San Juan 2:2 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

² Jesúsña epoet poeyochreshaꞌpaꞌ ñetpaꞌxhoꞌña awaꞌñarethtet allchaꞌ rrallmeꞌchapretenetaꞌ.

San Juan 2:2 Iomraidhean Croise

San Mateo 12:19

Ñapaꞌ amach es otnareꞌtyerraneto amaꞌt mameshapaꞌ amach amaꞌtoxhetyerro. Amaꞌt mameshapaꞌ amach cheꞌxhameꞌtyerraneto amaꞌt allekma chopeñeꞌchyen acheñeneshaꞌ.

San Mateo 25:40

Allempoña na ñeñthen Partseshanpaꞌ atethchaꞌ noterres: “Theꞌ napaꞌ oꞌch notas: Poꞌñoxhpaꞌ allempo eꞌñe kowen ateth sephaꞌyesnaneꞌth na nemoꞌnasheñneshaꞌ naꞌnakaꞌyeña eꞌñe kowen ateth sepen. Amaꞌt poesheñarra ñeñth ama esosheꞌmayeꞌ entyeseꞌthe acheñeneshaꞌ allempo, tharraña saña allempopaꞌ attho eꞌñe kowen es sephaꞌyesaneteꞌth, naꞌnakaꞌyeña eꞌñe kowen ateth sepen allempo.”

San Mateo 25:45

Allempoña napaꞌ atethchaꞌ noterranet: “Theꞌpaꞌ oꞌch notas: Poꞌñoxh sa allempo ama aꞌkwaꞌphsenayeꞌ sentoneꞌthe allowen na nemoꞌnasheñneshaꞌ, naꞌnakaꞌyeña ateth senteꞌthña allempo.”

San Juan 2:12

Allempoña Jesúspaꞌ awoꞌ Capernaumo pachoreꞌna ñamha paꞌmoꞌnasheñexhno, ñamha allowen poeyochreshaꞌ. Allñapaꞌ alla allponmatenetaꞌ.

San Juan 2:17

Allempoña poeyochreshaꞌpaꞌ allentha yerpoet ñoñets ñeñth anareth awathotheñ ñokop, ñeñthpaꞌ ateth oten: “Napaꞌ atarrchaꞌ nempaꞌtonaph pepakëll amaꞌtchaꞌ ñeñthoꞌmareꞌna moetserrnetañ.”

San Juan 2:22

Ñewa, xhap allempo moetseret Jesús allempoña tanterrapaꞌ poeyochreshaxhnoñapaꞌ allentha yerpoerret ñeñth ateth oteꞌth Jesús allempo. Ñeñthoꞌmarña allempo Jesús poeyochreshaxhnopaꞌ atarr yemterrñañet Yompor poꞌñoñ ñeñth anwareth awathotheñ, amaꞌt ñamha Jesús poꞌñoñ atarr ameꞌñeret.

San Juan 2:3

Allñapaꞌ xha wañaphset vinos. Jesúsñapaꞌ ateth och pachor: —Theꞌpaꞌ ama eñalle vinos, oꞌxha wañaphset.

San Juan 3:22

Allempoña Jesúspaꞌ awerrerr Judeo epoet poeyochreshaꞌ. Allñapaꞌ alla allponmat epoet poeyochreshaꞌ. Allña Jesúspaꞌ apatyesan acheñeneshaꞌ Yomporekop.

San Juan 4:33

Poeyochreshaꞌñapaꞌ ateth otannaꞌtyeset: —Amatheꞌ eseshaꞌ wapatoyeña poerrar.

San Juan 6:12

Allempoña oꞌ rrallmeꞌchwetpaꞌ allowenetpaꞌ eꞌñepaꞌtchaꞌ yetrraꞌtwawet. Eꞌñe yetwawetpaꞌ Jesúsñapaꞌ ateth oterranerr poeyochreshaꞌ: —Theꞌpaꞌ oꞌch saꞌyapaxherr ñeñth shotnaꞌtyets ñeñth saꞌpchatyes allochñapaꞌ amach es pertatso.

San Juan 6:16

Allempoña ellerren poeyochreneshaꞌñapaꞌ awanerret saꞌpatophño.

San Juan 6:60

Allempoña ateth eꞌmoeñet ateth oten, shonteꞌ poeyochreshaxhnopaꞌ ateth otyeset: —Añ ñoñetspaꞌ amakaꞌye eꞌñeyeꞌ pokteyaye, amatheꞌ eseshaꞌ ameꞌñayo.

San Juan 6:66

Allempotheñña shonteꞌ Jesús poeyochreshaxhno poerraxherret ñeshothpaꞌ oꞌwañ chopeñeꞌchenet parro.

San Juan 6:67

Allempoña Jesúspaꞌ ateth otan poeyochreshaꞌ ñeñth xharrasheña poechena epa: —Sapaꞌxhoꞌ ¿semneñeꞌt oꞌch sepoerrerra samha?

San Juan 6:70

Jesúsña ateth otanet: —Napaꞌ nakaꞌyeña saꞌkrerreꞌña sa, xharrasheñas sepchena epa. Ñeñthña poesheñarrpaꞌ ñeñthpaꞌ oneñethenaꞌtar.

