San Juan 4:18 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁸ Tharroꞌmar amnarsheña perrollaresheꞌmañ ñeñth poeyorwareph. Ñamha ñeñth peyoreneꞌ theꞌpaꞌxhoꞌña ama perrollareyaye. Ñeñthpaꞌ eꞌñe poꞌñoxh ateth photen.

San Juan 4:18 Iomraidhean Croise

San Marcos 10:12

Ñamha koyaneshaꞌ ñerraꞌm serran poerrollar oꞌch yorer poꞌpsheñeñ yakma ñeñthchaꞌ poerrollar perr, ñeñthña koyanesharpaꞌ xhachkaꞌye ochñaꞌtamperrana ñamha poerrollaresheꞌmañ. Ñeñthpaꞌxhoꞌña amaꞌt mameshapaꞌ ama pokteyeꞌ enteñe Yompor.

San Juan 4:16

Jesúsñapaꞌ ateth otererr: —Theꞌpaꞌ orrerreph, oꞌch pexhoreꞌteraꞌ perrollar, allempochña alla pewerra arr.

San Juan 4:17

Koyaneshaꞌñapaꞌ ateth otererr: —Napaꞌ amarramtso arrollaretheno. Jesúsñapaꞌ ateth otererr: —Eꞌñe poꞌñoxh ateth photen añoꞌ arrollaretheyaype.

San Juan 4:19

Allempoña eꞌman ateth oteñpaꞌ koyaneshaꞌñapaꞌ ateth otererr: —Ayochreshathe, theꞌña poꞌñoxhpaꞌ oꞌ neñotaph phapaꞌ añepepaꞌt ñeñtheph aꞌmhteneꞌ Yepapar poꞌñoñ.

Hebreos 13:4

Ñamha oꞌch notas poꞌpoñ: Allowenes ñerraꞌm esempo sesnaꞌtena oꞌ eꞌñe seyorannaꞌta epas sethapor eꞌñepaꞌch kowen sentña ñeñth attho seyorannena. Amaꞌt parrochapaꞌ amoepaꞌchña seꞌnamphsannaꞌtatsto. Yakmapaꞌ amach chetatstano koyaneshaꞌ ñeñth ama poethaporeyaye amaꞌt eꞌñe parrocha. Koyaneshaꞌpaꞌxhoꞌña amach agapatstanoña ñamha ñeñth ama poerrollareyaye amaꞌt eꞌñe parrocha. Tharroꞌmar Yomporpaꞌ xhokmach tsaꞌtaterrana ñeñth cheteneꞌ ñeñth ama poethaporeyaye amaꞌt ñamha ñeñth agëneꞌ ñeñth ama poerrollareyaye.