San Juan 19:30 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

³⁰ Allempoña Jesúspaꞌ agapan chaseꞌ ñañapaꞌ ateth oterrerr: —Theꞌñapaꞌ oꞌ eꞌñe etsotwerra allowen ñeñth ateth anareth nokop. Allempoña oꞌ epapaꞌ xha rromats.

San Juan 19:30 Iomraidhean Croise

San Mateo 20:28

Ateth ñerraꞌm na Ñeñthen Acheñetosets, napaꞌ ama añekpayeꞌ newapo añe patsro allochñapaꞌ sapaꞌ oꞌch attha atarr sesherbhapoen na ateth ñerraꞌmrratheꞌ napaꞌ atarr amhchaꞌtareth sentenen. Napaꞌ añekopña newapa allochñapaꞌ nachña sesherbhoseꞌña sa, ñeñthoꞌmarña napaꞌ naña pomostsa nañeña oꞌch nerromos sokop atthochña netsaꞌtwerrnasa soꞌchñar ñeñthes shontes paꞌnamen acheñres. Atthochña sapaꞌ amach sañeña rromatso soꞌchñarekop.

San Mateo 27:50

Allempoña Jesúspaꞌ oꞌ alla rranerrerr womenkpaꞌ rroma.

San Mateo 3:15

Jesúsñapaꞌ ateth otererr: —Phapatapnoꞌthach Juanachaꞌ tharroꞌmar atethkaꞌye poktetsa oꞌch yetsota allowen ñeñth poktetsa Partsokop. Allempoña Juanpaꞌ eꞌñe pokteꞌ eñch,

San Marcos 15:37

Allempoña Jesúspaꞌ oꞌ alla rranerrerr womenkpaꞌ rroma.

San Lucas 22:37

Tharroꞌmar theꞌpaꞌ oꞌch alla noterrserr: Theꞌpaꞌ oꞌchkaꞌye eꞌñe etsoterra ñeñth ateth anwareth Yompor poꞌñoñ nokop. Allkaꞌyeña oten napaꞌ errothwanenchaꞌ perrnet ateth ñerraꞌmrratheꞌ napaꞌ ñeñthen amtsañen. Theꞌpaꞌ ñeñthkaꞌye oꞌ etsotmocha ñeñth eꞌñe ateth anareth nokop.

San Lucas 23:46

Allempoña Jesúspaꞌ rrana. Poerranarothpaꞌ ateth ot: —Nomporchaꞌ theꞌpaꞌ oꞌ nepomoerra eꞌñe phokop eꞌñe nekamkëñowen. Eꞌñe ñeñtha otwapaꞌ oꞌ rroma.

San Juan 10:11

Napaꞌ na ñeñthen kowen kowampeneꞌ carnero. Ñeñth eꞌñe kowen kowampeneꞌ carnero ñapaꞌ eꞌñe ñañeña aꞌrroyerrtsa oꞌch rroma poꞌcarnerorekop.

San Juan 10:18

Amaꞌt eseshapaꞌ amach poerratampesnoña nokrreña, napaꞌ na ñeñthen aꞌrroyetsa eꞌñe nañeña. Napaꞌ anarethen atthoch naꞌrroya oꞌch nerroma; anarethen ñamha atthoch ellopaꞌ oꞌch alla netanterra. Ñeñthpaꞌ Apaña noteneꞌ atethchaꞌ nepha. Arrpaꞌ allowa ateth tomaꞌntatenanet allowen ñeñthchaꞌ ameꞌñerraya ñeñthña poꞌcarneror pen ñeñthchaꞌ atarr kowen kowampen.

San Juan 17:4

‘Napaꞌ oꞌ eꞌñe nekowentatwonaph arr patsro. Oꞌ eꞌñe netsotwonaph ñamha petarwas ñeñth ateth photen.

San Juan 19:28

Allempoña Jesúspaꞌ oꞌ eñoch oꞌ etsotwa ora allowen ñeñth ñokop, ñañapaꞌ ateth ot: —Xha noꞌñpaꞌten. Ñeñthpaꞌ tharroꞌmar ateth ot allochñapaꞌ atthoch etsoterra Yompor poꞌñoñ ñeñth ateth anwareth awathotheñ.

