San Juan 2:11 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹¹ All ñanom entatanet Jesús poꞌpartsoñapaꞌ ñeñthpaꞌ arr Cano allara Galileo. Atthokaꞌyeña orrtatanetña Jesús poꞌpartsoteña. Allempoña poeyochreshaꞌpaꞌ oꞌ eñochet poꞌñoxhepaꞌt ñapaꞌ Parets atthoña eꞌñe ameꞌñyet.

San Juan 2:11 Iomraidhean Croise

San Juan 1:14

Cristoña ñeñth Poꞌñoñ pen Yompor oꞌ acheñetos arr patsro, oꞌ yeyxhañ eꞌñe parro mameꞌ añe patsro. Ñapaꞌ atarr amoerañtosa. Ñamha attho yexhatosey Yompor poꞌñoñ ñeñthña ñoñetspaꞌ eꞌñe poꞌñoxh ateth, ama shekëñtsoyaye amaꞌt mamesha. Ñamha yapaꞌ xhokma yentoñeꞌth poꞌkowenña. Ñeñthña poꞌkowenñapaꞌ ateth ñerraꞌm Pompor ñeñth poꞌpathrror peneꞌ ña.

San Juan 1:17

Ñoñets ñeñth ateth anareth awathotheñpaꞌ ñeñth kellkonay Moisés awath. Tharraña Jesucristopaꞌ ñaña orrtatoseꞌña moereñets ñamha ñapaꞌ añ orrtatonay ñoñets ñeñth eꞌñe poꞌñoxh Yompor poꞌñoñ alloch yekeshperra.

San Juan 1:43

Tsapathña Jesúspaꞌ sechena oꞌch awerr Galileo. Allña entwenan Felipe ñañapaꞌ ateth otweñ: —Amaꞌt pemno oꞌch phokthenen.

San Juan 1:50

Jesúsñapaꞌ otererr: —Napaꞌ oꞌ notaph napaꞌ nenteneph allempo phanen mañtho higocho, ñeñthoꞌmartheꞌña oꞌ phameꞌñaꞌna. Theꞌñapaꞌ oꞌch notas, elloña theꞌpaꞌ nanakchaꞌ senterrnan nepartsoña ñeñth ama tama sentennanaꞌ.

San Juan 10:41

Shonteꞌ waxhaꞌtyestsa ñeshopaꞌ ñetñapaꞌ ateth otyesoset: —Juanpaꞌ amaꞌt koñeꞌtha ama orrtatano partsoteñets, tharraña allowen allpon otyesyeꞌth Juan añekop ñeñthchaꞌ Cristoterrets ñeñthña theꞌpaꞌ eꞌñe poꞌñoxh ateth pena.

San Juan 11:15

Napaꞌ theꞌpaꞌ atarr nokshena tharroꞌmar ama alloꞌtsenno all. Atarr kowen nenteñ sokop allochñapaꞌ atthoch eꞌñe kowen sameꞌñerrna. Amaꞌtpaꞌ theꞌpaꞌ oꞌch awey Lázaroñesho, oꞌch yenteñaꞌ.

San Juan 11:47

Allempoña fariseoneshaꞌ ñamha ñeñth paꞌmhchaꞌtaretherneshaꞌ pen allowen judioneshaꞌ poꞌkornaneshar, ñetñapaꞌ apxhachet allowen ñeñth aꞌpoktateneꞌ ñoñets judioneshakop. Ñetña allempopaꞌ ateth otyeset: —Errothwachñakaꞌ yepeꞌña, ñeñth yakmarpaꞌ xhokmakaꞌye orrtatyenanet partsoteñets.

San Juan 12:18

Ñeñthoꞌmareꞌnaña awanmaña shonteꞌ acheñeneshaꞌ oꞌch poktet tharroꞌmar ñetpaꞌ oꞌ eꞌmareꞌchet ñamet ñapaꞌ orrtatenanet poꞌpartsoña.

San Juan 12:37

Jesúspaꞌ amaꞌt shonteꞌ orrtatyenanet poꞌpartsoña tharraña amaña eseshayeꞌ ameꞌñenayoña ña.

