San Juan 2:12 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹² Allempoña Jesúspaꞌ awoꞌ Capernaumo pachoreꞌna ñamha paꞌmoꞌnasheñexhno, ñamha allowen poeyochreshaꞌ. Allñapaꞌ alla allponmatenetaꞌ.

San Juan 2:12 Iomraidhean Croise

San Mateo 11:23

Ñamha sa capernaumoꞌmarneshachaꞌ xhatheꞌ sotenapañ attho eꞌñe kowen sentyena sañeña, Yomporñapaꞌ allenthach aꞌtapaterres poeꞌntaño. Ñeñthpaꞌ amachkaꞌye attheyeꞌ perrsoña Yompor, allachkaꞌye waporeꞌterres oꞌpono koñchaꞌpoetso all parraren tsoꞌ. Tharroꞌmar amaꞌt atarr norrtatonaseñ nepartsoña sesho, sañapaꞌ amaña semnoña oꞌch sokthapeꞌcherr kowen Yomporekop. Ñerraꞌm arrchaꞌ ñanom norrtatañ awathotheñ nepartsoña sodomoꞌmarneshesho ñetpaꞌ allorokmatheꞌ kothapeꞌcherretañ kowen Yomporekop. Allempopaꞌ amatheꞌ aꞌpoyatatarethterretañeña paꞌnetser. Oratheꞌ alloꞌtsenaraña.

San Mateo 12:46

Allempo ateth eñoranaꞌtenana acheñeneshaꞌpaꞌ oꞌ wapa Jesús pachor epoet ñamha paꞌmoꞌnasheñneshaꞌ. Oꞌ xhapoet allpaꞌ ñetñapaꞌ alla thomxhenet aꞌyoth. Añ moenenet awoꞌch serrpareꞌtatoset.

San Mateo 4:13

Xherr Galileopaꞌ ama aꞌpowerro anetso Nazareto, arraña serr Capernaumo, allña yexhaꞌwerra. Ñeñth Capernaumpaꞌ eꞌñe saꞌpatophñoꞌtsen, allara ñeñth otenet Zabulónnaneshaꞌ paꞌnetser ñamha Neftaleneshaꞌ paꞌnetser.

San Marcos 6:3

Ñapaꞌ añakaꞌye ñeñth poꞌtarwas peneꞌ oꞌch thorrenana tsach atthoch es yexhkatyen paꞌnamen. Ñapaꞌ añakaꞌye María poechoyor. Paꞌmoꞌnasheñpaꞌxhoꞌña añakaꞌye Jacobo, José, Judas, ñamha Simón. Ñamha poꞌxhaneshaꞌpaꞌ eꞌñekaꞌye yechmeꞌtenanet, parroꞌmarneshayarramcheꞌ. Ñeñthoꞌmarña all eꞌñe ña paꞌnyopaꞌ ama eseshayeꞌ akwaꞌpenaye entenaye.

San Juan 2:2

Jesúsña epoet poeyochreshaꞌpaꞌ ñetpaꞌxhoꞌña awaꞌñarethtet allchaꞌ rrallmeꞌchapretenetaꞌ.

San Juan 4:46

Jesúsñapaꞌ alla awerrerr poꞌpocheño Cano eꞌñe allara Galileo all eꞌñe ñanem aꞌpnasenanaꞌ oñ vinos. Allñapaꞌ alloꞌtsen poesheñarr ñeñth sherbeneꞌ amhchaꞌtareth. Ñaña poechemerpaꞌ xha atsnaꞌten all anetso Capernaumo.

San Juan 6:17

Aꞌtaxhaꞌtwerret poꞌnoñthopaꞌ oꞌch awamperret yomhtaꞌn, Capernaumoneth. Allñapaꞌ alla chekmetamphset. Jesúsñapaꞌ ama werraꞌ all alloꞌtsaꞌyenet.

1 Corintios 9:5

Ñamha nokop eꞌñe pokteñ ñerraꞌm eñalleñ nethapor oꞌch nanemh ñeñth parro yameꞌñena all nechopeñeꞌchyen. Ateth pena poꞌpotantañ allsensarethneshaꞌ, ñamha ateth pena Yepartseshar paꞌmoꞌnasheñneshaꞌ, ñamha ñeñth ateth pena Pedro.

Gálatas 1:19

Tharraña allempo alloꞌtsenenpaꞌ ama nenteño poꞌpsheññexhno ñeñth allsensarethneshaꞌ, ñaptha nenteñaꞌ masheñ Jacobo ñeñthara ñeñth paꞌmoꞌnasheñ pen Yepartseshar Jesús.