San Juan 20:24 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁴ Poeyochreshaꞌña Tomás ñeñth otenet Epaneshaꞌ ñañapaꞌ ama alloꞌtsenayaye all apxhenet allempo wena Jesús.

San Juan 20:24 Iomraidhean Croise

San Mateo 10:3

Allothñapaꞌ ñamha Felipe ñamha Bartolomé; allothñapaꞌ ñamha Tomás ñamha Mateo ñeñth cobrayeꞌth acheñeneshaꞌ kelle ñeñth gobiernokop; allothñapaꞌ Jacobo ñeñth Alfeo poechemer, allothpaꞌ ñamha Tadeo.

San Mateo 18:20

Tharroꞌmar ñerraꞌm erroꞌtsen amaꞌt eꞌñe epsheña amapaꞌ maꞌpsheña ñeñth apxhetsa eꞌñe pameꞌñeñothetan na, naña allpaꞌ alloꞌtsenenchaꞌ eꞌñe ñesheto.

San Juan 11:16

Tomásña ñeñth otenet Epaneshaꞌ ñapaꞌ ateth otan poꞌpotantañ ñeñth parro yochreshatsokmoet: —Amaꞌtpaꞌ awanmapoꞌch yerromoepaꞌ yamha epay Jesús.

San Juan 14:5

Tomásñapaꞌ ateth och: —Ayochreshathe, yapaꞌ amakaꞌye yeñotenpe errachña peserr. Errothenothwachkaꞌye yeñochtheꞌ atthoch yexherr yamha.

San Juan 21:2

Ñewa, allempo shontenet allpaꞌ alloꞌtsen Simón Pedro ñamha Tomás ñeñth otenet Epaneshaꞌ ñamha Natanael ñeñth kanoꞌmarneshaꞌ eꞌñe allara Galileo. Ñamha alloꞌtsen Zebedeo poechemereshaꞌ ñamha alloꞌtsen poꞌpoñ epsheña poeyochreshaꞌ.

San Juan 6:70

Jesúsña ateth otanet: —Napaꞌ nakaꞌyeña saꞌkrerreꞌña sa, xharrasheñas sepchena epa. Ñeñthña poesheñarrpaꞌ ñeñthpaꞌ oneñethenaꞌtar.

San Juan 6:71

Ñewa, Judasokop ateth eñora. Ñeñth Judaspaꞌ ñeñth Simón Iscariote poechemer. Amaꞌt ñeñth aꞌpchenawetañ epa poeyochreshaꞌ, poesheñarrpaꞌ ñeñthchaꞌ pomoerreꞌ.

Hebreos 10:25

Ñamha xhokmoepaꞌch yesen all xhokma yapxhena eꞌñe yameꞌñeñoth Cristo. Amachña attha yephatsto ñeñth ateth pena poꞌpotantañ ñeñth ama wetso allekma yapxhena. Añchaꞌña ateth yepena allempo yapxhena eꞌñech kowen yokthapeꞌchatannena Yomporekop. Elloña theꞌpaꞌ xhokmach yapxhena ñeñth nanak kowentetsa yokop tharroꞌmar yeñoteñ theꞌpaꞌ oꞌ xherrmoch allempoch werra Yepartseshar Cristo.