San Juan 19:20 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁰ Shonteꞌ judioneshaꞌ ñeñth lleyaꞌyeseꞌ ñeñth kellek tharroꞌmar all korsoꞌtamphsetpaꞌ eꞌñe allameꞌttsa anetso. Ñeñthña kellekpaꞌ eꞌñe maꞌpoꞌmar ñoñets akellkarethta —hebreyaxh, griegaxh ñamha latinaxh, eꞌñe atthekma oten.

San Juan 19:20 Iomraidhean Croise

San Lucas 23:38

Ñewa, poñoth all korsocho all noñet tsachtall akellkareth ñeñthña kellekpaꞌ ateth oten: “Añpaꞌ ñeñthkaꞌye judioneshaꞌ Paꞌmhchaꞌtarether.” Ñeñthña kellekpaꞌ ñeñth anareth maꞌpoꞌmar ñoñets —griegaxh, latinaxh ñamha hebreyaxh, eꞌñe atthekma oten.

San Juan 19:13

Pilatoña allempo eꞌman ñeñth ateth otenet allentha xhaꞌnmaterran Jesús aꞌyoth ñañapaꞌ anorrwerr all poꞌkonaño allekma aꞌpoktatenan ñoñets, ñeñth otenet Mapyetaten. Hebreyaxhopaꞌ oteñet Gabata.

San Juan 19:42

Allempopaꞌ tharroꞌmara alla naꞌneret allameꞌtets tharroꞌmar allempopaꞌ añ yethro allempoch aññoꞌtena judioneshaꞌ tsapathekop allempokma amesenet.

San Juan 5:2

All Jerusaléño eꞌñe allameꞌtets allothekma aꞌbeꞌtheñet carnero allñapaꞌ alloꞌtsen oñ apkoꞌsathtatareth ñeñth sochen hebreoneshaꞌ poꞌñoño Betesda. Ñeñthñapaꞌ eñall amnar poechaꞌpetar.

Los Hechos 21:37

Aꞌtapachet pokollopaꞌ Pabloñapaꞌ otosan solltarneshaꞌ paꞌmhchaꞌtarether, eños griegaxho, ot: —Theꞌ napaꞌ nemneñ oꞌch notaph patherr ñoñets. Amhchaꞌtarethñapaꞌ och: —¿Poꞌñoxhaꞌt peꞌmoen griegaxh?

Los Hechos 21:40

Allempoñapaꞌ oꞌ moenatan Pablo oꞌch eños. Pabloñapaꞌ alla thomos allothekma aꞌtenetpaꞌ echantosan pot atthoch moetsoñeñtwa acheñeneshaꞌ. Allempoña oꞌ moetsoñeñtwetpaꞌ Pabloñapaꞌ oꞌ eños hebreyaxho, ateth otanet:

Los Hechos 22:2

Allempoña eꞌmwet attho oꞌ serrpareꞌtatanet eꞌñe ñet poꞌñoñetopaꞌ, allempoñapaꞌ oꞌ eꞌñe moetsoñeñtwet poktakma. Pabloñapaꞌ alla oterraneterr:

Los Hechos 26:14

Allempoña yapaꞌ alla yerrmopraꞌyesa patso. Allempoña alla yerrmopraꞌyena patsopaꞌ, nañapaꞌ oꞌ neꞌm ñoñets hebreyaxho ñeñthpaꞌ ateth oten: “Esoꞌmareꞌt, Saule, pemoeroxhtatennanña ñeñth nameꞌñenaya. Añpaꞌ phañeña moeroxhtatetsa. Tharroꞌmar xha phottena ñerraꞌmrratheꞌ ashen ñeñth eꞌñe pathpareꞌteñoth ñañeñachña atserrphatetsa.” Añpaꞌ ateth oten ñeñth norrtoya.

Hebreos 13:12

Ñamha attho anenan judioneshaꞌ eyarra poꞌchets aꞌyo all ama acheñempañoyaye, ñeñthpaꞌ añ tomaꞌntena attho Cristopaꞌxhoꞌña anmet aꞌyo all ama acheñempañoyaye allchaꞌ eꞌñe poemoeroxhtateñothetpaꞌ oꞌch rroma. Atthoña eꞌñe ña poꞌrraso aꞌkowentaterrey Partsokop.

El Apocalipsis 9:11

Ñeñth awañchenklla ñetpaꞌxhoꞌña añ paꞌmhchaꞌtarether penet mellañotheñ ñeñth amhchaꞌtarethtetsa all alloꞌtsen arroroth ñeñth atarr arroroth oꞌpononeth pats. Mellañotheñ ñeñth paꞌmhchaꞌtarether pen awañchenklla, hebreyaxhopaꞌ añ socheñet Abadón; griegaxhoñapaꞌ añ socheñet Apolión. Ñeñth epoꞌmar soꞌchñets ya yeñoño ñeñth yoten amtsanatañ.