San Juan 20:16 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁶ Jesúspaꞌ ateth otererr: —¡María! Ñaña poetallerrtserrpaꞌ xha eꞌñe chemeꞌterreꞌ ñeñthoꞌmarña ateth ot poꞌñoño hebreyaxho: —¡Raboni! —ñeñth ateth otenet ñet Maestro.

San Juan 20:16 Iomraidhean Croise

San Mateo 14:27

Jesúsñapaꞌ eñoranaꞌtwenanet, ateth otwenanet: —Xhoñakaꞌye sokshapoenna, nakaꞌye oꞌ nowapa, amach attha semhchaꞌtatstapno.

San Marcos 10:51

Jesúsñapaꞌ ateth otaph: —Phapaꞌ ¿esoꞌtña pemnen ñeñthchaꞌ ateth nephoseph? Aporoꞌyethñapaꞌ ateth och: —Añkaꞌye Maestro nemnen oꞌch pekwatnomoen atthoch oꞌch kowen nenterrapa.

San Lucas 10:41

Jesúsñapaꞌ ateth och: —Noxha Marta, shonteꞌ paꞌnamen ñeñth pethorraꞌyena, phapaꞌ ñeñthaña atarr pellkateneꞌ.

San Juan 1:38

Poetallesnomtsaña Jesúspaꞌ entapanet kothaꞌneñet chentaꞌ ñañapaꞌ ateth otapanet: —¿Esoꞌtña semnen? Ñetñapaꞌ ateth ochet: —Maestro, ¿erraꞌtña pexhap?

San Juan 1:49

Natanaelñapaꞌ ateth otererr: —Maestrochaꞌ pepaꞌtña Yompor Poechemereph. Pepaꞌtña Amhchaꞌtareth ñeñth atarr kowen allowen israelneshaꞌ.

San Juan 10:3

Ñeñth kowampeneꞌ yetarrpaꞌ ñerraꞌm esempo waxherra ñeñth kowampeneꞌ carnero ñapaꞌ xhokmach toramphsapoerranet. Carneropaꞌ eꞌñe eñoteññañet pamoꞌmteꞌ poꞌñoñ. Ñañapaꞌ oꞌch xhoreꞌtyesan poꞌcarneror paꞌsoꞌchñopaꞌ oꞌch xhaꞌnmaxhaꞌtatan poꞌcarneror.

San Juan 11:28

Allempo ateth otwepaꞌ ñapaꞌ allentha awerr pokollo, ateth otwerran paꞌmoꞌnerr María, ñeñthpaꞌ ateth och aꞌnawa: —Theꞌpaꞌ oꞌ wena Maestro, oꞌ agotatweneph.

San Juan 13:13

Ñewa, sapaꞌ sotenen Maestro, ñamha sotenen Partseshaꞌ. Eꞌñe pokteꞌ poꞌñoxh sotenen tharroꞌmar poꞌñoxhpaꞌ ñeñthenkaꞌye.

San Juan 20:28

Allempoña Tomáspaꞌ ateth och: —¡Nepartseshare, theꞌña poꞌñoxhpaꞌ Neyomporer nepeneph!

San Juan 3:2

Ñañapaꞌ wapa Jesúsesho tsapopaꞌ ateth otos: —Maestrochaꞌ yeñoteneph phapaꞌ añ pellsenseneꞌ Yompor atthoch peyxhatosey kowen tharroꞌmar yapaꞌ yeñoteñ añach orrtatyeneꞌ partsoteñets ñeñth awamenkath pen Yompor.

San Juan 5:2

All Jerusaléño eꞌñe allameꞌtets allothekma aꞌbeꞌtheñet carnero allñapaꞌ alloꞌtsen oñ apkoꞌsathtatareth ñeñth sochen hebreoneshaꞌ poꞌñoño Betesda. Ñeñthñapaꞌ eñall amnar poechaꞌpetar.

San Juan 6:25

Allempoña entoset yomhtaꞌnpaꞌ ateth otoset: —Maestro, ¿esempoꞌtña pexherrña pha arrma?

Los Hechos 10:3

Attha yexhena amaꞌt awathotheñ. Parrochpaꞌ oꞌ koyaꞌnen atsneꞌpaꞌ orrtoña ñeñth Yompor poꞌmhllañotheñer. Orrtoña ateth ñerraꞌm poexhopoñoth, tharraña ama xhoyeꞌ xhopoꞌteñe. Tharraña oꞌ orrtoñapaꞌ eꞌñe kowen eñch. Oꞌ wapapaꞌ ateth otos: —¡Cornelio!

Los Hechos 9:4

Oꞌ xhoyoꞌtampespaꞌ ñañapaꞌ alla rromopra patso. Xhap patsopaꞌ eꞌman ñoñets ñeñth ateth oten: —Esomareꞌt, Saule, pemoeroxhtatennanña ñeñth nameꞌñenaya.