San Juan 20:1 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹ Allempo mothtaꞌmoenerr yetsñats temenk, Maríaña Magdalenapaꞌ awathekma awaꞌmoen poepampro, allempopaꞌ ama eꞌñe poetareswenaꞌ. Allñapaꞌ amoepaꞌtchaꞌ attherayeꞌ entosanoña mapoeꞌ allo yottamphset. Ama alloꞌtsenarayaye, attha apmesareth aꞌyeneth mameꞌ.

San Juan 20:1 Iomraidhean Croise

San Mateo 27:56

Ñeñthpaꞌ María Magdalena ñamha poꞌpsheñeñ María ñeñth Jacobo pachor ñamha José. Alloꞌtsen ñamha ñeñth pachor pen Zebedeo poechemereshaꞌ, ñamha poꞌpotantañexhno koyaneshaxhno.

San Mateo 27:60

All eꞌñe errteꞌ eñateneꞌ mapoetpon ñeñthpaꞌ eꞌñe pamoꞌtsnaꞌtarneshakpañ allkaꞌyeña nenanaꞌña Jesús. Allempoñapaꞌ attomeꞌterrñañ mapoeꞌ añekmoen allo yottampesner ñeñth poepampoer phach. Oꞌña yottampeswanerpaꞌ Joséñapaꞌ awerr.

San Mateo 27:64

Theꞌpaꞌ pemñayeꞌchñakaꞌye ñeñthchaꞌ nanak kowamphsoseꞌ poepampro eꞌñe poemaꞌpamtañowa, theꞌt wapa poeyochreshaꞌpaꞌ xhatheꞌkaꞌye eꞌñe aꞌnawa eretaꞌ. Allempoña ñetpaꞌ xhatheꞌ ochet acheñeneshaꞌ Jesúspaꞌ oꞌkaꞌye tanterra rromoth. Ellotheꞌña ñet allempopaꞌ nanaktheꞌ shekareꞌteret acheñeneshaꞌ. Ellotheꞌ metanerret ñeñth attho shekareꞌtyeseteꞌth awaña acheñeneshaꞌ.

San Mateo 27:66

Ñetñapaꞌ awanmoet poepampro. Mapoeꞌ allo yottampeñetpaꞌ eꞌñe kowen yomrraramphsoset atthochña eñoteret ñerraꞌm eseshaꞌch toramperreꞌ. Oꞌña eꞌñe kowen phampeswetpaꞌ allempoñapaꞌ naꞌneret guardia all ñeñthchaꞌ kowamphseꞌ.

San Mateo 28:1

Oꞌña wañ yethñats allempokma amesenet allempoña thaya poetaren temenk allempo mothtaꞌmoena yethñatspaꞌ Maríaña Magdalena ñamha poꞌpsheñeñ María ñetñapaꞌ awathekma awanmaꞌmoenet oꞌch entaꞌmoeñet Jesús poepampro.

San Mateo 28:2

Allempoña machayothepaꞌtchaꞌ pella pats womenk; añ sowatsa Yompor poꞌmhllañotheñer entoth. Oꞌ sowapaꞌ aꞌrrotheꞌtosan mapoeꞌ aꞌyeneth ñeñthña mapoeꞌpaꞌ allña anorros.

San Marcos 15:46

Joséñapaꞌ allentha rañthosana emarr shetamoets, xherr korsochopaꞌ aꞌswaterranña Jesús korsochoth all rromoen. Ephatseꞌch shetamtso ñeñth eꞌñe kowen. Allempoñapaꞌ anemh allchaꞌ pampoeñaꞌ. All eñatenan mapoetpon allkaꞌyeña nenanaꞌña Jesús. Allempoñapaꞌ attomeꞌtwerrñañ mapoeꞌ allo yottampesner ñeñth poepampoer phach.

San Marcos 16:9

Ñewa, awathekma tanterra Jesús añe yethro allempo mothtaꞌmoenerr yethñats temenk. Allempo tanterrapaꞌ añ ñanom orrterra María Magdalena. Ñeñthña Maríapaꞌ kanxherrsheña oneñeth ñeñth chorrayeꞌth Jesúsñapaꞌ eꞌñe kexhpatamphsatwer.

San Juan 11:38

Jesúsña eꞌñe poellkëñothpaꞌ enarerrerr. Allempoñapaꞌ xhap poepampro all mapoetpono eꞌñe all yottampeñet mapyo.

San Juan 11:41

Allempoñapaꞌ aꞌrrotheꞌtet mapoeꞌ aꞌyeneth, Jesúsñapaꞌ kowaꞌ enoneth ateth ot: —Apa, neparasyosoꞌtaph tharroꞌmar theꞌ phapaꞌ peꞌmhñotenen ñeñth ateth nenamoeneph.

San Juan 19:25

Allña eꞌñe allameꞌtets Jesús poꞌkorsochopaꞌ all thomxhen koyaneshaꞌ. Alloꞌtsen pachor, ñamha pachor paꞌmoꞌnerr, ñamha poꞌpsheñeñ María ñeñth Cleofas poethapor, ñamha María Magdalena.

San Juan 20:26

Allempoña posokmaterrpaꞌ poeyochreshaꞌñapaꞌ alla apxherreterr oꞌpono. Allempopaꞌ alloꞌtsen ñamha Tomás. Amaꞌt yetarrpaꞌ eꞌñe echarr ayotetwareth Jesúsñapaꞌ all beꞌthoswenerr thomwenerr eꞌñe allpaꞌ alla otwenaneterr: —Theꞌña poꞌñoxhpaꞌ xhosa kosherrtsa seyoxhro.

Los Hechos 20:7

Allempoña xhap allempo mothtaꞌmoena yethñats temenkpaꞌ yapxha alloweney ñeñthey ameꞌñetsa. Yeyerpoeñoth Yepartseshar Jesúspaꞌ oꞌ yerraꞌ pan ñeñth ashotaꞌtareth ñeñth ateth anareth Yomporekop. Allempoña Pablopaꞌ nanak serrpareꞌtatanet. Ñapaꞌ otanet: —Oꞌch awenen tsapath. Ñeñthoꞌmarña amaꞌt oꞌ rroxh tsapoenpaꞌ alla serrpareꞌtatenanet.

1 Corintios 16:2

Ñeñthpaꞌ atethchaꞌ sepha: Patheꞌtets temenkpaꞌ añ pokteꞌ xhokmach senaꞌyes ellopaꞌtets errponchaꞌ semnaꞌyes oꞌch senaꞌyes Yomporekop. Ñamha errpontheꞌña sechyen ñeñthchaꞌ senaꞌyes Yomporekop, ñatoꞌ aton amapaꞌ ñatoꞌ koñeꞌth. Ñeñthpaꞌ oꞌch saññoꞌtwe eꞌñe ellokma atthothach oꞌch satontatyes. Allochñapaꞌ ñerraꞌm esempoch nexhap seshopaꞌ amach pallteno eꞌñe allempopaꞌ oꞌch thaya senaꞌyes.

El Apocalipsis 1:10

Pamtharr allempo xhapaꞌmoen añe yethro allempo xhokma yeyerpoeña Yompor napaꞌ neyerpoeñoth ñapaꞌ eꞌñe machayotha chorratna womenk Yompor Poekamkëñ. Allempoñapaꞌ machayotha neꞌm ñoñets wapa nechaꞌñoth. Atarr womenk eñen ateth ñerraꞌmrratheꞌ poktor eꞌmorrtetsa womenk. Ñeñthpaꞌ ateth oten añ ñoñets: