San Juan 21:1 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹ Allempoña Jesúspaꞌ orrterranerr poeyochreshaꞌ eꞌñe saꞌpatophño Tiberiaso. Allpaꞌ ateth orrterranet:

San Juan 21:1 Iomraidhean Croise

San Mateo 26:32

Jesúsñapaꞌ ateth oterraneterr: —Tharraña esempoch alla netanterra napaꞌ nanomchaꞌ oterrtsa Galileo.

San Mateo 28:16

Ñeñth xharraꞌ poechena patherr poeyochreshaꞌpaꞌ ñetñapaꞌ awanerret Galileo. Arr awanmoet all aspentho all otanet Jesús allchaꞌ tet.

San Mateo 28:7

Sekwaꞌwepaꞌ orrerres semaꞌyoreñ oꞌch soterrñañaꞌ poeyochreshaꞌ: “Oꞌkaꞌye tanterraña Jesús rromoth. Ñapaꞌ ñanomchaꞌ otatsa oꞌch awen Galileo. Sapaꞌ allchaꞌña sentwer.”

San Marcos 16:12

Poꞌpocheño Jesúspaꞌ eꞌñe poꞌpoñoth orrterrana epsheña poeyochreshaꞌ allempo chopeñeꞌchnenet allampañoꞌmar.

San Marcos 16:14

Poꞌpocheño Jesúspaꞌ alla orrterranerr poeyochreshaꞌ xharrasheña ñeñth poechetsa patherr all rrallmeꞌchenet. Ñañapaꞌ ateth kothapeꞌchatwenanetpaꞌ ateth otwenanet: —Sapaꞌ esoꞌmareꞌtña ama sameꞌñeñoña poꞌpotantañ ñeñth soteneꞌ napaꞌ oꞌkaꞌye netanterra tharroꞌmar ñetpaꞌ xhokaꞌye enterrnet. Tharraña sapaꞌ amakaꞌye es sexhenoyo seyoxhro.

San Marcos 16:7

Allempoña mellañotheññapaꞌ alla oterraneterr: —Theꞌpaꞌ oꞌch awerres oꞌch sotwer Pedro ñamha poꞌpotantañ poeyochreshaꞌ, Jesús oten oꞌch ota oꞌch awerr Galileo. Xhoschaꞌña awanmatsa samha allochñapaꞌ allchaꞌ senter ñeñth ateth otaseꞌth awaña.

San Juan 21:14

Ñeñthpaꞌ allempo pomaꞌpocheñowa orrterrana poeyochreshaꞌ allempo tanterra rromoth.

San Juan 6:1

Allempoña Jesúspaꞌ awoꞌ yomhtaꞌn saꞌp Galileaso, ñeñthara saꞌp otenet Tiberias.

San Juan 6:23

Tharraña noñthexhnoñapaꞌ xhokma waxhena Tiberiasoth, oꞌ xhapoet allameꞌtets all rret ellerro pan ñeñth parasyosoꞌtampes Partseshaꞌ Jesús.

Los Hechos 1:3

Amaꞌt pomoeroxhteñoth oꞌ rromwa awaña, allempoñapaꞌ oꞌ orrterrana poeyochreshaꞌ eꞌñe bethnathoth. Ñeñthoꞌmarña ñetpaꞌ eñochet eꞌñe poꞌñoxh añpaꞌ ñeñthara Jesús ñeñth rromats awaña. Tharroꞌmar paꞌtatsoch xharramatnerr attho orrtameꞌtnerranet mameshaꞌtets. Ñamha xhokma eñcheteꞌth allameꞌtets. Allempoña ñapaꞌ aꞌpothanet ateth penaña Parets poꞌkowenña attho ayochreshathtena ña.