San Juan 12:41

Isaíaspaꞌ tharroꞌmar ateth oteꞌth ñapaꞌ eꞌñe entaneꞌth Cristo poꞌkowenña ñeñthoꞌmarña eñoseꞌthña ñokop.

San Juan 14:13

Ñerraꞌm eschaꞌ senamoen eꞌñe na nesoꞌchño eꞌñe seyemteñothen na, napaꞌ eꞌñech ateth nepennas. Atthochña na ñeñthen Yompor Poechemerenpaꞌ nekowentateññañchaꞌ Apa.

San Juan 16:27

Apañapaꞌ atarrchaꞌ morrentensa attho sapaꞌ semorrentenna, eꞌñe seyemtenna attho napaꞌ Apoeshoth nowapa.

San Juan 16:30

Theꞌpaꞌ yeñoteneph phapaꞌ ñeñtheph eñotweneꞌ ora allowen esokmañen. Ñeñthoꞌmarña yapaꞌ amakaꞌye pallteno oꞌch alla yaꞌphthoꞌterrperr poꞌpoñoneth. Tharroꞌmar theꞌpaꞌ yeñoteneph phapaꞌ Partseshoth pewapa.

San Juan 2:1

Oꞌña maꞌpamoetwerr allempo xherr Jesús Galileo, allña anetso Caná atarr koshaprechet poesheñarr yakma ñeñth senaꞌtetsa. Jesúsña pachorpaꞌ alloꞌtsen.

San Juan 2:23

Allempoña alloꞌtsen Jesús Jerusaléño, all koshapretenet pascuapo shonteꞌ acheñeneshaꞌ enteññañet ñeñth attho orrtatenanet poꞌpartsoña all, ñeñthoꞌmarña allpaꞌ shonteꞌ ameꞌñaya.

San Juan 3:2

Ñañapaꞌ wapa Jesúsesho tsapopaꞌ ateth otos: —Maestrochaꞌ yeñoteneph phapaꞌ añ pellsenseneꞌ Yompor atthoch peyxhatosey kowen tharroꞌmar yapaꞌ yeñoteñ añach orrtatyeneꞌ partsoteñets ñeñth awamenkath pen Yompor.

San Juan 4:46

Jesúsñapaꞌ alla awerrerr poꞌpocheño Cano eꞌñe allara Galileo all eꞌñe ñanem aꞌpnasenanaꞌ oñ vinos. Allñapaꞌ alloꞌtsen poesheñarr ñeñth sherbeneꞌ amhchaꞌtareth. Ñaña poechemerpaꞌ xha atsnaꞌten all anetso Capernaumo.

San Juan 4:54

Arrpaꞌ attho poepocheño Jesúspaꞌ entatanet poꞌpartsoña allempo wapa Judeoth oꞌ alla xherrerr Galileo.

San Juan 5:23

Allochñapaꞌ atthochña allowenet mechaꞌnaꞌtennetchaꞌ namha ñeñthen Poechemeren eꞌñe ateth mechaꞌnaꞌtennanet Nompor Parets. Ñerraꞌm eseshaꞌ ama nemhchaꞌnaꞌtenaye na ñeñthen Poechemeren, Nomporeꞌnakaꞌyeña ama mechaꞌnaꞌteneto ñeñth nellsenseneꞌ.

San Juan 6:14

Attho orrtatanet poꞌpartsoña acheñeneshaꞌñapaꞌ ateth otyeset: —Añña poꞌñoxhpaꞌ ñeñthkaꞌye aꞌmhteneꞌ Yompor poꞌñoñ ñeñth atarr yekwen oꞌch wapa añe patsro.

San Juan 6:2

Allñapaꞌ kothaꞌneñ shonteꞌ acheñeneshaꞌ tharroꞌmar ñetpaꞌ oꞌ entwoñet poꞌpartsoña attho aꞌkrratyerran allowen ñeñth atsnaꞌtyets.

