San Juan 2:23 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²³ Allempoña alloꞌtsen Jesús Jerusaléño, all koshapretenet pascuapo shonteꞌ acheñeneshaꞌ enteññañet ñeñth attho orrtatenanet poꞌpartsoña all, ñeñthoꞌmarña allpaꞌ shonteꞌ ameꞌñaya.

San Juan 2:23 Iomraidhean Croise

San Lucas 8:13

Ñamha ñeñth xhapyesets mapoetroꞌmesoꞌmarpaꞌ ñeñthpaꞌ añ notenes acheñeneshaꞌ ñerraꞌm esempo eꞌmhñoteññañet Yompor poꞌñoñ eꞌñech poksheñeshaꞌ agërrñañetañ Yompor poꞌñoñ. Eꞌñech kowen ameꞌñeretañ tharraña ñetpaꞌ mamekpach ateth pet. Tharroꞌmar ñetpaꞌ ateth penet ñerraꞌmrratheꞌ narmets ñeñth chepoets mapyo amach eñalle poerexh. Tsapathonethña ñerraꞌm oꞌch wapanet topateñets, ñetñapaꞌ oꞌch alla kaxhpoerrñañet Yompor poꞌñoñ.

San Juan 11:45

Allempoña shonteꞌ judioneshaꞌ ñeñth kothoseꞌ María ñeñth enteꞌ Jesús attho orrtatosanet poꞌpartsoña ñetpaꞌxhoꞌña eꞌñe allempokma ameꞌñeret ñamet Jesús.

San Juan 2:11

All ñanom entatanet Jesús poꞌpartsoñapaꞌ ñeñthpaꞌ arr Cano allara Galileo. Atthokaꞌyeña orrtatanetña Jesús poꞌpartsoteña. Allempoña poeyochreshaꞌpaꞌ oꞌ eñochet poꞌñoxhepaꞌt ñapaꞌ Parets atthoña eꞌñe ameꞌñyet.

San Juan 2:13

Allempoña xhapmoch pascuapo allempoch alla kosherrerr judioneshaꞌ. Jesúsñapaꞌ awerr Jerusaléño.

San Juan 3:2

Ñañapaꞌ wapa Jesúsesho tsapopaꞌ ateth otos: —Maestrochaꞌ yeñoteneph phapaꞌ añ pellsenseneꞌ Yompor atthoch peyxhatosey kowen tharroꞌmar yapaꞌ yeñoteñ añach orrtatyeneꞌ partsoteñets ñeñth awamenkath pen Yompor.

San Juan 4:45

Allempoña xherrerr Jesús Galileo allowenña galileoꞌmarneshaꞌpaꞌ eꞌñe kowen agapapoeñet tharroꞌmar ñetpaꞌ eꞌñe entwoñet allowen ñeñth ateth phaꞌyesos Jerusaléño allempo entapretenetaꞌ pascua all. Ñetpaꞌxhoꞌña allempopaꞌ all awanmoet ñamet oꞌch entapretenetaꞌ pascua.

San Juan 5:36

Tharraña ateth naꞌpothen napaꞌ ñeñthña nanak sherbets. Ello metanenan ñeñth ateth aꞌpothan na Juan. Allowen es nephaꞌyen ñeñth ateth yechenna Apa oꞌch eꞌñe netsotoñ, añ netsotateñpaꞌ ñeñthña oꞌ eñotatanet napaꞌ Apa nellsenseneꞌ.

San Juan 6:14

Attho orrtatanet poꞌpartsoña acheñeneshaꞌñapaꞌ ateth otyeset: —Añña poꞌñoxhpaꞌ ñeñthkaꞌye aꞌmhteneꞌ Yompor poꞌñoñ ñeñth atarr yekwen oꞌch wapa añe patsro.

San Juan 6:2

Allñapaꞌ kothaꞌneñ shonteꞌ acheñeneshaꞌ tharroꞌmar ñetpaꞌ oꞌ entwoñet poꞌpartsoña attho aꞌkrratyerran allowen ñeñth atsnaꞌtyets.

San Juan 7:31

Shonteꞌ acheñeneshaꞌ ñeñth ameꞌñaya. Ñetñapaꞌ ateth otyenet: —Añtheꞌkaꞌyeña poꞌñoxh Cristo ñeñth yekwen oꞌch wapa. Yapaꞌ oꞌkaꞌye orrtatosnay poꞌpartsoña, amatheꞌ errothenoth wapo poꞌpsheñeñ ñeñthchaꞌ ello metanoseꞌ poꞌpartsoteña ñeñth ateth entatyeney añ yakmar.

Gálatas 5:6

Ñerraꞌm oꞌ yeparrokmaterr epay Cristo Jesúspaꞌ ama sherbeno attho yetsorrannaꞌtena, ñamha amaꞌt ama atsorraretheyepaꞌ ñeñthpaꞌxhoꞌña ama sherbeno Yomporekop. Aña ñapoeth sherbets eꞌñe yameꞌñeñoth Cristopaꞌ oꞌch yemorrentannaꞌta.

1 San Juan 3:23

Yompor poꞌñoñoth ateth oteney oꞌch eꞌñe kowen yameꞌñerrñaña Poechemer ñeñth Jesucristo. Ñamha oteney amoerannaꞌterrapoꞌch alloweney, ateth oteneyña ña.