San Juan 21:12 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹² Jesúsñapaꞌ alla oterraneterr: —Theꞌpaꞌ sonaxherr oꞌch serraꞌmoen. Poemhchaꞌnaꞌteñothet amaꞌt poesheñarrotheta ama eseshaꞌ otenaye: ¿Eseshapeꞌtña pha? tharroꞌmar eñoteñet poꞌñoxhpaꞌ Partseshaꞌkaꞌye.

San Juan 21:12 Iomraidhean Croise

San Mateo 22:46

Ñetñapaꞌ amaꞌt poesheñarrothetapaꞌ ama eseshayeꞌ anapoenayeꞌ entaye. Ñeñthoꞌmarña allempotheñpaꞌ amaꞌt poesheñarrothetapaꞌ ama eseshayeꞌ aꞌphthoꞌtenayeꞌ enterraye.

San Marcos 9:32

Ñeñthña ñoñets ñetñapaꞌ amaꞌt poesheñarrothetapaꞌ ama eseshayeꞌ eñotenayeꞌ enteñeto ñeñthoꞌmarña ama aꞌphthoꞌtenayeꞌ enteñeto.

San Lucas 9:45

Ñeñthña ñoñetspaꞌ ñetñapaꞌ amaꞌt poesheñarrothetapaꞌ ama eshkayeꞌ eñotenayeꞌ enteñeto tharroꞌmar ama xhenaꞌ allempoch xhapanet poeyoxhreto. Ñetña poeyorñothetpaꞌ ama eseshayeꞌ aꞌphthoꞌtenaye estheꞌ otenanetña attho eñoranaꞌtenanet.

San Juan 16:19

Jesúsña eñotanet ñetpaꞌ xho moeneñetañ oꞌch aꞌphthoꞌchet. Ñañapaꞌ otanet: —¿Ñeñtheꞌtña sotannena ñeñth ateth notenes, oꞌ mameshamha oꞌwañchaꞌ alloꞌna sentnenen, tharraña mameshapaꞌ oꞌch alla yentannerra?

San Juan 21:11

Allempoña Simón Pedropaꞌ alla aꞌterr noñtho, chetan terraya noñthoth oꞌ neꞌ mastho, eꞌñe chorreꞌ ateshaꞌ kakaxhno —alloꞌtsen ciento cincuenta tres ñeñth allpon rromoet kak. Tharraña amaꞌt shonteꞌ rromoet kakpaꞌ ama rrarratano terraya.

San Juan 21:15

Allempoña rrowaꞌmoenet Jesúsñapaꞌ ateth otan Simón Pedro: —Simón, Jonás poechemere, phapaꞌ ¿atarrtheꞌ pemorrentenna, ellotheꞌ pemhtanaꞌtweñ añeneshaꞌ? Ñañapaꞌ ateth otan Jesús: —Poꞌñoxhkaꞌye, Partseshachaꞌ, peñotenen napaꞌ nemorrentenpha. Jesúsñapaꞌ ateth otererr: —Ñeñthepñapaꞌ eꞌñech kowen peserrpareꞌtatyes allowen ñeñth nameꞌñenaya; ñetpaꞌ eꞌñe ateth nentenanet ñerraꞌmrratheꞌ necarneroretholleshaꞌ.

San Juan 4:27

Eꞌñe allempo ateth otenpaꞌ poeyochreshaꞌñapaꞌ waxherret. Ñetñapaꞌ attha kowanrroretweret all serrpareꞌtatenan koyaneshaꞌ. Tharraña ñetpaꞌ amaꞌt poesheñarrothapaꞌ ama eseshayeꞌ otwerraye ¿esoꞌtña pemnen? Amaꞌt poesheñarrothetapaꞌ ama otwereto ¿esoꞌmareꞌt peserrparenña epaph koyaneshaꞌ?

Los Hechos 10:41

Tharraña ama allowenakpayeꞌ orrterro, eꞌñe yañeñakpa ñeñthey naꞌ Yompor oꞌch yaꞌpothoñ ñeñth ateth peꞌth Jesús. Allempoña tanterrapaꞌ yapaꞌ yerrallmeꞌchapretwer ñamha yorrwerr koñeꞌthaꞌtets parro.