San Juan 6:71

Ñewa, Judasokop ateth eñora. Ñeñth Judaspaꞌ ñeñth Simón Iscariote poechemer. Amaꞌt ñeñth aꞌpchenawetañ epa poeyochreshaꞌ, poesheñarrpaꞌ ñeñthchaꞌ pomoerreꞌ.

San Juan 6:8

Poeyochreshaꞌña Andrés ñeñth paꞌmoꞌnasheñ Simóm Pedropaꞌ ñañapaꞌ ateth och:

San Juan 7:3

Allempoña Jesúspaꞌ ateth och paꞌmoꞌnasheñneshaꞌ: —Theꞌpaꞌ orrerreph arroth, awerreph alla Judeo allochñapaꞌ peyochreneshaxhno ñeñth alloꞌtsaꞌyen oꞌch phorrtatwerranet ñamet pepartsoña ñeñth ateth pephaꞌyena theꞌ arrma.

Los Hechos 11:26

Epsheñoꞌmaret alla aꞌpoet patherr char Antioquío. Allñapaꞌ nanak yexhacheteꞌth ñeñth aꞌpxhatseꞌth all pameꞌñeñothet Yompor. Shonteꞌ acheñ ameꞌñatsa all. All Antioquíopaꞌ añ asocharethtet ñeñth ameꞌñetsa “Cristonaꞌtarneshaꞌ.” Ñanom arr Antioquío asocharethtet ateth.

Los Hechos 11:29

Ñeñthoꞌmarña allowen ñeñth ameꞌñetsa Antioquíopaꞌ oꞌ aꞌpoktachet oꞌch moeñet ñeñthchaꞌ yenpoeꞌ paꞌmoꞌnasheñneshaꞌ ñeñth yexhetsa Judeo.

1 Corintios 10:31

Ñeñthoꞌmar theꞌpaꞌ oꞌch notas: Amaꞌt erraꞌtsena es yephaꞌyenpaꞌ añ pokteꞌ oꞌch yorrtena eꞌñe kowen, atthoch acheñeneshaꞌ oꞌch ayeꞌchoxhtateññañet ñamet Yompor. Amaꞌt allempo es yerraꞌyen, ñamha amaꞌt allempo es yorryenpaꞌ añ pokteꞌ oꞌch yorrtaten eꞌñe kowen Yomporekop.

1 Corintios 7:39

Theꞌpaꞌ oꞌch noterrserr poꞌpoñ. Amaꞌt esempapaꞌ ama pokteyaye koyaneshaꞌpaꞌ oꞌch serran poerrollar. Amaꞌt errponmatchaꞌ korrena poerrollarpaꞌ amach satstere. Tharraña ñerraꞌm esempo rroma poerrollar, allempopaꞌ eꞌñe pokteꞌ oꞌch someꞌterra ello, tharraña ñerraꞌm erraꞌtsenchaꞌ moenerr ñeñthchaꞌ yorerreꞌ ñeñthpaꞌ ameꞌñenach ñamha.

Colosenses 3:17

Amaꞌt esa ñeñth ateth es sephaꞌyen amaꞌt esa ñeñth ateth señosyen, eꞌñechña seyemteñoth Yepartseshar Jesús atthochña sapaꞌ es sephaꞌyes. Ñeñthoꞌmarña sapaꞌ xhokmoepaꞌch separasyosoꞌteñ Yompor Parets eꞌñe Yepartseshar Jesucristo paꞌsoꞌchño.

Hebreos 13:4

Ñamha oꞌch notas poꞌpoñ: Allowenes ñerraꞌm esempo sesnaꞌtena oꞌ eꞌñe seyorannaꞌta epas sethapor eꞌñepaꞌch kowen sentña ñeñth attho seyorannena. Amaꞌt parrochapaꞌ amoepaꞌchña seꞌnamphsannaꞌtatsto. Yakmapaꞌ amach chetatstano koyaneshaꞌ ñeñth ama poethaporeyaye amaꞌt eꞌñe parrocha. Koyaneshaꞌpaꞌxhoꞌña amach agapatstanoña ñamha ñeñth ama poerrollareyaye amaꞌt eꞌñe parrocha. Tharroꞌmar Yomporpaꞌ xhokmach tsaꞌtaterrana ñeñth cheteneꞌ ñeñth ama poethaporeyaye amaꞌt ñamha ñeñth agëneꞌ ñeñth ama poerrollareyaye.

El Apocalipsis 3:20

Señochepaꞌch ñeñthchaꞌ ateth netmaꞌntaterrsa. Napaꞌ atethchaꞌ nepena ñerraꞌmrratheꞌ eseshaꞌ ñeñth xhokma xhoreꞌtets yetarroth. Ñerraꞌm eseshas seꞌmapoerrnan neñoñ ñamha ñerraꞌm setorampenen, nañapaꞌ oꞌch nebeꞌthos all, allñapaꞌ oꞌch yerrallmeꞌchen parro.