San Juan 4:16 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁶ Jesúsñapaꞌ ateth otererr: —Theꞌpaꞌ orrerreph, oꞌch pexhoreꞌteraꞌ perrollar, allempochña alla pewerra arr.

San Juan 4:16 Iomraidhean Croise

San Juan 1:42

Andrésñapaꞌ allentha anerran paꞌmoꞌnasheñ Simón Jesúsesho. Jesúsñapaꞌ kowapoeꞌpaꞌ ateth otaph: —Phaꞌtña Simón, ñeñtheph poechemer pen Jonás. Theꞌpaꞌ nesocherrephchaꞌ Cefas (ñeñthara soꞌchñets ñeñth otenet griegaxho Pedro).

San Juan 21:17

Pomaꞌpocheñoñapaꞌ alla otererr: —Simón, Jonás poechemere, ¿amaꞌt eꞌñe mamekpa pemorrentenno? Pedroñapaꞌ llekënana attho alla pomaꞌpocheño otererr eꞌñe ñeñthara, ¿pemorrentennaꞌt?, ñeñthoꞌmarña ñapaꞌ otererr: —Partseshachaꞌ, allowenpaꞌ eꞌñepaꞌt peñotweñ. Eꞌñe peñotenen napaꞌ nemorrentenpha. Jesúsñapaꞌ alla otererr: —Ñeñthepñapaꞌ eꞌñech kowen pekwamphson necarnerorexhno.

San Juan 4:15

Koyaneshaꞌñapaꞌ alla otererr: —Ñeñthepñapaꞌ, Ayochreshathe, phapoen ñeñth oñer allochñapaꞌ amach alla noꞌñpaꞌterrerro allochñapaꞌ amach alla nowerreꞌthe eterrayerr arr oñ.

San Juan 4:17

Koyaneshaꞌñapaꞌ ateth otererr: —Napaꞌ amarramtso arrollaretheno. Jesúsñapaꞌ ateth otererr: —Eꞌñe poꞌñoxh ateth photen añoꞌ arrollaretheyaype.

San Juan 4:18

Tharroꞌmar amnarsheña perrollaresheꞌmañ ñeñth poeyorwareph. Ñamha ñeñth peyoreneꞌ theꞌpaꞌxhoꞌña ama perrollareyaye. Ñeñthpaꞌ eꞌñe poꞌñoxh ateth photen.

Hebreos 4:13

Amaꞌt poesheñarrotheya amach errothenoth yeꞌpotampesyoña Yompor ñeñth yeyexhkateꞌ. Amatheꞌ errothenoth yaꞌnasotampesyoña, ñapaꞌ eꞌñekaꞌye entwennayña yeyoxher ñeñth ora allpon es yokthapeꞌchyen. Ñapaꞌ ñach yaꞌmethatatwerreꞌ allowen ñeñth allpon yokthapeꞌchyen.

El Apocalipsis 2:23

Amaꞌt ñamha poechoyoreshowen napaꞌ oꞌch neꞌnwerranet. Allochñapaꞌ atthoch allowen ñeñth pameꞌñeñothet apxhaꞌyetsa allemeñ anetso oꞌch eñochet ñeñth atethpaꞌ ama aphapawo. Napaꞌ eꞌñe nentwennas amaꞌt ñeñth ateth sokthapeꞌchen seyoxhro. Napaꞌ ñeñthenchaꞌ sapwerreꞌ allpon ñeñth poktetsa eꞌñe poesheñaꞌttsokpas, ñeñth allpon ateth sephaꞌyen.