San Juan 3:7 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁷ Ñeñth ateth noteneph, “allowenespaꞌ añ sepalltena oꞌch seꞌñalleterrerr ello”, phapaꞌ amach xha peꞌcharrtatsto peyoxhro, amach xha photatsto añoꞌtheꞌ errothenoth peꞌñalleterrerroña ello poꞌpocheño.

San Juan 3:7 Iomraidhean Croise

San Juan 3:12

Ñerraꞌm aña notenes ñeñth ateth yeyxhena añe patsro, saña ñerraꞌm ama sameꞌñennopaꞌ errothenothwatheꞌñakaꞌye notasña ñamha entoꞌmar ñeñth Yomporekop.

San Juan 3:3

Jesúsñapaꞌ ateth otaph: —Eꞌñe poꞌñoxh notaph, eseshaꞌch ama eñalleterrtso ello ñetñapaꞌ amach errothenoth poeyochreshaꞌ perraneto Yompor.

San Juan 3:6

Ñeñth attho eñalletena arromñatheneshaꞌpaꞌ ñeñthpaꞌ arromñatha. Tharraña ñeñthchaꞌ eñalleterrtsa Parets Poekamkëñoth, ñeñthpaꞌ ñeñthña kamoekñetsotets ñeñthñapaꞌ ama arromñatheshayaye.

San Juan 3:8

Ñeñthpaꞌ eꞌñe ateth pena ñerraꞌmrratheꞌ mhorr. Mhorrpaꞌ erra moeneꞌpaꞌ allchaꞌ mhorraren. Peꞌmoentheꞌ ateth maꞌmoreten, ama peñoteñe erroththeꞌña wena ñamha erratheꞌña sen. Atethchaꞌ perra ñamha allowen erraꞌtsenchaꞌ eñalleterrtsa Yompor Poekamkëñoth.

San Juan 5:28

Ñeñth ateth oꞌ notwaspaꞌ amach xha semoññeꞌtatsche tharroꞌmar esempopaꞌ xherrchaꞌ amaꞌt ñeñth poepamproꞌtsaꞌyenpaꞌ eꞌmoerrnanetchaꞌ neñoñ.

Colosenses 1:12

Ñamha sapaꞌ xhokmoepaꞌch separasyosoꞌch Yompor tharroꞌmar ñapaꞌ aꞌpoktaterrnay atthoch yagapapreter yamha ñeñth oꞌpatatenana allowen poeyochreshaxhno. Ñeñthñapaꞌ ñeñth poꞌkowenña pen ñeñth atarr kowentetsa allñapaꞌ poetaretsa.

Hebreos 12:14

Añepaꞌchña semaꞌyoxhrena atthoch eꞌñe kowen samoꞌtstannena, eꞌñech moecheth seyxhena epas allowen samoꞌtseshaxhno. Ñamha añchaꞌña sokthapeꞌchyen ñeñth eꞌñe kowenareꞌ enten Parets. Tharroꞌmar ñerraꞌm añ ama yokthapeꞌcheno ñeñth kowenareꞌ enten Paretspaꞌ amach errothenoth yentereña Yompor.

1 San Pedro 1:22

Sapaꞌ oꞌ sameꞌñaꞌwa ñoñets ñeñth eꞌñe poꞌñoxh Yompor poꞌñoñ. Ñeñthoꞌmarña eꞌñe Parets poꞌwamenkoth oꞌ seswanom allpon sosyaꞌtsañ ñeñth seyoxhroꞌtsen, atthothchaꞌ eꞌñe semorrentannaꞌta. Theꞌñapaꞌ semorrentannaꞌtepaꞌch poktakma eꞌñe seyoxhrokmañen.

El Apocalipsis 21:27

Allpaꞌ amaꞌt awathapaꞌ amach orrtateto ñeñth sosyaꞌtsañexhno tharroꞌmar allpaꞌ amaꞌt poesheñarrapaꞌ ama beꞌtheno ñeñth kothapeꞌcheneꞌ sosyaꞌtsañexhno ñeñth atarr tsenaꞌten Yompor ñeñth ateth ñerraꞌm ashkarñath. Allpaꞌ aña beꞌthets ñeñth akellkareth paꞌsoꞌxhñexhno Cristo poꞌlibro atthochña ñetpaꞌ korretsetach.