San Juan 6:26

Jesúsñapaꞌ ateth otapanet: —Na poꞌñoxhpaꞌ oꞌch notapas, sapaꞌ amakaꞌye añekpayeꞌ seꞌnenno attho oꞌ norrtatonas nepartsoña. Sapaꞌ añekpakaꞌyeña seꞌnenen attho oꞌ nerratwas pan oꞌ eꞌñe seyetwa.

San Juan 6:30

Ñetñapaꞌ ateth otereterr: —Errothenothwachkaꞌ pegateyña pepartsoña ñeñthchaꞌ yentpaꞌ atthothchaꞌ yameꞌñapha. Phapaꞌ eswañakaꞌ petsoten.

San Juan 7:31

Shonteꞌ acheñeneshaꞌ ñeñth ameꞌñaya. Ñetñapaꞌ ateth otyenet: —Añtheꞌkaꞌyeña poꞌñoxh Cristo ñeñth yekwen oꞌch wapa. Yapaꞌ oꞌkaꞌye orrtatosnay poꞌpartsoña, amatheꞌ errothenoth wapo poꞌpsheñeñ ñeñthchaꞌ ello metanoseꞌ poꞌpartsoteña ñeñth ateth entatyeney añ yakmar.

San Juan 9:16

Patantarrña fariseoneshaꞌpaꞌ ateth otyeset: —Ñeñth yakmarpaꞌ amatheꞌkaꞌye Partseshotheyeꞌ wapo ñeñthoꞌmar ama esoyeꞌ entenanoña ñeñth anareth patherr yeth allempokma yamesen. Poꞌpotantaññapaꞌ ateth otyeset: —Taꞌ, elloña ñerraꞌm ochñath acheñ amatheꞌ errothenoth orrtatonayeña partsoteñets. Atthoña eꞌñe all ellopaꞌtetstatet pokthaphña ñokop.

2 Corintios 3:18

Alloweney ñeñthey ameꞌñenaya Yepartseshar Cristo, ña Poekamkëñpaꞌ ñachña yaꞌpoꞌpoñeterreꞌ, allochñapaꞌ alloꞌnach yesen kowentapretaya Cristo. Yapaꞌ ama attheyayye ñerraꞌmrratheꞌ ñeñth aꞌnataklleꞌchareth atthoch amach enteññañeto Cristo poꞌkowenña. Yapaꞌ eꞌñe yekweñoth Cristo poꞌkowenña, yapaꞌxhoꞌña oꞌch yekowentapreteña yamha, ateth ñerraꞌmrratheꞌ rerep poptetsa ñerraꞌm xho yekwach atsrrethoneth.

2 Corintios 4:17

Tharroꞌmar ñeñth attho allpon yemoeroxhtameꞌtyena añe patsro, ñeñthpaꞌ ama esoyaye, eꞌñe mamekpa. Ñeñthpaꞌ añekpaña wennaya allochñapaꞌ atthoch wapatwerrnay ñeñth atarr nanak kosheñets ñeñth ama awañaño amaꞌt errponaña, ñeñth ello nanak atarr koxhneshaꞌtetsa, ñeñth atarr nanak kowen.

2 Corintios 4:6

Ñewa, yapaꞌ yeñoteñ ateth ot awath Yompor, ñeñthpaꞌ ateth ot: “Eñalletepaꞌch poetareꞌ allochñapaꞌ oꞌwañchaꞌ chekmet.” Ñeñthara Yompor theꞌñapaꞌ oꞌ aꞌpoetarsamperrnay yamha yeyoxher allochñapaꞌ atthoch yeñotater poꞌpotantañ acheñeneshaꞌ attho Cristopaꞌ ña orrtateneꞌ Pompor poꞌkowenña.

1 San Juan 5:13

Ñeñth allpon oꞌ nekellkonas sa ñeñthes ameꞌñenaya Yompor Poechemer, sapaꞌ ñeñthchaꞌña señotaterreꞌ poꞌñoxh sapaꞌ korretsasach soksheñeshokmañen eꞌñe thayotheñ errponañowen.