ñet poꞌpraweto. Allñapaꞌ serrpareꞌtatosanet kowen ñoñets attho ayochreshathtena Yompor. Aꞌkrratyesosan acheñeneshaꞌ; amaꞌt paꞌnamen osyenawet, amaꞌt paꞌnamen aꞌprramaꞌyenawet, ñañapaꞌ eꞌñe aꞌkrratyeswosanet.

San Juan 1:7

Ñapaꞌ añekop wapa ñach aꞌpothoseꞌ atthoch wapa Cristo arr patsro ñeñthchaꞌ aꞌpoetarsamperreꞌ allowen yokthaphña. Atthoña ña poꞌñoñothpaꞌ ameꞌñatosana acheñeneshaꞌ.

San Juan 17:18

Attho pha pemñan na arr patsro, theꞌña napaꞌ oꞌch nemñanet ñamet atthoch serrpareꞌtatyeset acheñeneshaꞌ arr patsro.

San Juan 4:37

Tharroꞌmar ñeñthpaꞌ eꞌñe poꞌñoxh ateth yepena ñeñth ateth oten añ ñoñets ñeñth xhokma yotannaꞌtyena ya: “Poesheñarrpaꞌ oꞌch nareꞌtatseꞌtyes, poꞌpsheñeññapaꞌ ñeñthchaꞌ apxhaꞌyesets.”

San Juan 4:39

Koyaneshaꞌpaꞌ eꞌñe poꞌñoñotha ameꞌñatana pamoꞌtseshaꞌ samarioꞌmarneshaꞌ allempo serrpareꞌtatwerranet attho Jesúspaꞌ oꞌ serrpareꞌtatos ora allpon ñeñth ateth poephaꞌyesara.

Los Hechos 2:41

Allempoña allowen ñeñth ameꞌñaya Pedro ateth otanetpaꞌ oꞌ apatarethtet. Allempopaꞌ ñatoꞌ allpon ameꞌñatsa maꞌpa mil acheñeneshaꞌ. Xha shontena ñeñth ameꞌñatsa.

Los Hechos 4:32

Allempotheñña ñet ñeñthet ameꞌñatseteꞌthpaꞌ oꞌ parrokmatwet eꞌñe kowen. Eꞌñe parra kothaphñats anmoeteꞌth poeyoxhreto ñeñth amoerañtetsa. Ama eseshayeꞌ otatseꞌthe ñeñthpaꞌ ñapthetach es oꞌpatet, añña xhokma apannaꞌtyeseteꞌth ñerraꞌm eseshaꞌ es palltatseꞌth.

Los Hechos 4:4

Tharraña amaꞌt ateth apharethtetpaꞌ añña ñeñth eꞌmoeꞌ ateth serrpareꞌtatanetpaꞌ shonteꞌ ameꞌñyet. Allempoña ñeñth ameꞌñetsa awañowenpaꞌ oꞌ xhap allempo amnaroch mil ñeñth ameꞌñatsa.

Los Hechos 5:14

Allempoñapaꞌ alloꞌna atonetnena poꞌpoñexhno acheñeneshaꞌ ñeñth oꞌ ameꞌña. Shonteꞌ oꞌ ameꞌñana Yompor, amaꞌt koyaneshaxhno ñamha yakmaneshaxhno.

Los Hechos 6:7

Allempoñapaꞌ oꞌ eꞌñe epaꞌwa Yompor poꞌñoñ ora. Allempoñapaꞌ alloꞌna sen shontaꞌnmatsa ñeñth ameꞌñetsa all Jerusaléño. Allempopaꞌ shonteꞌ judioneshaꞌ poꞌkornaneshar ameꞌñatsa.

2 Corintios 10:15

Ñamha ya eꞌñe yokoppaꞌ ama yemno oꞌch yommoꞌchoña poꞌpsheñeñ poꞌtarwas ñeñth ñanom thorratsa all Yomporekop. Tharraña yapaꞌ yekwenes ñerraꞌm esempo sa oꞌch alloꞌna sesen ameꞌñetsa kowenpaꞌ allempoña napaꞌ nokthapeꞌchen elloneth oꞌch alla nethorrerra sesho.