San Juan 4:34

Jesúsñapaꞌ alla oterraneterr: —Añkaꞌyeña nerrar nepen oꞌch nepha ateth moenen Nompor ñeñth nellsenseneꞌ, tharroꞌmar ñeñthpaꞌ atthochña eꞌñe netsotwoñ poꞌtarwas.

Romanos 10:4

Tharroꞌmar theꞌpaꞌ oꞌ wapa Cristo ñamha ateth oteney Yompor ñerraꞌm yameꞌñerrñaña Poechemer ñeñth Cristotetspaꞌ atthochña eꞌñech pokteꞌ enterreyña, amaꞌt erraꞌtsena ñeñthchaꞌ ameꞌñerraya. Allochñapaꞌ oꞌwañchaꞌ aña yeyemtena oꞌch ateth yephowen eꞌñe kowen ora allpon ñoñets ñeñth ateth anareth atthochña pokteꞌ enterryeñ Yompor.

Romanos 3:25

Ñamha Yomporpaꞌ awoꞌt orrtatan Poechemer Cristo ñeñthchaꞌ rromosets añe patsro, oꞌch ashatarethta poꞌrras eꞌñe yokop. Allochñapaꞌ eꞌñech eꞌshowarethterra yoꞌchñar ñerraꞌm yeyemterach ña. Ñamha awoꞌt ateth pha Yompor atthoch yeñoch, ñapaꞌ eꞌñe pokteꞌ ateth peꞌth awath, tharroꞌmar acheñeneshaꞌ ñeñth korratseꞌth awathpaꞌ Yomporpaꞌ attha awantenanet poꞌchñar, ama awenayeꞌ atsaꞌtatarethtwerreto poꞌchñaret. (Tharroꞌmar ñapaꞌ eꞌñe eñoteñ, Cristochña tsaꞌtwerrawet poꞌchñaret ñamet ñeñth allpon ameꞌñayeꞌth ña awath.)

1 Corintios 5:7

Ñeñthoꞌmarña oꞌ notas oꞌch saꞌypoꞌñerr ñeñth awath sokthaphña ñeñth nanak sosey. Añchaꞌña oꞌch setserrataterr sokthaphña. Tharroꞌmar poꞌñoxh etserra oꞌ yexhkaterres Yompor. Oꞌch netmaꞌntacha ateth peteꞌth awath allempo oꞌch xherr pascuapo xhokmach waporeꞌtwet allowen pan ñeñth aꞌchasareth. Oꞌch yexhkatet etserra pan ñeñth ama aꞌchasaretheyaye. Ñamha pascuapopaꞌ xhokmach moetseteꞌth carnerotholl, tharraña theꞌpaꞌ Cristoña oꞌ amtsarethta yokop.

Hebreos 12:2

Añchaꞌña xhokmoepaꞌchña eꞌñe yeyemoetneña Jesús ñeñth orrtaterreꞌ atthoch yeyemtera ñamha ñeñthchaꞌ yetsotaterreꞌ ñeñth attho atarr yeyemoetneña. Tharroꞌmar ñapaꞌ eꞌñe pokteꞌ eñcheꞌth oꞌch awantaꞌwan allowen ñeñth echarr enteꞌth amaꞌt attho rroma korsocho. Amaꞌt ñeñth atarr apenkoxhen entyenet, ñapaꞌ eꞌñe poktakma awantaꞌwanemh. Tharroꞌmar eꞌñe poeyemteñotha Pompor ñapaꞌ eñoteñ ñach apapoerreꞌ ñeñthchaꞌña atarr koshatwerreꞌ. Ñeñthoꞌmarña theꞌpaꞌ oꞌ alla anorrwerr Pompor poꞌkowenroth all anen poꞌkonaño allña partsotwerr ñamha.

Hebreos 9:22

Ñewa, yeñoteñ ñeñth ateth oten ñoñets ñeñth ateth anareth, allowen es poꞌrrasochña eꞌñe aꞌkowentatenet Partsokop. Allowen paꞌnamen ñeñth alloꞌtsaꞌyenpaꞌ eꞌñe awtsa allowen aꞌkowentatwe attho ashellkanaꞌtarethta eyarra poꞌrraso. Ñeñthoꞌmarña yeñoteñ ñerraꞌm ama es moetseneto atthoch shatatoñet poꞌrraspaꞌ amach eseshayeꞌ aphretnarethtetso poꞌchñaret.