San Juan 19:38 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁸ Allempoña José ñeñth arimateoꞌmarneshaꞌpaꞌ ñañapaꞌ awos Pilatesho oꞌch oteñaꞌ pokteꞌch eñch ñach aꞌswatoseꞌ Jesús ñeñth rromoets korsocho. Ñewa, ñeñth Josépaꞌ kothenan ñamha Jesús tharraña eꞌñe aꞌnawa, tharroꞌmar ñapaꞌ mechaꞌtenan judioneshaꞌ. Allempo ateth enamosan Pilato, Pilatoñapaꞌ eꞌñe pokteꞌ eñch, ñeñthoꞌmarña alla awerr korsocho, xherr allpaꞌ aꞌswatosan Jesús korsochoth all rromoen.

San Juan 19:38 Iomraidhean Croise

San Juan 12:42

Tharraña shonteꞌ acheñeneshaꞌ ñeñth ameꞌñaya Jesús amaꞌt ñamha amhchaꞌtarethexhno. Tharraña ñetpaꞌ mechaꞌcheteꞌth fariseoneshaꞌ ñeñthoꞌmarña ama aꞌmetheteꞌthe. Añ mechaꞌtenet thayeꞌtoꞌtheꞌ moeñoꞌtanet judioneshaꞌ poꞌprawoth.

San Juan 7:13

Ñetpaꞌ atarr mechaꞌteñet judioneshaꞌ ñeñthoꞌmarña aꞌnawa ateth otannaꞌtyenet.

San Juan 9:22

Ñewa, pamoꞌmteꞌ ateth otanet tharroꞌmar ñetpaꞌ mechaꞌteñet judioneshaꞌ. Ñewa, judioneshaꞌ ñetpaꞌ ateth aꞌpoktatenet ñerraꞌm eseshaꞌ otets: Jesúspaꞌ ñeñthkaꞌye Cristotets, ñeñthña ateth otetspaꞌ oꞌch moeñoꞌchet ñet poꞌprawoth.

Los Hechos 13:29

Allempoña oꞌ etsotatwoñet ora allpon ateth akellkareth awathotheñ ñokoppaꞌ oꞌ aꞌswachet korsochothpaꞌ oꞌ net mapoetpono.

Filipenses 1:14

Ñeñthoꞌmarña theꞌpaꞌ shonteꞌ masheñneshaꞌ eꞌñe alloꞌna senet yemoetnomoet Yepartseshar Cristo poktakma, tharroꞌmar ñetpaꞌ ateth entennet eꞌñe nameꞌñeñotha Cristo nemoeroxhtena cárcelo. Ñeñthoꞌmarña ñetpaꞌxhoꞌña oꞌwañ mechaꞌnaꞌtet serrpareꞌtet Yompor poꞌñoñ.