San Juan 19:28 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁸ Allempoña Jesúspaꞌ oꞌ eñoch oꞌ etsotwa ora allowen ñeñth ñokop, ñañapaꞌ ateth ot: —Xha noꞌñpaꞌten. Ñeñthpaꞌ tharroꞌmar ateth ot allochñapaꞌ atthoch etsoterra Yompor poꞌñoñ ñeñth ateth anwareth awathotheñ.

San Juan 19:28 Iomraidhean Croise

San Lucas 12:50

Ñamha nokoppaꞌ eꞌñe ateth anareth naꞌmoeroxhtatarethterrach eꞌñe atarr womenk ateth ñerraꞌmrratheꞌ xho chorratennet ñeñthchaꞌ atarr nemoeroxhtaterreꞌ. Ñeñthoꞌmar napaꞌ ñeñthña atarr nellkateneꞌ theꞌ attha atarr naꞌwanteñ esempoch eꞌñech etsotwerra.

San Lucas 18:31

Ñeñth poeyochreshaꞌ ñeñth xharraꞌ poechena epsheña, Jesúsñapaꞌ awanmanet elloneth, allñapaꞌ ateth otosanet: —Theꞌ poꞌñoxhpaꞌ oꞌch aweney Jerusaléño. All ora allpon kellkaꞌyesoneꞌth ñeñth aꞌmhtaꞌyesayeꞌth Yompor poꞌñoñ awath ñeñthchaꞌ ateth naꞌpharethterra na Ñeñthenchaꞌ Acheñetosets, theꞌñapaꞌ oꞌch eꞌñe etsotwerra ñeñth ateth anareth nokop.

San Lucas 22:37

Tharroꞌmar theꞌpaꞌ oꞌch alla noterrserr: Theꞌpaꞌ oꞌchkaꞌye eꞌñe etsoterra ñeñth ateth anwareth Yompor poꞌñoñ nokop. Allkaꞌyeña oten napaꞌ errothwanenchaꞌ perrnet ateth ñerraꞌmrratheꞌ napaꞌ ñeñthen amtsañen. Theꞌpaꞌ ñeñthkaꞌye oꞌ etsotmocha ñeñth eꞌñe ateth anareth nokop.

San Juan 13:1

Amaꞌt ama xhenaꞌ pascuapo allempoch kosherrerr judioneshaꞌ, Jesúsñapaꞌ eñoteñ eꞌñech ñeñtheshaña alloꞌtsen arr patsro oꞌch awerr Pomporesho. Ñapaꞌ xhokma atarr morrentenana allowen ñeñth poeyochreshaꞌ pen arr patsro. Ñeñthoꞌmarña allempopaꞌ eꞌñe poktakma morrentwenanet.

San Juan 17:4

‘Napaꞌ oꞌ eꞌñe nekowentatwonaph arr patsro. Oꞌ eꞌñe netsotwonaph ñamha petarwas ñeñth ateth photen.

San Juan 18:4

Jesúsñapaꞌ eꞌñe eñoteñ ora ñeñthchaꞌ xhapoya allempo. Ñaña poktanetpaꞌ ateth otapanet: —Sapaꞌ ¿eseshaꞌtña seꞌnen?

San Juan 19:24

Ateth otannaꞌtyeset: —Amachkaꞌye yerrarratsche, xhochña yeyellsheñeꞌchatoñ paꞌshtam yeswertoth atthoch orrta erraꞌtsenotheychaꞌ yoreꞌ. Ñeñthpaꞌ tharroꞌmar ateth phowet allochñapaꞌ atthoch etsoterra Yompor poꞌñoñ ñeñth ateth anwareth awathotheñ, ñeñthpaꞌ ateth oten: “Ñetpaꞌ apannaꞌtyerretchaꞌ ñeñth nechorrena. Neshtamñapaꞌ yellsheñeꞌchatonetchaꞌ poꞌswertoth atthoch orrta ñeñthchaꞌ yoreꞌ.” Ñeñthpaꞌ ateth oꞌ eꞌñe perra solltarneshaꞌ.

San Juan 19:30

Allempoña Jesúspaꞌ agapan chaseꞌ ñañapaꞌ ateth oterrerr: —Theꞌñapaꞌ oꞌ eꞌñe etsotwerra allowen ñeñth ateth anareth nokop. Allempoña oꞌ epapaꞌ xha rromats.

San Juan 19:36

Ñeñthpaꞌ ateth pha atthoch etsoterra Yompor poꞌñoñ ñeñth anwareth awathotheñ, ñeñthpaꞌ ateth oten: “Ña amaꞌt pathrra poeneppaꞌ amach chenampereto.”

San Juan 4:34

Jesúsñapaꞌ alla oterraneterr: —Añkaꞌyeña nerrar nepen oꞌch nepha ateth moenen Nompor ñeñth nellsenseneꞌ, tharroꞌmar ñeñthpaꞌ atthochña eꞌñe netsotwoñ poꞌtarwas.

Los Hechos 13:29

Allempoña oꞌ etsotatwoñet ora allpon ateth akellkareth awathotheñ ñokoppaꞌ oꞌ aꞌswachet korsochothpaꞌ oꞌ net mapoetpono.