San Juan 4:15 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁵ Koyaneshaꞌñapaꞌ alla otererr: —Ñeñthepñapaꞌ, Ayochreshathe, phapoen ñeñth oñer allochñapaꞌ amach alla noꞌñpaꞌterrerro allochñapaꞌ amach alla nowerreꞌthe eterrayerr arr oñ.

San Juan 4:15 Iomraidhean Croise

San Juan 4:16

Jesúsñapaꞌ ateth otererr: —Theꞌpaꞌ orrerreph, oꞌch pexhoreꞌteraꞌ perrollar, allempochña alla pewerra arr.

San Juan 6:26

Jesúsñapaꞌ ateth otapanet: —Na poꞌñoxhpaꞌ oꞌch notapas, sapaꞌ amakaꞌye añekpayeꞌ seꞌnenno attho oꞌ norrtatonas nepartsoña. Sapaꞌ añekpakaꞌyeña seꞌnenen attho oꞌ nerratwas pan oꞌ eꞌñe seyetwa.

San Juan 6:34

Ñetñapaꞌ ateth otereterr: —Ayochreshathe yapaꞌxhoꞌña xhokmach phapoey ñeñth korramets.

San Juan 6:35

Jesúsñapaꞌ alla oterraneterr: —Napaꞌ na korramhtsotets alloch eꞌñe sokrra. Eseshaꞌch wapatsa nesho ñetña amaꞌt awathapaꞌ amach alla cheporrerreteꞌthe. Eseshaꞌch nameꞌñerraya na ñetña amaꞌt awathapaꞌ amach alla oñpaꞌterreteꞌthe. Ñewa, ñeñthpaꞌ añ notenes, eseshaꞌch nameꞌñerraya na ñetñapaꞌ xhokmach eꞌñe kosherret poeyoxhreto, amaꞌt awathapaꞌ amach alla es eꞌnerreteꞌthe.

Romanos 6:23

Tharroꞌmar yoꞌchñarpaꞌ allach tsaꞌtaterrya rromoeñtso, ñeñthara koñcheñtso. Tharraña eꞌñe yeparrokmateñoth epay Yepartseshar Cristo Jesúspaꞌ Yomporñapaꞌ apwerreychaꞌ eꞌñe attha allochña yapaꞌ korretsayach yoksheñeshokmañen thayotheñ errponañowen.

Romanos 8:5

Tharroꞌmar ñeñth ateth petsa ñeñth ateth kothapeꞌchatenanet sosyaꞌtsañ ñeñth poeyoxhroꞌtsenetpaꞌ añachña eꞌnenet ñeñth ateth moenatseꞌtatenanet poꞌchets. Tharraña ñeñth ateth petsa ñeñth ateth kothapeꞌchatenanet Parets Poekamkëñpaꞌ añchaꞌña eꞌmhñotenet ñeñth ateth moenatenanet Parets Poekamkëñ.

1 Corintios 2:14

Tharraña acheñeneshaꞌ ñeñth ama chorreñaꞌ Yompor Poekamkëñpaꞌ amach errothenoth xhapaneto Yompor pokthaphña ñamha amach errothenoth agapoñeto ñeñthchaꞌ apanetañ Yompor Poekamkëñoth. Ñerraꞌm yeserrpareꞌtatanet attho es apoeney Yompor Poekamkëñothpaꞌ ñetpaꞌ xhach otyeset atthoꞌ yotatseꞌtyen. Tharroꞌmar ñaptha xhenana poeyoxhro ñeñth chorrena Yompor Poekamkëñ.

Santiago 4:3

Ñatoꞌ amaꞌtchaꞌ es yenamhpaꞌ amach yagape, tharroꞌmar ñatoꞌ añekpach es yenamoeñ ñeñth ama pokteyaye ñokop. Tharroꞌmar ñatoꞌ añekpach es yenamoeñ atthoch yañapaꞌ oꞌch nanak es yokshatseꞌtyena allo.

1 San Juan 5:20

Yañapaꞌ yeñoteñ ñeñth Poechemer pen Yomporpaꞌ ñañapaꞌ oꞌ wapa. Ñaña yexhapaterreꞌña yeyoxhro atthochña yapaꞌ oꞌch yeñoter Yompor ñeñth eꞌñe poꞌñoxh Parets. Ñeñthoꞌmarña yeñoteñ oꞌ yeparrokmaterr epay ñeñth eꞌñe poꞌñoxh Yompor Poechemer ñeñthpaꞌ Jesucristo. Atthoña yapaꞌ oꞌ eꞌñe yeñoter Yompor ñeñth eꞌñe poꞌñoxh Parets, ñeñthña yapaꞌ allochña eꞌñe korretsayach yoksheñeshokmañen thayotheñ eꞌñe errponañowen.