San Juan 3:28 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁸ Sapaꞌ amaꞌt señoteñe ñeñth ateth notwanmas awaña, napaꞌ ama añeyayno ñeñthenchaꞌ Cristoterrets. Napaꞌ attha moeñan nanom atthoch nota.

San Juan 3:28 Iomraidhean Croise

San Mateo 3:3

Ñewa, añmapaꞌ ñokopkaꞌye eñoseꞌthña Isaías ñeñth aꞌmhtayeꞌth awath Yompor poꞌñoñ. Allempopaꞌ ateth oteꞌth: Eꞌmorrterrach poesheñarr poꞌñoñ all amayo allchaꞌña serrpareꞌtaterranña acheñeneshaꞌ. Poerranarothpaꞌ añchaꞌ tomaꞌntaterranet thoñ, ñeñthpaꞌ atethchaꞌ oterranet: “Theꞌpaꞌ oꞌch saꞌkowenetyes thoñ allchaꞌ oñmos Partseshaꞌ, oꞌch eꞌñe saꞌpaxharretyesoñ paꞌtheph.” Arrpaꞌ allowa ñeñth ateth akellkareth awathotheñ Cristokop.

San Lucas 1:76

Theꞌpaꞌ oꞌch nechemeretholle notaph: Phapaꞌ oterrpetchaꞌ ñeñthephoꞌ ñeñthchaꞌ eñoranaꞌtena ñeñth nanak Parets. Tharroꞌmar phapaꞌ phanomchaꞌ orrtatsa atthoch phaꞌkowentatyesoñ allchaꞌ oñmos Partseshaꞌ.

San Juan 1:20

Juanñapaꞌ ama aꞌnasoto; attho aꞌmethapaꞌ ñapaꞌ ateth otapanet: —Napaꞌ amakaꞌye añeyayno ñeñthchaꞌ Cristoterrets.

San Juan 1:23

Ñañapaꞌ ateth oterraneterr: —Napaꞌ nokopkaꞌye eñoseꞌthña Isaías ñeñth aꞌmhtayeꞌth Yompor poꞌñoñ awath. Allempopaꞌ atethkaꞌ oteꞌth: Eꞌmorrterrach poesheñarr poꞌñoñ all amayo allchaꞌ serrpareꞌtaterranña acheñeneshaꞌ. Poerranarothpaꞌ añchaꞌ tomaꞌntaterranet thoñ ñapaꞌ atethchaꞌkaꞌye oterranet: “Saꞌkowenetyes thoñ allchaꞌ oñmos Partseshaꞌ oꞌch eꞌñe saꞌpaxharretyesoñ paꞌtheph.”

San Juan 1:25

Ñetñapaꞌ alla otereterr Juan: —Arepaꞌt Cristoyaypepaꞌ esoꞌmarwañakaꞌyeña phapatenña Yomporekop, arepaꞌt Elíasoyaype, arepaꞌt añeyaype ñeñthchaꞌ aꞌmhterreꞌ Yompor poꞌñoñ.

San Juan 1:27

Ñapaꞌ amaꞌtchaꞌ chenta wapapaꞌ ñapaꞌ ñeñthkaꞌyeña ello atarr sherbets; nañapaꞌ ama es nesherbeno atthoch amaꞌt poꞌsapatrexhapaꞌ oꞌch nepyampes.