San Juan 4:25 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁵ Koyaneshaꞌñapaꞌ alla otererr: —Napaꞌ neñoteñ añ Mesíaspaꞌ wapach ñeñthara ñeñth yoten Cristo. Ñerraꞌm ña wapatsapaꞌ eꞌñech serrpareꞌtatwerrey ora allowen ñeñth esokmañen eñall.

San Juan 4:25 Iomraidhean Croise

San Mateo 1:16

Jacobñapaꞌ chemereꞌtana José ñeñthepaꞌtchaꞌ poerrollar phaꞌ María. Maríañapaꞌ cheyoreꞌtana Jesús, ñeñthara ñeñth Cristotats.

San Mateo 27:17

Ñeñthoꞌmarña allempo apxhaꞌwa allowen acheñeneshaꞌpaꞌ amhchaꞌtarethña Pilatopaꞌ aꞌphthoꞌtapanet: —¿Erraꞌtsenaꞌt semnenña ñeñthchaꞌ naꞌrroyonas, ñatoꞌ añchaꞌ Barrabás amapaꞌ Jesús ñeñth otenet Cristo?

San Mateo 27:22

Pilatoñapaꞌ alla oterraneterr: —Ñewa, añ Jesús ñeñth otenet Cristopaꞌ ¿errotheꞌtchaꞌña nepeꞌ? Allowenetñapaꞌ alla otereterr: —¡Ñapaꞌ pekorsoꞌtamphsachñakaꞌye!

San Lucas 2:11

Theꞌpaꞌ sokop oꞌ eñalleta ñeñthchaꞌ Saꞌkeshphatañer seperr ñeñthpaꞌ ñeñthchaꞌ Cristotats ñeñth Yepartseshar yepen. Ñeñthña cheshathollpaꞌ arr eñalleta David paꞌnetsro allara Beléño.

San Juan 1:49

Natanaelñapaꞌ ateth otererr: —Maestrochaꞌ pepaꞌtña Yompor Poechemereph. Pepaꞌtña Amhchaꞌtareth ñeñth atarr kowen allowen israelneshaꞌ.

San Juan 4:29

—Theꞌpaꞌ soktherren oꞌch senteñaꞌ poesheñarr enkaneshaꞌ ñeñth oꞌ serrpareꞌtatwosen ora allpon ñeñth ateth nephaꞌyesara. Ñatoꞌ ñeñththeꞌña Cristotets ñeñth atarr yekwen oꞌch wapa.

San Juan 4:39

Koyaneshaꞌpaꞌ eꞌñe poꞌñoñotha ameꞌñatana pamoꞌtseshaꞌ samarioꞌmarneshaꞌ allempo serrpareꞌtatwerranet attho Jesúspaꞌ oꞌ serrpareꞌtatos ora allpon ñeñth ateth poephaꞌyesara.

San Juan 4:42

Ñetñapaꞌ ateth oteñet koyaneshaꞌ: —Theꞌñapaꞌ ama eꞌñe pha peñoñotheyeꞌ yameꞌñeno. Theꞌpaꞌ eꞌñe ya eꞌmoeneꞌ yamha alloweney. Ñeñthoꞌmarña theꞌ yapaꞌ oꞌ yeñoch poꞌñoxh ñapaꞌ ñach yaꞌkeshphaterreꞌ alloweney ñeñthey añe patsroꞌtseney.