San Juan 2:13 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹³ Allempoña xhapmoch pascuapo allempoch alla kosherrerr judioneshaꞌ. Jesúsñapaꞌ awerr Jerusaléño.

San Juan 2:13 Iomraidhean Croise

San Mateo 21:12

Allothña Jesúspaꞌ beꞌthosos Parets paꞌpakllo. Allñapaꞌ moeñoꞌtwosan allowen ñeñth pomatsreꞌtetsa all ñamha allowen ñeñth rañthaꞌyetsa. Eꞌñe xhaꞌnmaxhaꞌtatosanet alloth, aꞌkoyeꞌtamphsosanet poꞌmesaxhno allekma kamhyatyenet poꞌkhllayoret, aꞌkoyeꞌtwosan ñamha allekma anorryen ñeñth pomoeneꞌ yepexhno.

San Marcos 11:15

Allempo entwanman Jesús higoch allempoñapaꞌ oꞌ alla xhaxheneterr Jerusaléño. Jesúsñapaꞌ beꞌthoswenerr Parets paꞌpakllo, allñapaꞌ allenthepaꞌtchaꞌ moeñoꞌtwosan allowen ñeñth pomatsreꞌtetsa all ñamha allowen ñeñth rañthaꞌyetsa. Eꞌñe xhaꞌnmaxhaꞌtatosanet alloth, aꞌkoyeꞌtamphsosanet poꞌmesaxhno allekma kamhyatyenet poꞌkhllayoret, aꞌkoyeꞌtwosan ñamha allekma anorryen ñeñth pomoeneꞌ yepexhno.

San Lucas 19:45

Allempo xhap Jerusaléño Jesúsñapaꞌ awos Parets paꞌpakllo. Beꞌthosospaꞌ allothñapaꞌ xhaꞌnmaxhaꞌtatwosan ñeñth pomatsreꞌtyetsa all.

San Lucas 2:41

Ñewa, ñeñth cheshachor pamoꞌmteꞌ ñetpaꞌ ateth yexhenet patheꞌtets char pascuapopaꞌ xhokmach senet Jerusaléño oꞌch koshapretenetaꞌ pascua ñeñth ateth yexhena judioneshaꞌ.

San Juan 11:55

Allempoña oꞌ xherrmocherr pascuapo allempoch alla kosherrerr judioneshaꞌ. Allampañoꞌmarneshaꞌ ñeñth alloꞌtsaꞌyenet shontet awanmoet Jerusaléño. Ama xhenaꞌ pascuapo ñetpaꞌ añekopña awanmoet atthoch aꞌkowentatoset eꞌñe ñetañeña Partsokop.

San Juan 13:1

Amaꞌt ama xhenaꞌ pascuapo allempoch kosherrerr judioneshaꞌ, Jesúsñapaꞌ eñoteñ eꞌñech ñeñtheshaña alloꞌtsen arr patsro oꞌch awerr Pomporesho. Ñapaꞌ xhokma atarr morrentenana allowen ñeñth poeyochreshaꞌ pen arr patsro. Ñeñthoꞌmarña allempopaꞌ eꞌñe poktakma morrentwenanet.

San Juan 2:23

Allempoña alloꞌtsen Jesús Jerusaléño, all koshapretenet pascuapo shonteꞌ acheñeneshaꞌ enteññañet ñeñth attho orrtatenanet poꞌpartsoña all, ñeñthoꞌmarña allpaꞌ shonteꞌ ameꞌñaya.

San Juan 5:1

Allempoña oꞌ alla xherrerr allempoch alla kosherrerr allowen judioneshaꞌ ñeñth ateth anarethet ñokpoet. Jesúsñapaꞌ alla awerrerr ñamha Jerusaléño.

San Juan 6:4

Allempopaꞌ oꞌ xhapmoch pascuapo allempoch alla kosherrerr judioneshaꞌ.