San Juan 3:19 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁹ Ñañapaꞌ oꞌ wapa arr patsro atthoch yexhatosey ñeñth eꞌñe kowen enten Yompor, atthoña aꞌpoetarsamphsosnay yokthaphña. Tharraña shonteꞌ acheñeneshaꞌ ñetñapaꞌ ama moeneto oꞌch aꞌpoetarsamphsarethtet pokthaphñet. Ñetpaꞌ aña moenenet chekmeteꞌ tharroꞌmar amakaꞌye masosyayeꞌ kothapeꞌchyeneto. Ñeñthoꞌmarña ñetpaꞌ atthothchaꞌña amñarethterret koñcheñtso.

San Juan 3:19 Iomraidhean Croise

San Lucas 12:47

‘Elloña napaꞌ oꞌch notas, amaꞌt erraꞌtsena atarwasañer ñerraꞌm eñotenan ñeñth ateth moenen pamoꞌmteꞌ tharraña ñerraꞌm ama kowen ameꞌñenano pamoꞌmteꞌ ñerraꞌm ama eꞌñe kowenayeꞌ es phaꞌyeno atthoch eꞌñe kowen agërran pamoꞌmteꞌ esempoch werra, amaꞌt erraꞌtsena atarwasañerpaꞌ ñeñth ateth petsapaꞌ atarrchaꞌ ashtarethterret.

San Lucas 16:14

Añña fariseoneshaꞌ ñeñth eꞌmoeneꞌ Jesús ñeñth ateth serrpareꞌtatenan acheñeneshaꞌ, ñetñapaꞌ aña atarr yeꞌchapretenet kelle. Ñeñthoꞌmarña ñet allempopaꞌ poesasareꞌteñothet Jesúspaꞌ xha atarr cheꞌtatseteñet.

San Juan 1:4

Ñañapaꞌ añepaꞌt ñeñth alloch eꞌñe yokrrena. Ñeñthña alloch eꞌñe yokrrenapaꞌ ñeñthchaꞌ yeñotaterreꞌ allowen ñeñth kowen enten Pompor Parets. Ñeñthoꞌmar ñapaꞌ ateth pena ñerraꞌmrratheꞌ poetareꞌ tharroꞌmar ñapaꞌ ñach aꞌpoetarsamperreꞌ allowen yokthaphña.

San Juan 1:5

Amaꞌt ateth pena sosyaꞌtsañexhno añe patsro ñerraꞌmrratheꞌ chekmeteꞌ, ñañapaꞌ eꞌñe aꞌpoetareswos. Chekmeteꞌñapaꞌ amaꞌt awathapaꞌ amach errothenoth aꞌchekmetamperrano ñeñth poetarñatser ñeñth Yompor poꞌkowenña.

San Juan 12:31

Theꞌpaꞌ oꞌ anarethta allowen acheñeneshaꞌ arr patsro ñeñth ama nameꞌñenaye ñetpaꞌ amñarethterretchaꞌ koñcheñtso. Ñamha oneñeth ñeñth paꞌmhchaꞌtarether pen acheñeneshaꞌ arr patsro, theꞌ ñokoppaꞌ oꞌ anarethta awaporeꞌtarethterrach esempowañen.

San Juan 12:43

Tharroꞌmar ñeñth ameꞌñetsañ ñetpaꞌ añeꞌna moenenet oꞌch eꞌñe kowen entenanet acheñeneshaꞌ. Ama añeyeꞌña moeneneto oꞌch eꞌñe kowen entanet Parets.

San Juan 12:46

Napaꞌ añekopña nowapa arr patsro nach aꞌpoetarsampeneꞌ acheñeneshaꞌ pokthaphña, allochñapaꞌ ñerraꞌm eseshaꞌch nameꞌñaya na amach alloꞌtsenareto chekmeto. Ñeñth chekmetoꞌtsena ñetpaꞌ ama eñoteñeto ñeñth kowen enten Yompor.

San Juan 5:44

Sapaꞌ tharroꞌmarña ama sameꞌñenno sapaꞌ añakaꞌye seꞌnen oꞌch eꞌñe sañeña ayeꞌchoxhtatannetsa, amakaꞌyeña añeyeꞌña seꞌneno atthoch eꞌñe kowen entas ñapoeth Yompor.

