San Juan 20:29 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁹ Jesúsñapaꞌ alla otererr: —Phapaꞌ xho eꞌñe penterren ñeñthoꞌmaraña theꞌpaꞌ phameꞌñenna. Tharraña elloña añ atarr kosheñtsoꞌtsen ñeñth amaꞌt ama xho entennopaꞌ ameꞌñennet.

San Juan 20:29 Iomraidhean Croise

San Mateo 13:16

Allempoña Jesúspaꞌ alla oterranerr poeyochreshaꞌ: —Saña poꞌñoxhpaꞌ atarr kosheñtsoꞌtsenes sa tharroꞌmar attho oꞌ senterrñañ Yompor poꞌkowenña seklloyoth theꞌñapaꞌ oꞌ eꞌñe xherrnasa seyoxhro. Ñamha attho seꞌmoerrñañ Yompor poꞌñoñ, theꞌñapaꞌ oꞌ eꞌñe xherrnasa seyoxhro.

San Lucas 1:45

Phaña theꞌpaꞌ atarr kosheñtsoꞌtseneph tharroꞌmar phapaꞌ eꞌñe phameꞌñaꞌwoña ñeñth ateth otwenphaꞌ Yepapar. Ñeñthoꞌmarña ñeñthpaꞌ eꞌñech ateth etsoterra phokop.

San Juan 20:28

Allempoña Tomáspaꞌ ateth och: —¡Nepartseshare, theꞌña poꞌñoxhpaꞌ Neyomporer nepeneph!

San Juan 20:8

Allempoñapaꞌ beꞌthosos ñamha poꞌpoñ poeyochreshaꞌ ñeñth ñanom xhapats poepampro. Ñapaꞌxhoꞌña entos ama eñalle Jesús. Allempaña ameꞌñya poꞌñoxhepaꞌt oꞌ tanterraña Jesús rromoth.

San Juan 4:48

Jesúsñapaꞌ ateth och: —Ñerraꞌm ama nentatasñe nepartsoña ñamha ñeñth ama sentarepaꞌ amatheꞌ sameꞌñennañe.

2 Corintios 5:7

Eꞌñe yeyemteñoth Yomporpaꞌ alloꞌnach yesen eñotnomoeꞌ ñeñthchaꞌ ateth perrnay ña, ama añeyeꞌ es yeñotatenaye ñeñth yentyen arr patsro.

Hebreos 11:1

Ñewa, allempo poꞌñoxh yeyemteña Yompor eꞌñe yeñoteñ xhokmach apoerrey amaꞌt esempo ñeñth atarr yekwen theꞌ eꞌñe yenamoeñoth. Amaꞌt ama yenteñaꞌ eꞌñe yeyoxhroña yeñoteñ ñeñth yekwen theꞌ poꞌñoxhpaꞌ apoerreychaꞌ amaꞌt esempo.

Hebreos 11:27

Ñeñthoꞌmarña Moisés eꞌñe poeyemteñoth Yomporpaꞌ ateth otan allowen israelenaꞌtar ñeñth Egiptoꞌtsaꞌyen: “Theꞌpaꞌ oꞌch semtsa carnerotholl tharroꞌmar Yompor otets. Ñeñthña poꞌrraspaꞌ oꞌch seshellkataꞌtyes alloth sebeꞌthen soꞌponro, allochñapaꞌ ñerraꞌm esempoch wapa mellañotheñ ñeñth amñareth ñeñthchaꞌ moetsanatwenayaꞌ allowen egiptoꞌmarneshaꞌ poꞌmotherneshaꞌ atthochña sa ñeñthes israelenaꞌtarneshaspaꞌ amaꞌt poesheñarrothesapaꞌ amach moetsenso.” Ñamha Moisés eꞌñe poeyemteñoth Yomporpaꞌ saꞌnerran anets Egipto, ama mechaꞌtnomano ñeñth amhchaꞌtarethtetsa all Egipto ñeñth atarr atsrreꞌmñath. Moiséspaꞌ attha awantaꞌwanman allowen ñeñth atarr echarr entyen tharroꞌmar ñapaꞌ añ eꞌñe yemtena Yompor ñeñth amaꞌt ama entpawoyaye.

Hebreos 11:39

Allowenet ñeñthet atarr yemteteꞌth Yompor awath, Yomporñapaꞌ eꞌñe kowen entaneteꞌth, tharraña ñetpaꞌ amaña enterretoña ora allpon ñeñth ateth otaneteꞌth Yompor awath ñeñthchaꞌ ateth apoerranet.

1 San Pedro 1:8

Jesucristo amaꞌt ama sentarñepaꞌ theꞌñapaꞌ oꞌ semorrentera. Amaꞌt ama senteñe, theꞌñapaꞌ oꞌ sameꞌñera. Eꞌñe soksheñeshokmañen oꞌ sameꞌñeña, ñeñthña kosheñetspaꞌ atarr nanak kowen. Theꞌpaꞌ amach erra yenerreꞌthe yeñoñ ñeñthchaꞌ ateth yoterrerr.