San Juan 2:19 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁹ Jesúsñapaꞌ ateth oterraneterr: —Sapaꞌ amaꞌtchaꞌ saꞌmatoñ añ Parets paꞌpakëllpaꞌ pomaꞌpamtañoña napaꞌ oꞌch alla nathomater.

San Juan 2:19 Iomraidhean Croise

San Mateo 12:40

Ñewa, yeñoteñ Jonás allempopaꞌ alloꞌtsena kakakotmo maꞌpamoet, yetho amaꞌt ñamha tsapo ñeñth añekmoen kak. Atethchaꞌ neperra namha Ñeñthen Acheñetosets, napaꞌxhoꞌña nemaꞌpamoetchaꞌ oꞌpono eꞌñe allowanen patso, yetho amaꞌt ñamha tsapo. Ñeñthchaꞌña eñotaterrawet ateth penaña ñeñth wetsa Yomporeshoth.

San Mateo 16:21

Jesúsña eꞌñe allempotheñpaꞌ mothetnomh eñotatyesnomoeꞌ poeyochreshaꞌ ñeñth ateth anareth ñokop, ñapaꞌ moeroxhtateretchaꞌ; oꞌch awoꞌ Jerusaléño allñapaꞌ allchaꞌ moeroxhtateret. Añchaꞌ errotwanen perreꞌ ñeñth pomporneshaꞌ pen allowen judioneshaꞌ ñamha ñeñth paꞌmhchaꞌtaretherneshaꞌ pen allowen poꞌkornaneshar ñamha ñeñth atarr etsotayenayeñ ñoñets ñeñth ateth anareth judioneshakop. Allñapaꞌ allchaꞌ moetsatateret tharraña poemaꞌpamtañoña Pomporpaꞌ oꞌch alla tantater.

San Mateo 27:40

ñeñthpaꞌ ateth otyesneñet: —Pha ñeñtheph phommoꞌcheñothpaꞌ photatseꞌteꞌth phoꞌch aꞌmaterrayeñ Parets paꞌpakëll, pomaꞌpamtañokmoꞌch alla phathomatereñ, theꞌñapaꞌ phaꞌkeshphaterrañakaꞌye eꞌñe phañeña. Ñerraꞌm poꞌñoxhtheꞌ Parets Poechemerephpaꞌ peswerrañakaꞌyena thayekma korsochoth.

San Mateo 27:63

Ñeñthpaꞌ ateth otoset: —Nomporchaꞌ yapaꞌ oꞌkaꞌye yeyerpoera añ acheñer ñeñth atarr ashkañpaꞌ allempo korreꞌthpaꞌ atethkaꞌye otyeꞌth: “Napaꞌ amaꞌt poemaꞌpamtañopaꞌ netanterrachkaꞌye rromoth.”

San Marcos 14:58

—Ya awañapaꞌ yeꞌmeꞌthkaꞌyeña Jesús atethkaꞌye oteꞌth: “Napaꞌ oꞌchkaꞌye naꞌmaterrñañ añ Parets paꞌpakëll ñeñthpaꞌ acheñakaꞌye poeyexhkatar; tharraña pomaꞌpamtañoñapaꞌ napaꞌ oꞌchkaꞌye alla nathomater poꞌpoñ ñeñthpaꞌ amachkaꞌye añeyaye ñeñth yexhkaten acheñ.”

San Marcos 15:29

Ñeñthña oñmaxhets allpaꞌ ñetpaꞌxhoꞌña xhokma achmhareꞌtneñet. Pachmharñothetpaꞌ koñoꞌkoñtanaꞌtyesneñet, ñeñthpaꞌ ateth otyesneñet: —Pha ñeñtheph phommoꞌcheñothpaꞌ photatseꞌteꞌth phoꞌch aꞌmaterrayeñ Parets paꞌpakëll, pomaꞌpamtañokmoꞌch alla phathomatereñ,

San Marcos 8:31

Jesúsña eꞌñe allempotheñpaꞌ mothetnomh eñotatyesnomoeꞌ poeyochreshaꞌ ñeñth ateth anareth ñokop, ñeñthpaꞌ ateth otanet: —Na Ñeñthen Acheñetosetspaꞌ ateth anareth nokop, nanakchaꞌ naꞌmoeroxhtatarethterra. Amach eseshaꞌ pokteyeꞌ nenterraye —amaꞌt ñeñth pomporneshaꞌ pen judioneshaꞌ, amaꞌt ñeñth paꞌmhchaꞌtarether pen judioneshaꞌ poꞌkornaneshar, amaꞌt ñamha ñeñth etsotayenayeñ ñoñets ñeñth ateth anareth judioneshakop— amaꞌt ñetpaꞌ amach eseshayeꞌ neyemterraye. Atthochña napaꞌ moetsataterrnetchaꞌ. Tharraña pomaꞌpamtañoch oꞌch alla netanterra.

San Juan 11:25

Jesúsñapaꞌ ateth otererr: —Napaꞌ na ñeñthen eꞌñe poꞌñoxh atantatañen, napaꞌ ñeñthen alloch eꞌñe sokrrena. Erraꞌtsenchaꞌ nameꞌñenaya na amaꞌtchaꞌ rromoenetañpaꞌ ñetpaꞌ ellochña alla korrerret.

