San Juan 2:21 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²¹ Ñewa, Jesúspaꞌ añepaꞌt otanet ña poꞌchets ñeñthepaꞌt paꞌpakëll pen Parets.

San Juan 2:21 Iomraidhean Croise

San Juan 1:14

Cristoña ñeñth Poꞌñoñ pen Yompor oꞌ acheñetos arr patsro, oꞌ yeyxhañ eꞌñe parro mameꞌ añe patsro. Ñapaꞌ atarr amoerañtosa. Ñamha attho yexhatosey Yompor poꞌñoñ ñeñthña ñoñetspaꞌ eꞌñe poꞌñoxh ateth, ama shekëñtsoyaye amaꞌt mamesha. Ñamha yapaꞌ xhokma yentoñeꞌth poꞌkowenña. Ñeñthña poꞌkowenñapaꞌ ateth ñerraꞌm Pompor ñeñth poꞌpathrror peneꞌ ña.

San Juan 2:22

Ñewa, xhap allempo moetseret Jesús allempoña tanterrapaꞌ poeyochreshaxhnoñapaꞌ allentha yerpoerret ñeñth ateth oteꞌth Jesús allempo. Ñeñthoꞌmarña allempo Jesús poeyochreshaxhnopaꞌ atarr yemterrñañet Yompor poꞌñoñ ñeñth anwareth awathotheñ, amaꞌt ñamha Jesús poꞌñoñ atarr ameꞌñeret.

1 Corintios 3:16

Theꞌpaꞌ oꞌch notas poꞌpoñ: Sapaꞌ amaꞌt señoteñeña Paretspaꞌ oꞌ paꞌpakëll perres allowenes ñeñthes ameꞌñetsa. Yeparrokmatweñoth alloweneypaꞌ theꞌpaꞌ eꞌñe ateth enterrey ateth ñerraꞌm paꞌpakëll, allchaꞌ yexhena Poekamkëñ ña.

1 Corintios 6:19

Amaꞌt señoteñeña yeꞌnarpaꞌ ñeñthara paꞌpakëll pen Parets Poekamkëñ ñeñth chorratenya Yompor. Ñeñthoꞌmar yeñoteñ yechetspaꞌ ama yoyaye, ñeñthpaꞌ Yomporo tharroꞌmar

2 Corintios 6:16

Ñamha ñeñth paꞌpakëll pen Yomporpaꞌ ama attheyaye ñerraꞌmrratheꞌ ñeñth ayexhkatareth ñeñth poꞌyomporer phaꞌyen poꞌpotantañ acheñeneshaꞌ arr patsro. Tharroꞌmar amaꞌt yapaꞌ alloweney ñeñthey ameꞌñenaya, yañapaꞌ paꞌpakëll peney Yompor ñeñth ama arromñatheshayaye. Añpaꞌ ñeñth ateth oten Yompor: Napaꞌ xhokmach neyxhena eꞌñe ñesheto parro allchaꞌ nechopeñeꞌchen. Napaꞌ Poꞌyomporer pennet, ñetpaꞌxhoꞌña eꞌñe neyochreneshaꞌ nepenanet.

Colosenses 1:19

Pompor Parets eꞌñe pokteꞌ enteñ oꞌch eꞌñe kowen chorrateña ora allowen poꞌpartsoña.

Colosenses 2:9

Tharroꞌmar Cristo attho acheñetos ñepaꞌtña chorrenayaña allowen Yompor poꞌpartsoña.

Hebreos 8:2

Allñapaꞌ oꞌ atarr sherbhaꞌwerr eꞌñe allowanen Parets poꞌprawo all eꞌñe poꞌñoxh alloꞌtsen Yompor. Ñeñthpaꞌ ama attheyaye ñerraꞌm patsoꞌmar poerawaꞌ ñeñth thomaten acheñ. Allpaꞌ Yomporña thomateneꞌña poꞌprawaꞌ eꞌñe ña poeꞌntaño.