San Juan 19:18 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁸ Allña korsoꞌtamphsoset epoet ñamha epsheña acheñ. All korsoꞌtamphsetpaꞌ rroxhtamphsatoset epsheña.

San Juan 19:18 Iomraidhean Croise

San Mateo 27:44

Eꞌñe atthekma peꞌ ñamha eñeth ñeñth epoet korsoꞌtampeñet ñetpaꞌxhoꞌña atarr es otnareꞌchet alloth poꞌkorsochoth.

San Juan 18:32

Ñeñthoꞌmarña ñetpaꞌ ateth otyeset allochñapaꞌ atthoch etsota Jesús poꞌñoñ ateth otwanet awaña allempo ñanom eñotatanet ñapaꞌ korsochoch rroma.

San Juan 19:32

Allempoña ponemhya solltarpaꞌ chenoꞌtosan paꞌthap ñeñth parro korsoꞌtampeñet eꞌñe epsheñoꞌmar.

Los Hechos 2:23

Añña ñeñthara Jesús sañapaꞌ oꞌ sepomwer atthoch korsoꞌtamphset. Sañapaꞌ oꞌ saph poꞌpoñ acheñeneshaꞌ ñeñth athpareꞌteneꞌ Yompor atthoch ñetpaꞌ oꞌch moetset. Ateth oꞌ sephowa, Yomporpaꞌ awathotheñ eñotwaseꞌth atethchaꞌ sepha, tharroꞌmar ateth moeneꞌth ña.

Gálatas 3:13

Ñoñtsopaꞌ amaꞌt oꞌpatatenyañ koñcheñets tharraña Cristopaꞌ ñaña koñcherrtsa eꞌñe yokop atthochña yapaꞌ amach yekoñcherro. Ñeñthpaꞌ yeñoteñ tharroꞌmar amaꞌt awathotheñpaꞌ ateth anwareth Yompor poꞌñoño, ñeñthpaꞌ ateth oten: “Amaꞌt erraꞌtsena acheñer poepenkateñmeꞌchatset xho echañchet tsachopaꞌ ñeñthpaꞌ aꞌkoñchatarethchaꞌ entyes acheñeneshaꞌ.”

Hebreos 12:2

Añchaꞌña xhokmoepaꞌchña eꞌñe yeyemoetneña Jesús ñeñth orrtaterreꞌ atthoch yeyemtera ñamha ñeñthchaꞌ yetsotaterreꞌ ñeñth attho atarr yeyemoetneña. Tharroꞌmar ñapaꞌ eꞌñe pokteꞌ eñcheꞌth oꞌch awantaꞌwan allowen ñeñth echarr enteꞌth amaꞌt attho rroma korsocho. Amaꞌt ñeñth atarr apenkoxhen entyenet, ñapaꞌ eꞌñe poktakma awantaꞌwanemh. Tharroꞌmar eꞌñe poeyemteñotha Pompor ñapaꞌ eñoteñ ñach apapoerreꞌ ñeñthchaꞌña atarr koshatwerreꞌ. Ñeñthoꞌmarña theꞌpaꞌ oꞌ alla anorrwerr Pompor poꞌkowenroth all anen poꞌkonaño allña partsotwerr ñamha.