San Juan 7:17

Ñerraꞌm eseshaꞌña moeneꞌ oꞌch ateth pet ñeñth moenen Yompor ñetñapaꞌ eñochetchaꞌ neyxhateñpaꞌ Yomporo amakaꞌye nothayeꞌ neñeno.

San Juan 7:7

Tharroꞌmar acheñeneshaꞌña añ patsropaꞌ amachkaꞌye errothenoth eꞌmoñeꞌtasoña sa, tharraña napaꞌ xhokma eꞌmoñeꞌtyennet tharroꞌmar napaꞌ añkaꞌye neñotatyenanet ñeñth ateth phatseꞌtyenet ñeñth ama pokteyaye.

San Juan 8:12

Jesúsña poꞌpocheñopaꞌ serrpareꞌtaterranerr acheñeneshaꞌ, ñeñthpaꞌ ateth oterraneterr: —Napaꞌ na ñeñthen aꞌpoetarsampeneꞌ acheñeneshaꞌ pokthaphña añe patsro. Eseshaꞌch noktherreꞌ oꞌwañchaꞌ alloꞌna kothapeꞌchatnenanet pokthaphña ñeñth atarr sosyaꞌtsañ; ñeñthpaꞌ chekmeta chopeñeꞌchyenet. Ñetñapaꞌ Yomporchaꞌ poꞌkowenño korrerret ñeñthara ñeñth poetarets.

San Juan 9:5

Thayepaꞌtña añe patsroꞌtsenmeñenpaꞌ na ñeñthen aꞌpoetarsampeneꞌ acheñeneshaꞌ pokthaphña añe patsro.

Romanos 1:32

Ñeñth phatseꞌtyetsa atethpaꞌ amaꞌt eñoteñetañ eꞌñe Yomporeshoth anarethetwa amaꞌt koñcheñets añekop ñeñth phatseꞌtyetsa atethpaꞌ tharraña ñetñapaꞌ ñeñtharach ateth phatseꞌtyesnenet. Amaꞌt pamoꞌtseshetpaꞌ ñerraꞌm eꞌñe atthekma phowenet ñametpaꞌ chemerrña allempopaꞌ ñeñthach erronayeꞌ koshapretannenet.

Romanos 2:8

Tharraña ñerraꞌm yapaꞌ aña kowen yenten ñeñth yemnen ya, Yomporña poꞌñoññapaꞌ ñerraꞌm xha yathpareꞌteñ, aña yokthen ñeñth ama kowenayaye Yomporekoppaꞌ ñaña poꞌyoroxhenñoth poꞌñoxhpaꞌ xhokmach tsaꞌtatwerrya.

2 Tesalonicenses 2:12

Atthochña allowen ñeñth ama ameꞌñaꞌpoyeꞌ entayeꞌthe Yompor poꞌñoñ ñeñth eꞌñe poꞌñoxh keshpeñets, ñetpaꞌ aña kosheteꞌth ñeñth ama pokteyeꞌ enteno Yompor, ñeñthoꞌmarña ñetpaꞌ aꞌkoñchatarethterretchaꞌ allempo.

1 San Pedro 2:8

Añ ñeñthara Cristo ñeñth tomaꞌntenaya Mapoeꞌ allchaꞌ epothoꞌtena ñeñth ama ameꞌñetso ñeñthchaꞌña aꞌshoratawet chenkëñtso. Añ epothoꞌteñetspaꞌ añ tomaꞌntena attho athpareꞌteññañet Cristo poꞌñoñ. Ñeñthoꞌmarña ateth anareth, ñerraꞌm ama yameꞌñyopaꞌ eꞌñech yechenkaꞌwerra.

2 San Pedro 3:3

Ñanom oꞌch señoch añ, ñerraꞌm esempoch oꞌ werrmocha Cristopaꞌ wapach ñeñthchaꞌ achmhareꞌteneꞌ Yompor pokthaphña. Ñeñthpaꞌ atthach kothapeꞌchen ateth moenatseꞌtyenet ñeñth kowen entenet poꞌchets.