San Juan 19:17 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁷ Attho sen Jesús allpaꞌ anenan poꞌkorsoch. Xhapachet all oteñet Poñetallephno, ñeñth otenet hebreyaxho Gólgota.

San Juan 19:17 Iomraidhean Croise

San Mateo 10:38

Tharroꞌmar ñerraꞌm erraꞌtsen ama eꞌñeyeꞌ sewanmaye ñeñth ateth moenenet eꞌñe ñokpoeta atthoch kotherrnet eꞌñe poktakma, nañapaꞌ amach pokteꞌ nenteñe oꞌch neyochreshaꞌ neperranet. Ñeñthpaꞌ añ tomaꞌntena ateth ñerraꞌmrratheꞌ xho sechechnen sekorsoch alloch semoeroxhta samha.

San Mateo 16:24

Allempoña Jesúspaꞌ ateth otan poeyochreshaꞌ: —Ñerraꞌm eseshaꞌ moeneneꞌ oꞌch kotherrnet na eꞌñe poꞌñoxh atthoch neyochreshaꞌ neperranet, añ poktetsa sewanmoetepaꞌña ñeñth ateth moenenet eꞌñe ñokpoeta. Atthochña ñetpaꞌ oꞌch eꞌñe tomaꞌnteret ñeñth chechneneꞌ poꞌkorsoch allchaꞌ moeroxhtet ñamet. Atthochña kotherrnet eꞌñe poꞌñoxh.

San Mateo 27:37

Ñewa, poñoth all korsocho all noñet tsachtall akellkareth atthochña eñoteñet ñeñthekop korsoꞌtampeñet. Ñeñthña kellekpaꞌ ateth oten: “Añ Jesúspaꞌ ñeñthkaꞌyeña judioneshaꞌ Paꞌmhchaꞌtarether.”

San Marcos 10:21

Jesúsña eꞌñe poemorrenteñoth koweꞌpaꞌ ateth otererr: —Eñallmeñkaꞌye patherr ñeñth pepalltena ñeñth ama attheyeꞌ pepeno. Theꞌpaꞌ añchaꞌña ateth pepha oꞌch awerreph oꞌch pepomwerr ora allpon ñeñth pechyen oꞌch phapaꞌyeraꞌ wokchañneshaxhno ñeñth atarr es palltaꞌyetsa, atthochña phapaꞌ pecherrchaꞌ ñeñth atarr nanak sherbets Yompor poeꞌntaño. Allempochña pewerrapaꞌ oꞌch phoktherren atthoch eꞌñe neyochreshaꞌ neperreph eꞌñe poktakma.

San Marcos 15:26

Ñewa, poñothpaꞌ all korsocho all noñet tsachtall akellkareth atthochña eñoteñet ñeñthekop korsoꞌtampeñet. Ñeñthña kellekpaꞌ ateth oten: “Añpaꞌ ñeñthkaꞌyeña judioneshaꞌ paꞌmhchaꞌtarether.”

San Marcos 15:32

Eꞌñe pachmhareꞌteñothetpaꞌ ateth otyereterr: —Phapaꞌ ñeñthephoꞌkaꞌye Cristotostsañ, ñeñthephoꞌkaꞌye israelneshaꞌ paꞌmhchaꞌtaretherpeñ, peswerrañakaꞌye korsochoth allochñapaꞌ atthoch yameꞌñapha yamha. Eꞌñe atthekma peꞌ ñamha eñeth ñeñth epoet korsoꞌtampeñet, ñetpaꞌxhoꞌña atarr es otnareꞌchet alloth poꞌkorsochoth.

San Marcos 8:34

Allempoña Jesúspaꞌ agotan acheñeneshaꞌ ñamha poeyochreshaꞌ ñeñthpaꞌ ateth otanet: —Ñerraꞌm eseshaꞌ moeneneꞌ oꞌch kotherrnet na eꞌñe poꞌñoxh atthoch neyochreshaꞌ neperranet añ poktetsa sowanmoetepaꞌña ñeñth ateth moenenet eꞌñe ñokpoeta amaꞌt eꞌñe pokrreñowenet. Atthochña ñetpaꞌ oꞌch eꞌñe tomaꞌnteret ñeñth chechneneꞌ poꞌkorsoch allchaꞌ moeroxhtet ñamet. Atthochña kotherrnet eꞌñe poꞌñoxh.

