San Juan 18:8 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁸ Jesúsñapaꞌ alla oterraneterr: —Napaꞌ oꞌkaꞌye notwapas napaꞌ añen. Ñerraꞌm natheꞌ seꞌnenpaꞌ neyochreshaꞌñapaꞌ semnatanet ñetpaꞌ oꞌch awanerret.

San Juan 18:8 Iomraidhean Croise

San Mateo 26:56

Amaꞌtpaꞌ atthepaꞌkaꞌye perra allochñapaꞌ atthoch eꞌñe etsotwerra ñeñth allpon kellkaꞌyeseꞌth nokop ñeñth aꞌmhtaꞌyesayeꞌth Yompor poꞌñoñ. Allempoña allowen poeyochreshaꞌpaꞌ allorokma aꞌypoꞌñaꞌwanmet, ñetñapaꞌ yetrraꞌtwet.

San Juan 10:28

Nañapaꞌ napoerranetchaꞌ atthochña ñetpaꞌ korretsetach thayotheñ errponañowen, ñetñapaꞌ amaꞌt awathapaꞌ amach chenkërreto. Amaꞌt eseshapaꞌ amach poerraterrnetoña eꞌñe na nototh.

San Juan 13:1

Amaꞌt ama xhenaꞌ pascuapo allempoch kosherrerr judioneshaꞌ, Jesúsñapaꞌ eñoteñ eꞌñech ñeñtheshaña alloꞌtsen arr patsro oꞌch awerr Pomporesho. Ñapaꞌ xhokma atarr morrentenana allowen ñeñth poeyochreshaꞌ pen arr patsro. Ñeñthoꞌmarña allempopaꞌ eꞌñe poktakma morrentwenanet.

San Juan 13:36

Simónña Pedropaꞌ ateth och: —Partseshachaꞌ, phapaꞌ ¿erraꞌtchaꞌña peserr? Jesúsñapaꞌ ateth och: —Allchaꞌ neserr napaꞌ phapaꞌ amach errothenoth phokthaꞌnoña na theꞌ. Esempoña poꞌñoxhpaꞌ amaꞌt chenta seserrchaꞌ samha.

San Juan 16:32

Theꞌpaꞌ oꞌ eꞌñe xhapmoch sa amaꞌt poesheñaꞌttsospaꞌ oꞌ xhaponasañ xhach sematrraꞌtyesa allemeñ. Xhach sawanomyesa allchaꞌ semnaꞌyes sa. Nañapaꞌ saꞌypoꞌñaꞌwanmoenchaꞌ. Tharraña napaꞌ ama eꞌñe naptheyaye, epanña Apa.

San Juan 18:7

Elloñapaꞌ alla oterraneterr: —¿Eseshaꞌtña seꞌnen? Ñetñapaꞌ alla otereterr: —Yapaꞌ añ yeꞌnen Jesús ñeñth nazaretoꞌmarneshaꞌ.

San Juan 18:9

Ñeñthpaꞌ tharroꞌmar ateth ot allochñapaꞌ atthoch etsota Jesús poꞌñoñ ateth oꞌ otwanom: “Ñeñth allpon neyochreshaꞌ pephatenen napaꞌ amaꞌt poesheñarrapaꞌ amach naꞌchenkache.”

1 Corintios 10:13

Tharroꞌmar alloweneypaꞌ xhokmach waponaya topateñets, ñeñthara topateñets ñeñth yexhenoya alloweney ñeñthey arromñathey. Tharraña Yomporpaꞌ xhokmach yeyomcha tharroꞌmar ñapaꞌ ama moenatenye oꞌch topatey atthoch metanonay yewamenk. Tharraña ñerraꞌm esempoch xhaponaya topateñetspaꞌ ñapaꞌ xhokmach orrtatonay atthoch yaꞌwanteꞌ atthoch amach metanonaye yewamenk.

2 Corintios 12:9

Tharraña ñapaꞌ awoꞌt otenen: “Amach naꞌwañamphsatsterrpe, tharraña napaꞌ attha xhokma atarr nemoerenpha, phapaꞌ ñeñthaña pepalltena. Tharroꞌmar ñeñth ama eñalle eꞌñe ña poꞌwamenkpaꞌ ñeñthchaꞌña orrtateneꞌ na newamenk.” Ñeñthpaꞌ ateth otenen Yompor. Ñeñthoꞌmarña attho napaꞌ ama eñalle eꞌñe na newamenk, ñeñthpaꞌ ñeñthña atarr nokshateneꞌ na, tharroꞌmar neñoteñ ñerraꞌm atthenpaꞌ Cristo poꞌwamenkña ñeñth nechorrenaya; ñeñthña norrtatenpaꞌ, ama noyaye newamenk, ñeñthpaꞌ Cristo.

Efesios 5:25

Theꞌpaꞌ oꞌch notas samha ñeñthes athaporethes, añ poktetsa eꞌñech kowen semorreñcha sethapor. Oꞌch semoerya nanak ateth peney Cristo atarr moerenya yamha ñeñthey ameꞌñenaya ña. Ñeñthoꞌmarña poemorrenteñothey ya ñapaꞌ eꞌñe pokteꞌ eñch oꞌch rroma yokop.

1 San Pedro 5:7

Ora allpon ñeñth yellkateneꞌ añ poktetsa oꞌch yotwe Yompor. Tharroꞌmar ñapaꞌ poꞌñoxh xhokma llekapretenya ñeñth yellkateneꞌ. Allochñapaꞌ ñachña yaꞌmetwerreꞌ yellkëña atthoch yokshaꞌwerra eꞌñe kowen.