Jesúspaꞌ alla oterranerr poeyochreshaꞌ: —Eꞌñech señota, añepaꞌchña atarr asherben senten ñeñth ama ommoꞌchetso ñeñth ateth petsa ñerraꞌm cheshatholl ñeñthñapaꞌ eꞌñech poeñmañeshaꞌ yemtenna. Tharroꞌmarña theꞌpaꞌ oꞌch notas, ñeñth ama pommoꞌcheñotheyeꞌ nameꞌñenayo ñokpoetpaꞌ eñalletkaꞌyeña poꞌmhllañotheñer ñeñthchaꞌ kowampenawet. Ñeñthña poꞌmhllañotheñretpaꞌ xhokma Yomporeshoꞌtsenet allña eꞌñe kowen eꞌmhñotenanetña Yompor poeꞌntaño.
San Juan 3:15 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho15 Allochñapaꞌ allowen amaꞌt erraꞌtsena ñeñthchaꞌ nameꞌñerraya na, ñetñapaꞌ amach chenkërreto, eꞌñech korretseta poksheñeshokmañen eꞌñe thayotheñ errponañowen. Faic an caibideil |
San Juan 3:15
37 Iomraidhean Croise
‘Napaꞌ eꞌñe poꞌñoxh ateth notenes: Ñerraꞌm eseshaꞌ eꞌmhñoteꞌ neñoñ ñamha ñerraꞌm yemterrnanet Nompor ñeñth nellsenseneꞌ ñetñapaꞌ korretsetach poksheñeshokmañen thayotheñ errponañowen. Amach aꞌkoñchatarethterreto amaꞌt errponaña. Tharroꞌmarña ñetpaꞌ oꞌ metanerretña ñeñth eꞌñe poꞌñoxh rromoeñets, oꞌ xherret allña ñetpaꞌ korretsetach thayothen errponañowen.
Theꞌpaꞌ oꞌch notas, sapaꞌ amach aña semaꞌyoxhratsto yokrramh ñeñth eꞌnwapoꞌ. Añchaꞌña semaꞌyoxhra sokrramh ñeñth ama eꞌnwapawoyaye; ñeñthña alloch sapaꞌ korretsasach soksheñeshokmañen eꞌñe thayotheñ amaꞌt errponañowen. Ñeñthña sokrramhpaꞌ nach sapoerreꞌ Ñeñthen Acheñetosets tharroꞌmar Apapaꞌ oꞌ llesenserren na Ñeñthen Acheñetosets arr patsro.
Atthoña eꞌñe yephatseꞌtyeñoth ñeñth ama kowenayayepaꞌ awoꞌt anarethta rromoeñets ñeñthchaꞌ yoꞌpatenaya ñeñthñapaꞌ koñcheñets. Tharraña elloña Jesucristo ñeñth Yepartseshar yepen awoꞌt orrtatonay attho Yomporpaꞌ nanak moererrya atthoña aꞌpoktatwerrnay yoꞌchñar. Atthochña yapaꞌ korretsayach yoksheñeshokmañen thayotheñ errponowañen.
Poꞌñoxh ñerraꞌm esempo yeserrparen attho Cristo rroma korsocho eꞌñe ya yoꞌchñarothpaꞌ añña acheñeneshaꞌ ñeñth chenkëtsapaꞌ xhach otenapoetañ atthatheꞌ yotatseꞌtyen. Tharraña ya ñeñthey aꞌkeshphataretheypaꞌ añña ñoñets attho rroma Cristo korsochopaꞌ ñeñthña ñoñetspaꞌ yeñoteñ allothña wena Yompor poꞌwamenk atthoch aꞌkeshphatyerran acheñeneshaꞌ.
Tharroꞌmar ya amaꞌt judioneshaypaꞌ yeñoteñ eꞌñe yameꞌñeñotha Jesucristopaꞌ oꞌch pokteꞌ enterrey Yompor, ñeñthpaꞌ ama añotheyaye oꞌch eꞌñe yephowa ñeñth ateth anareth judioneshakop. Añña eꞌñe yameꞌñeñotha Jesucristopaꞌ oꞌch pokteꞌ enterrey Yompor, ñeñthoꞌmarña oꞌ yameꞌñera Cristo, tharroꞌmar yeñoteñ eꞌñe yetsoteñotha ñeñth ateth anareth judioneshakoppaꞌ amach pokteꞌ enterrye Yompor amaꞌt poesheñarrotheya.
Ñeñthoꞌmarña yapaꞌ oꞌ yekexhpaꞌwerr ateth moenatseꞌtatyesyeꞌth yechets. Ñeñthoꞌmarña oꞌ eꞌñe ateth yeperra ñerraꞌmrratheꞌ oꞌ korsoꞌtamperryet epay Cristo. Theꞌpaꞌ amaꞌt ora yokrrenañpaꞌ tharraña ama yayeꞌ korretso, añña Cristo ñeñth yechorrenayapaꞌ ñeñthña korretsa theꞌ yechtso. Theꞌpaꞌ eꞌñe yeyemteñoth Yompor Poechemerpaꞌ yokrrena eꞌñe kowen arr patsro, tharroꞌmar ña yemorrenterraya, ñamha ña rromats yokop.
Yañapaꞌ yeñoteñ ñeñth Poechemer pen Yomporpaꞌ ñañapaꞌ oꞌ wapa. Ñaña yexhapaterreꞌña yeyoxhro atthochña yapaꞌ oꞌch yeñoter Yompor ñeñth eꞌñe poꞌñoxh Parets. Ñeñthoꞌmarña yeñoteñ oꞌ yeparrokmaterr epay ñeñth eꞌñe poꞌñoxh Yompor Poechemer ñeñthpaꞌ Jesucristo. Atthoña yapaꞌ oꞌ eꞌñe yeñoter Yompor ñeñth eꞌñe poꞌñoxh Parets, ñeñthña yapaꞌ allochña eꞌñe korretsayach yoksheñeshokmañen thayotheñ eꞌñe errponañowen.
Sanasan