San Lucas 14:27

Tharroꞌmar ñerraꞌm erraꞌtsen ama eꞌñeyeꞌ sewanmaye ñeñth ateth moenenet eꞌñe ñokpoeta atthoch kotherrnet eꞌñe poktakma, nañapaꞌ amach errothenoth neyochreshaꞌ neperraneto. Ñeñthpaꞌ añ tomaꞌntena ateth ñerraꞌmrratheꞌ xho sechechnen sekorsoch allchaꞌ semoeroxhta samha.

San Lucas 23:26

Allempo anmet Jesús aꞌyo allchaꞌ korsoꞌtamphsoset. Allña oñenetpaꞌ allñapaꞌ poktet poesheñarr yakma ñeñth cireneoꞌmarneshaꞌ ñeñthpaꞌ añ paꞌsoꞌcheñ Simón ñeñth errteꞌ werrtsa aꞌyoth. Ñeñthña rremapetpaꞌ oꞌ chechatnomet Jesús poꞌkorsoch ñeñthña anmoeꞌña chentaꞌ.

San Lucas 23:33

Allempoña xhapachet all oteñet Poñetallephno, allña korsoꞌtamphsosetña epoet ñamha epsheña ñeñth amtsañ, poesheñarr nosñañet poꞌkowenroth, poꞌpsheñeññapaꞌ nosñañet poeꞌchkotheroth.

San Lucas 23:38

Ñewa, poñoth all korsocho all noñet tsachtall akellkareth ñeñthña kellekpaꞌ ateth oten: “Añpaꞌ ñeñthkaꞌye judioneshaꞌ Paꞌmhchaꞌtarether.” Ñeñthña kellekpaꞌ ñeñth anareth maꞌpoꞌmar ñoñets —griegaxh, latinaxh ñamha hebreyaxh, eꞌñe atthekma oten.

San Lucas 9:23

Elloñapaꞌ alla oterraneterr allowenet: —Ñerraꞌm eseshaꞌ moeneneꞌ oꞌch kotherrnet na eꞌñe poꞌñoxh atthoch neyochreshaꞌ neperranet, añ poktetsa sewanmoetepaꞌña ñeñth ateth moenenet eꞌñe ñokpoeta. Atthochña ñetpaꞌ oꞌch eꞌñe tomaꞌnteret ñeñth chechneneꞌ poꞌkorsoch amaꞌt patheꞌtets yeth allchaꞌ moeroxhtet ñamet. Atthochña kotherrnet eꞌñe poktakma.

San Juan 19:13

Pilatoña allempo eꞌman ñeñth ateth otenet allentha xhaꞌnmaterran Jesús aꞌyoth ñañapaꞌ anorrwerr all poꞌkonaño allekma aꞌpoktatenan ñoñets, ñeñth otenet Mapyetaten. Hebreyaxhopaꞌ oteñet Gabata.

San Juan 5:2

All Jerusaléño eꞌñe allameꞌtets allothekma aꞌbeꞌtheñet carnero allñapaꞌ alloꞌtsen oñ apkoꞌsathtatareth ñeñth sochen hebreoneshaꞌ poꞌñoño Betesda. Ñeñthñapaꞌ eñall amnar poechaꞌpetar.

Los Hechos 7:58

Oꞌ rromoetpaꞌ oꞌ anmet aꞌyeneth all ama eñalle pokoll allchaꞌ rrolleꞌchet. Ñeñthchaꞌ rrolleꞌteꞌpaꞌ oꞌ rrotrraꞌtyeset paꞌshtam, oꞌ naꞌyeset eꞌñe alloꞌtsen poesheñarr yakma ñeñth wepoeshameñ ñeñth paꞌsoꞌcheñ Saulo.