San Juan 21:17 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁷ Pomaꞌpocheñoñapaꞌ alla otererr: —Simón, Jonás poechemere, ¿amaꞌt eꞌñe mamekpa pemorrentenno? Pedroñapaꞌ llekënana attho alla pomaꞌpocheño otererr eꞌñe ñeñthara, ¿pemorrentennaꞌt?, ñeñthoꞌmarña ñapaꞌ otererr: —Partseshachaꞌ, allowenpaꞌ eꞌñepaꞌt peñotweñ. Eꞌñe peñotenen napaꞌ nemorrentenpha. Jesúsñapaꞌ alla otererr: —Ñeñthepñapaꞌ eꞌñech kowen pekwamphson necarnerorexhno.

San Juan 21:17 Iomraidhean Croise

San Mateo 25:40

Allempoña na ñeñthen Partseshanpaꞌ atethchaꞌ noterres: “Theꞌ napaꞌ oꞌch notas: Poꞌñoxhpaꞌ allempo eꞌñe kowen ateth sephaꞌyesnaneꞌth na nemoꞌnasheñneshaꞌ naꞌnakaꞌyeña eꞌñe kowen ateth sepen. Amaꞌt poesheñarra ñeñth ama esosheꞌmayeꞌ entyeseꞌthe acheñeneshaꞌ allempo, tharraña saña allempopaꞌ attho eꞌñe kowen es sephaꞌyesaneteꞌth, naꞌnakaꞌyeña eꞌñe kowen ateth sepen allempo.”

San Marcos 14:72

Oꞌña ateth otwanetpaꞌ eꞌñepaꞌtchaꞌ allempokma poepocheño eñenña atollop. Allempoña Pedropaꞌ alla yerpoerrana ñeñth ateth oteñ Jesús: “Amaꞌt eꞌñe epocha amach eñenaꞌ atollop phañapaꞌ oꞌch maꞌpoch phaꞌnasotenna.” Allempoña Pedropaꞌ allentha atarr yawena womenk.

San Juan 12:8

Tharraña amaꞌtchaꞌ xho pomosaneñ eñmosath alloch es apaꞌyesaneñ wokchañneshaxhno, tharraña xhokmachkaꞌye eñallña wokchañneshaxhno arr patsro. Tharraña nañapaꞌ poꞌñoxhpaꞌ amachkaꞌye alloꞌna sentenno arr patsro.

San Juan 13:38

Jesúsñapaꞌ ateth otererr: —¿Poꞌñoxhaꞌt eꞌñe pokteꞌ penteñ oꞌch yerroma parro? Poꞌñoxhkaꞌye theꞌ napaꞌ oꞌch notaph: Amach eñenaꞌ atollop phañapaꞌ oꞌch maꞌpoch phaꞌnasotenna.

San Juan 14:15

‘Ñerraꞌm sa poꞌñoxh semorrentennatheꞌpaꞌ oꞌch sameꞌñerrnana neñoñ ñeñth ateth notenes.

San Juan 15:10

Ñerraꞌm sameꞌñennana neñoñ ñeñth ateth notenes eꞌñech señotenen napaꞌ atarr nemorrentensa. Ateth nepena na eꞌñe nameꞌñeññaña Nompor poꞌñoñ ñeñth ateth otenen, ñeñthoꞌmarña napaꞌ eꞌñe neñoteñ ñapaꞌ atarr morrentenna namha.

San Juan 16:30

Theꞌpaꞌ yeñoteneph phapaꞌ ñeñtheph eñotweneꞌ ora allowen esokmañen. Ñeñthoꞌmarña yapaꞌ amakaꞌye pallteno oꞌch alla yaꞌphthoꞌterrperr poꞌpoñoneth. Tharroꞌmar theꞌpaꞌ yeñoteneph phapaꞌ Partseshoth pewapa.

San Juan 18:27

Pedroñapaꞌ alla aꞌnasotererr. Eꞌñe allempokmaña eñen atollop.

San Juan 18:4

Jesúsñapaꞌ eꞌñe eñoteñ ora ñeñthchaꞌ xhapoya allempo. Ñaña poktanetpaꞌ ateth otapanet: —Sapaꞌ ¿eseshaꞌtña seꞌnen?

San Juan 21:18

Poꞌñoxhkaꞌye theꞌpaꞌ oꞌch notaph, pha allempo wepoeshenphaꞌ pechorreꞌth eꞌñe photha, all pesecheꞌthpaꞌ all pechopeñeꞌchyeseꞌth. Tharraña esempoch pepoꞌnmeꞌtenpaꞌ phañapaꞌ oꞌch atthamha peyopen pekeꞌ atthochña oꞌch poꞌpsheññamha pechorratenaya allempopaꞌ anerrpetchaꞌ all ama pesecheno.

