San Juan 20:15 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁵ Jesúsñapaꞌ ateth och: —¿Esoꞌmareꞌt, noxhesha, atarr peyawena? ¿Eseshaꞌtña peꞌnen? Ñañapaꞌ xha otenapañ añtheꞌ ñeñth kowampeneꞌ narmetsmaꞌ all. Ñeñthoꞌmarña ñapaꞌ ateth och: —Ayochreshathe, ñerraꞌm phatheꞌ anmoeꞌpaꞌ pegaterren erratheꞌ peneñaꞌ, ñachña errayaꞌ.

San Juan 20:15 Iomraidhean Croise

San Mateo 12:34

Sapaꞌ ama kowenayayso. Xha sottena ñerraꞌm shechpha eꞌñe sompor sepen allowenes. Ñeñthoꞌmarña amach errothenoth señoso kowen tharroꞌmar sapaꞌ poꞌñoxhpaꞌ ama kowenayayso. Eꞌñe ateth atarr sokthapeꞌchatseꞌtyen seyoxhro ñeñth ama kowenayaye, atthothkaꞌyeña señosatseꞌtyen. Amaꞌt erraꞌtsena acheñer ñeñth eꞌñe poꞌñoxh kowen ñapaꞌ añchaꞌña orrtatyen ñeñth eꞌñe kowenareꞌ kothapeꞌchen poeyoxhro tharroꞌmar poeyoxhroña all kothapeꞌchenan shonteꞌ ñeñth eꞌñe kowentetsa. Tharraña poꞌpoñ acheñer ñeñth poꞌñoxh ama kowenayaye, ñapaꞌxhoꞌña añach orrtatyen ñeñth ateth kothapeꞌchen poeyoxhro ñeñth ama kowenayaye tharroꞌmar poeyoxhroña all kothapeꞌchenan shonteꞌ paꞌnamen sosyaꞌtsañ. Tharroꞌmar ñerraꞌm shonteꞌ yokthapeꞌchen yeyoxhro ñeñth kowentetsa, ñeñthpaꞌ eꞌñech ñeñtha kowen yeserrpareꞌten. Tharraña ñerraꞌm shonteꞌ yokthapeꞌchen ñamha yeyoxhro ñeñth ama kowenayayepaꞌ ñeñthpaꞌxhoꞌña eꞌñech ñeñtha yemnen oꞌch yeserrpareꞌtyen.

San Mateo 28:5

Allempoña mellañotheñpaꞌ ateth otapan koyaneshaxhno: —Amach xha seyorenatsto. Napaꞌ neñotenes añkaꞌye semnen oꞌch sentaꞌmoeñ Jesús ñeñth korsoꞌtamphset.

San Marcos 16:6

Ñeñthña mellañotheñerpaꞌ ateth otapanet: —Amach xha seyorenatsto. Napaꞌ neñotenes añkaꞌye semnen oꞌch sentaꞌmoeñ Jesús ñeñth otenet nazaretoꞌmarneshaꞌ ñeñth oꞌ korsoꞌtamperret. Tharraña ña theꞌ oꞌkaꞌye tanterra, ama arroꞌtsenaro. Sekweñaꞌkaꞌye all neretañ, amakaꞌye eñalle.

San Lucas 2:44

Xha otapoetañ añtheꞌ kothaꞌnen poꞌpotantañ ñeñth parro onaxhenet. Oꞌña chopeꞌcherret pamtharrpaꞌ allempoñapaꞌ oꞌ yerpoeret, eꞌnameꞌtyeretaꞌ pamoꞌtsesheshoꞌmar. Eꞌnameꞌtyeretaꞌ alloꞌtsen ñeñth eꞌñe chemeꞌtyen pompor ñamha pachor.

San Lucas 24:5

Ñetña poeyorñothetpaꞌ attha moꞌkrraꞌtyeset patso. Pomhchañothet ama eshkayeꞌ kowaꞌphseto alleneth then. Ñeñthña yakma epsheñapaꞌ ateth otosanet: —Ñeñth ama arromñatheshayaye, esoꞌmareꞌtña seꞌnameꞌteñña arr allekma nannena arromñatheneshaꞌ.

San Juan 1:38

Poetallesnomtsaña Jesúspaꞌ entapanet kothaꞌneñet chentaꞌ ñañapaꞌ ateth otapanet: —¿Esoꞌtña semnen? Ñetñapaꞌ ateth ochet: —Maestro, ¿erraꞌtña pexhap?

San Juan 18:4

Jesúsñapaꞌ eꞌñe eñoteñ ora ñeñthchaꞌ xhapoya allempo. Ñaña poktanetpaꞌ ateth otapanet: —Sapaꞌ ¿eseshaꞌtña seꞌnen?

San Juan 18:7

Elloñapaꞌ alla oterraneterr: —¿Eseshaꞌtña seꞌnen? Ñetñapaꞌ alla otereterr: —Yapaꞌ añ yeꞌnen Jesús ñeñth nazaretoꞌmarneshaꞌ.

San Juan 20:13

Ñetñapaꞌ ateth ochet María: —¿Esoꞌmareꞌt, noxhesha, nanak peyawena? Ñañapaꞌ ateth otanet: —Awoꞌt anerrnanettheꞌ Nepartseshareñ ama neñoteñe erratheꞌña oꞌ net.