San Juan 21:3 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³ Simónña Pedropaꞌ ateth otanet: —Napaꞌ oꞌch neterrayenaꞌ. Poꞌpotantañexhnopaꞌxhoꞌña ateth ochet: —Yapaꞌxhoꞌña oꞌch yokthaph. Allempoñapaꞌ awanmoet aꞌtaxhaꞌtoset noñtho. Tharraña amaꞌt arepenetañ terrayatsetpaꞌ amaña es rromoeneto.

San Juan 21:3 Iomraidhean Croise

San Lucas 5:5

Simónñapaꞌ ateth och: —Yapaꞌ oꞌ Maestrochaꞌ eꞌñe yarepen thorratsa terrayats eꞌñe orrena amaꞌt parra kak ama yerrmoeñe. Theꞌña phakaꞌ noteneꞌ oꞌch alla neterrayerrerr amaꞌtpaꞌ atethchaꞌ nepha oꞌch alla neterrayerrerr.

San Juan 21:4

Allempoña oꞌ poetarenmoch Jesúsñapaꞌ thomwen poemeꞌtaro. Tharraña poeyochreshaxhnoñapaꞌ ama eseshaꞌ chemeꞌtapaye.

Los Hechos 18:3

Ñetpaꞌ ñeñtha poꞌtarwas penet attho yexhkatenet shetamtsopoꞌ. Pabloñapaꞌ alla aꞌpa epoet atthoch tarwaset parro.

Los Hechos 20:34

Sapaꞌ señotenen ñeñth allpon nepalltenapaꞌ eꞌñe nototh netarwasaꞌ attho nechen ñeñth nepalltaꞌyena. Ñamha eꞌñe na netarwasothpaꞌ es napaꞌyeñ ñamha ñeñth noktheneꞌ.

1 Corintios 3:7

Ñeñthoꞌmar yeñoteñ ñeñth nareꞌtetspaꞌ ama esoyaye, amaꞌt ñamha ñeñth sheꞌtamoꞌreꞌtetspaꞌ ama esoyaye. Añña Yompor ñeñthña es aꞌchpatets ñaña sherbets.

1 Corintios 9:6

Ñamha sapaꞌ ñatoꞌ xhatheꞌ soten eꞌñe pokteꞌ eꞌñe epsheñoꞌmarey epan masheñ Bernabé yapthach yetarwasen atthoch yechen ñeñthchaꞌ yerren. Poꞌñoxhpaꞌ poꞌpotantañexhno ñeñth thorraꞌyetsa Yomporekoppaꞌ ñetñapaꞌ arratarethtenet eꞌñe attha.

1 Tesalonicenses 2:9

Ñeñth ateth yepena ya, amatheꞌ masheñneshachaꞌ xha sepsenye attho nanak yetarwaseꞌth yetho eꞌñe tsapomeꞌtets allempo alloꞌtseney sesho. Ñeñthpaꞌ añekop atarr yetarwaseꞌth allochñapaꞌ atthoch sa amaꞌt poesheñarrothesapaꞌ amach xha yaꞌtsrreꞌmoxhtanaꞌtaso allempo yeserrpareꞌtataseꞌth kowen ñoñets ñeñth Yompor poꞌñoñ.