San Juan 19:40 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴⁰ Ñetña anerretña Jesús rromoeꞌ. Allñapaꞌ ephatseꞌtweret shetamtsotomo epoet ñamha eñmosath. Ñeñthpaꞌ ateth yexhena judioneshaꞌ ñerraꞌm xho pampoeñet arromñath.

San Juan 19:40 Iomraidhean Croise

San Mateo 26:12

Ñeñth attho shosnan theꞌ eñmosath nechtso, ñeñthpaꞌ añekpaꞌnakaꞌye sherben tharrempowa allempoch aꞌyanaꞌterrneterr ñeñthchaꞌ epoet pampaꞌpesnet.

San Marcos 14:8

Añ koyanesharpaꞌ añkaꞌye apoenen ñeñth allpon echyen. Ñeñth attho shosnan theꞌ eñmosath nechtso, ñeñthpaꞌ añekpaꞌnakaꞌye sherben tharrempowa allempoch aꞌyanaꞌterrnaneterr ñeñthchaꞌ epoet pampaꞌpesnet.

San Lucas 24:12

Tharraña Pedroñapaꞌ allentha ta eꞌñe matenakma. Oꞌña xhap ñamha poepampropaꞌ moꞌkosa, kowos oꞌpononeth all net. Ñapaꞌxhoꞌña ama entose, shetamtsa entos allo ephatseꞌchet alla oꞌshsheꞌmaꞌyena aꞌyeneth. Ñapaꞌxhoꞌña awerr pokollo ama eñoteñe ñatoꞌ erroꞌtsentheꞌ.

San Juan 11:44

Allempoñapaꞌ xhepaꞌtchaꞌ xhaꞌnetsña Lázaro ñeñth oꞌ rromwa, ephotaꞌtareth poto ñamha paꞌrrphoth, ñamha paꞌklloyothpaꞌ eꞌtaklleꞌchareth pañello. Jesúsñapaꞌ ateth oterraneterr: —Theꞌpaꞌ xhosañakaꞌye toramperreꞌ eshekchaꞌ chopeꞌchnerr oꞌch awerr.

San Juan 12:7

Tharraña Jesúsñapaꞌ ateth otanet: —Semnachñakaꞌyeña koyaneshaꞌ ñeñth ateth penen. Ñapaꞌ añekop aññoꞌtennan awathotheñ eñmosath tharrempowa allempoch aꞌyanaꞌterrneterr ñeñthchaꞌ epoet pampaꞌpesnet.

Los Hechos 5:6

Añña yakmaneshaꞌ ñeñth poꞌnareꞌpaꞌ oꞌ wapoetpaꞌ ñetñapaꞌ ephatseꞌchet ñeñth rromats oꞌ anmet aꞌyo all pampoeñetaꞌ.