San Juan 4:16

Jesúsñapaꞌ ateth otererr: —Theꞌpaꞌ orrerreph, oꞌch pexhoreꞌteraꞌ perrollar, allempochña alla pewerra arr.

Los Hechos 1:24

Allempoñapaꞌ oꞌ maꞌyochet. Poemaꞌyocheñothetpaꞌ ateth otet: —Yompore, ñeñtheph enteneꞌ alloweney yeyoxher, theꞌpaꞌ oꞌch peñotatey erraꞌtsentheꞌ pemnen pha ñeñthchaꞌ ello alla sherberrets phokop ateth ñerraꞌm pellsensar.

Los Hechos 11:10

Añpaꞌ eꞌñe maꞌpocha neꞌmhpaꞌ allempoñapaꞌ oꞌ alla aꞌterr enoneth oꞌ alla chenkërra —ora.

Los Hechos 15:8

Ñewa, Yomporpaꞌ entennay yeyoxher. Ñapaꞌ eñoteñ amaꞌt añ ñeñth ama judioneshayaye oꞌ ameꞌñyet poeyoxhreto. Ñeñthoꞌmarña oꞌ chorratanet Poekamkëñ atthekma ateth chorrenya yamha. Atthoña eñotatey eꞌñe pokteꞌ entenanet ñamet.

2 Corintios 1:12

Ñewa, theꞌpaꞌ oꞌch notas poꞌpoñ ñeñth ateth nokthapeꞌchen. Napaꞌ ñeñthña atarr nokshateneꞌ nanak. Napaꞌ neñotena neyoxhro poꞌñoxh arr patsropaꞌ xhokma nokthapeꞌchen ñeñth ateth pokteꞌ enten Parets. Eꞌñe nameꞌñeñoth Yompor, napaꞌ ama nemno oꞌch eseshaꞌ neshkaꞌyes amaꞌt mamesha. Elloña sapaꞌ ama nemno oꞌch neshkas amaꞌt eꞌñe mamesha. Ama aña neyemteno ñeñth ateth yokthapeꞌchen ya acheñey arr patsro, añchaꞌña neyemteñoth Yompor atthoch ñach neyenpoeneꞌ. Eꞌñe poemoereñoth ñachña neñotateneꞌ ñeñth kowen enten ña.

Efesios 4:30

Atthochña amach xha yellkateññañe Yompor Poekamkëñ ñeñth yexhetsa yeyoxhro ñeñthara ñeñth Poekamkëñ pen ñeñth atarr kowen Parets. Tharroꞌmar poechorreñothey ya, Parets Poekamkëñ ñeñthpaꞌ ñeñthña yeñotateneꞌ yapaꞌ poechemer peney Yompor thayotheñ ñamha esempowañenchaꞌ allempoch yaꞌkeshphatarethterra.

1 San Pedro 1:6

Ñeñthoꞌmarña theꞌpaꞌ allowenespaꞌ sokshepaꞌch. Amaꞌt theꞌña attho semoeroxhtenapaꞌ ñeñthpaꞌ eꞌñe mamekpa. Tharraña amaꞌt oꞌ xhaponasa paꞌnamen topateñetspaꞌ sapaꞌ xhokmoepaꞌch soksheña Yompor.

2 San Pedro 3:1

Theꞌñapaꞌ masheñneshachaꞌ ñamha noxhaneshachaꞌ oꞌch notas, poꞌpocheño oꞌ alla nekellkërrnaserr carta. Tharroꞌmar añekop nemneñ oꞌch alla nokthapeꞌchaterrserr, oꞌch alla neyerpaterrserr sokthaphña eꞌñe kowen.

El Apocalipsis 2:23

Amaꞌt ñamha poechoyoreshowen napaꞌ oꞌch neꞌnwerranet. Allochñapaꞌ atthoch allowen ñeñth pameꞌñeñothet apxhaꞌyetsa allemeñ anetso oꞌch eñochet ñeñth atethpaꞌ ama aphapawo. Napaꞌ eꞌñe nentwennas amaꞌt ñeñth ateth sokthapeꞌchen seyoxhro. Napaꞌ ñeñthenchaꞌ sapwerreꞌ allpon ñeñth poktetsa eꞌñe poesheñaꞌttsokpas, ñeñth allpon ateth sephaꞌyen.

El Apocalipsis 3:19

Ñewa, allowen ñeñth poꞌñoxh atarr nemorrentenapaꞌ xhokmach eꞌñe kowen nokthapeꞌchaterranet ñerraꞌm esempo athpareꞌtennet. Ñamha errotheno allowen ñeñth nemorrentena oꞌch nekoñchach mameꞌ, tharraña ñeñthpaꞌ eꞌñe ñokpoeta allochñapaꞌ atthoch oꞌch alla kothapeꞌcherret kowen nokop, oꞌch alla ameꞌñerrnet womenk.