San Juan 18:4 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴ Jesúsñapaꞌ eꞌñe eñoteñ ora ñeñthchaꞌ xhapoya allempo. Ñaña poktanetpaꞌ ateth otapanet: —Sapaꞌ ¿eseshaꞌtña seꞌnen?

San Juan 18:4 Iomraidhean Croise

San Mateo 16:21

Jesúsña eꞌñe allempotheñpaꞌ mothetnomh eñotatyesnomoeꞌ poeyochreshaꞌ ñeñth ateth anareth ñokop, ñapaꞌ moeroxhtateretchaꞌ; oꞌch awoꞌ Jerusaléño allñapaꞌ allchaꞌ moeroxhtateret. Añchaꞌ errotwanen perreꞌ ñeñth pomporneshaꞌ pen allowen judioneshaꞌ ñamha ñeñth paꞌmhchaꞌtaretherneshaꞌ pen allowen poꞌkornaneshar ñamha ñeñth atarr etsotayenayeñ ñoñets ñeñth ateth anareth judioneshakop. Allñapaꞌ allchaꞌ moetsatateret tharraña poemaꞌpamtañoña Pomporpaꞌ oꞌch alla tantater.

San Mateo 26:2

—Sapaꞌ señoteñ oꞌkaꞌye epomtamhapaꞌ oꞌch xhapaꞌmoen pascuapo. Allempoña na Ñeñthen Acheñetosetspaꞌ allempochña pomoerrnet atthothchaꞌña korsoꞌtamperrnet.

San Mateo 26:21

Allña rrallmeꞌchetsetpaꞌ Jesúsñapaꞌ ateth otanet: —Poꞌñoxhkaꞌye notenes: Poesheñarrothes sa ñeñtheschaꞌkaꞌye nepomoerreꞌ.

San Mateo 26:31

Allñapaꞌ ateth otosanet Jesús: —Añ tsaprokmach sa allowenespaꞌ saꞌypoꞌñaꞌwanmoenchaꞌ tharroꞌmar Yompor poꞌñoñopaꞌ atethkaꞌye anwareth, ñeñthpaꞌ ateth oteꞌth Yompor nokop: “Oꞌch nemtsater ñeñth kowampeneꞌ carnero, poꞌcarnerorñapaꞌ xhach matrraꞌtyesa allemeñ.”

San Lucas 24:44

Allempoñapaꞌ ateth oterraneterr: —Ñeñth ateth notaseꞌth allempo orameñ alloꞌtseney eꞌñe parro, ora allowen ñeñth ateth anareth awathotheñ Yompor poꞌñoño nokop, ñeñthña theꞌpaꞌ oꞌ eꞌñe etsotwerra —eꞌñe Moisésotheñ poꞌñoñ ñeñth ateth anareth amaꞌt ñamha ora allowen ñeñth kellkaꞌyesoneꞌth ñeñth aꞌmhtaꞌyesayeꞌth Yompor poꞌñoñ, amaꞌt ñamha ñeñth akellkarethtatseꞌth libro Salmos, theꞌpaꞌ ñeñthña oꞌ eꞌñe etsotwerra ñeñth ateth anaꞌyesareth nokop awathotheñ.

San Juan 13:1

Amaꞌt ama xhenaꞌ pascuapo allempoch kosherrerr judioneshaꞌ, Jesúsñapaꞌ eñoteñ eꞌñech ñeñtheshaña alloꞌtsen arr patsro oꞌch awerr Pomporesho. Ñapaꞌ xhokma atarr morrentenana allowen ñeñth poeyochreshaꞌ pen arr patsro. Ñeñthoꞌmarña allempopaꞌ eꞌñe poktakma morrentwenanet.

San Juan 13:11

Ñewa, Jesúspaꞌ eꞌñe eñotenan ñeñthchaꞌ pomoerreꞌ ñeñthoꞌmarña ateth otanet: “Ama allowenakmayeꞌ aꞌkowentatwaretheso.”

San Juan 18:5

Ñetñapaꞌ ateth otoset: —Añkaꞌye yeꞌnen Jesús ñeñth nazaretoꞌmarneshaꞌ. Ñañapaꞌ alla oterraneterr: —Napaꞌ añenkaꞌye. Judas ñeñth pomoeꞌpaꞌ ñapaꞌxhoꞌña alloꞌtsen.

San Juan 18:7

Elloñapaꞌ alla oterraneterr: —¿Eseshaꞌtña seꞌnen? Ñetñapaꞌ alla otereterr: —Yapaꞌ añ yeꞌnen Jesús ñeñth nazaretoꞌmarneshaꞌ.

San Juan 19:28

Allempoña Jesúspaꞌ oꞌ eñoch oꞌ etsotwa ora allowen ñeñth ñokop, ñañapaꞌ ateth ot: —Xha noꞌñpaꞌten. Ñeñthpaꞌ tharroꞌmar ateth ot allochñapaꞌ atthoch etsoterra Yompor poꞌñoñ ñeñth ateth anwareth awathotheñ.

San Juan 6:64

Tharraña pantantaꞌttsospaꞌ amaña sameꞌñenno. Ñewa, Jesúspaꞌ eꞌñe allempotheñ eñotenan ñeñthchaꞌ ama ameꞌñerrtso. Eꞌñe eñotenan ñamha ñeñthchaꞌ pomoerreꞌ.

Los Hechos 2:28

Añchaꞌña oꞌch entaterren atthoch yokrrerra eꞌñe kowen. Poparrokmateñoth epan ñapaꞌ ñach nokshaterreꞌ nanak. Allowa ateth oteꞌth David awath ateth ñerraꞌm Jesús eñostseꞌth.

1 San Pedro 4:1

Cristo allempo añe patsroꞌtsenpaꞌ ñapaꞌ eꞌñe pokteꞌ enteñ atthoch moeroxhtateñet nanak. Ñeñthoꞌmarña sapaꞌxhoꞌ eꞌñepaꞌchña pokteꞌ senteñ oꞌch semoeroxhta eꞌñe ñokop. Eꞌñe yemoeroxhteñothpaꞌ oꞌch womenk yephaꞌ yeyoxher. Yemoeroxhteñoth yechtsopaꞌ oꞌch yekexhpaꞌwerr ñeñth ama pokteyaye Yomporekop.