San Juan 5:19

Jesúsñapaꞌ ateth oterraneterr: —Eꞌñe poꞌñoxh notenes, na ñeñthen Poechemer pen Yompor amatheꞌ errothenoth es nephoña eꞌñe notha. Napaꞌ añña ateth nephaꞌyen ateth nenteññañ Apa, tharroꞌmar ñeñth ateth pen Apapaꞌ napaꞌxhoꞌña ñeñthen Poechemerenpaꞌ atethchaꞌ es nephaꞌyen namha.

Los Hechos 2:24

Tharraña amaꞌt rromwapaꞌ Pomporpaꞌ oꞌ alla tantater. Tharroꞌmar amatheꞌ errotheno theꞌpaꞌ alla aꞌpo rromoeꞌ.

Los Hechos 2:32

Theꞌña yapaꞌ oꞌ yeñch Yomporpaꞌ oꞌ tantaterran Poechemer Jesús.

Los Hechos 3:15

Ñañapaꞌ xhaña semtsach ñeñth alloch eꞌñe yokrra. Tharraña amaꞌt moetsetañpaꞌ añña Pomporpaꞌ oꞌ alla tantater. Tharroꞌmar yapaꞌ yeñoteñ yapaꞌ yenter amaꞌt allempo tantwerra.

Los Hechos 3:26

Yomporpaꞌ oꞌ orrtatonay Poechemer oꞌ moeñonay ñeñthey judioneshay yanom. Allochñapaꞌ ña oꞌch koshaterrey nanak ateth ñerraꞌm allempo oꞌ kothapeꞌchaterrey eꞌñe kowen, ñamha allempotheñ oꞌ yekexhpaꞌwerr ñeñth ama pokteyaye Yomporekop.

Los Hechos 6:14

Alla oterreterr ñeñth atsaꞌtareth: —Yapaꞌ oꞌ yeꞌmh Esteban ateth oten añ Jesús ñeñth nazaretoꞌmarneshaꞌpaꞌ oꞌch aꞌmatamphsey Parets paꞌpakëllpaꞌ oꞌch waporeꞌtatonay ateth yexhatyeꞌth Moisés.

Romanos 4:24

Yokpaꞌnaña anarethteꞌth alloweney ñeñthey yemtenaya Yompor, attho ñapaꞌ aꞌrroyonay Poechemer ñeñth Jesús ñeñthchaꞌ rromats eꞌñe ya yoꞌchñarekop, ñeñthara Jesús ñeñth Yepartseshar yepen, ñamha attho Yomporpaꞌ tantaterran Poechemer poꞌrromñoth, atthoch yeñoch yoꞌchñarpaꞌ oꞌ eꞌñe atsaꞌtarethetwa. Ñeñthoꞌmarña theꞌpaꞌ eꞌñe yeyemteñoth Yompor ñeñth attho aꞌpoktatonay, yapaꞌxhoꞌña eꞌñech pokteꞌ enteney yamha.

Romanos 6:4

Allempo yapatarethtapaꞌ eꞌñe ateth ñerraꞌmrratheꞌ xho yerromapreteña Cristo ñamha ateth ñerraꞌm xho yepampapreteña Cristo. Allempoña Yomporpaꞌ awoꞌt tantaterran Poechemer eꞌñe poꞌwamenkoth ñeñth atarr kowen, yapaꞌxhoꞌña ñeñthara poꞌwamenkarothña eꞌñe kowen oꞌ etserrataterrnay yokthaphña, ñeñthchaꞌ ateth yokrrena.

Romanos 8:11

Yapaꞌ yeñoteñ Yomporpaꞌ awoꞌt tantaterran Poechemer ñeñth Cristo Jesús poꞌrromñoth. Ñamha ñerraꞌm Yompor Poekamkëñ yexhena ya yeyoxhro, amaꞌt arromñatheypaꞌ yapaꞌxhoꞌña tantatwerreychaꞌ yerromñoth. Parets Poekamkëñothñapaꞌ yokrraꞌwerrach, ñeñthara Poekamkëñ ñeñth yexhetsa theꞌ yeyoxhro.

1 Corintios 15:12

Ñewa, ñerraꞌm poꞌñoxh oꞌ sameꞌñerra ñeñth ateth yeserrpareꞌtatenes attho Cristopaꞌ oꞌ tanterra allempo rroma, esoꞌmareꞌtña soten ñerraꞌm yerromapaꞌ amach errothenoth yetanterro. Poꞌñoxh ñeñthpaꞌ ateth oten poesheñaꞌtets ñeñth seshoꞌtsen.

Colosenses 2:12

Tharroꞌmar allempo sapatarethta Yomporekop sapaꞌ añ setmaꞌntena ñerraꞌmrratheꞌ xho sepampapreteña Cristo. Elloña eꞌñe sa sameꞌñeñothpaꞌ atthoña oꞌ setantapreteraña Cristo. Tharroꞌmar sapaꞌ añ sameꞌñateꞌ attho Yomporpaꞌ orrtatan poꞌpartsoteña allo tantaterran Poechemer allempo rroma.

1 San Pedro 3:18

Amaꞌt Cristopaꞌxhoꞌña awathpaꞌ atarr moeroxhtacheteꞌth. Ñapaꞌ ña rromats eꞌñe parrocha allowenakpay atthothña tsaꞌtwerrnaya yoꞌchñar. Cristo amaꞌt ña ñeñth eꞌñe pokteꞌ es petspaꞌ atthoña rroma yokop ñeñthey ama pokteyeꞌ es petso. Tharroꞌmar rroma yokop atthothchaꞌ yeparrokmaterr epay Yompor. Ña amaꞌt rroma poꞌchtsothpaꞌ poekamkëññapaꞌ ama rromo.