San Juan 18:28 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁸ Allempoña Jesúspaꞌ anereterr Caifáseshoth. Eꞌñe awathekma anmaꞌmoeñet amhchaꞌtareth poꞌpalaciopawo. Ñeñthña amhchaꞌtarethpaꞌ ñeñth nen gobiernoꞌ Romoth ñeñth amhchaꞌtarethtetsa alloꞌmarneshakop. Allowen judioneshaꞌ ñetñapaꞌ ama beꞌthososeto amhchaꞌtareth paꞌpakllo tharroꞌmar ñeñth amhchaꞌtarethpaꞌ romoꞌmarneshaꞌ ama judioneshayaye allochña ñetpaꞌ añoꞌch xha aꞌsosyateto ñañeñeta Partsokop eshekchaꞌ eꞌñe kowen rrallmeꞌchet pascuapo.

San Juan 18:28 Iomraidhean Croise

San Mateo 27:27

Ñewa, solltarneshaꞌña ama aneñetaꞌ allchaꞌ korsoꞌtamphsoset ñetñapaꞌ arrña ñanom anmet Jesús amhchaꞌtarethepawo. Allña agotachet allowen poꞌpotantañ solltarneshaꞌ ñeñth alloꞌtsaꞌyen oꞌch eꞌñe apxhet Jesúsesho.

San Marcos 15:16

Ñewa, solltarneshaꞌña ama aneñetaꞌ allchaꞌ korsoꞌtamphsoset arrña ñanom anmetña Jesús amhchaꞌtarethepawo. Allña agotachet allowen poꞌpotantañ solltarneshaꞌ ñeñth alloꞌtsaꞌyen oꞌch eꞌñe apxhet Jesúsesho.

San Lucas 22:66

Tsapathña allempo poetarenpaꞌ apxhaꞌmoena allowen ñeñth pomporneshaꞌ pen judioneshaꞌ epoet ñamha ñeñth paꞌmhchaꞌtaretherneshaꞌ pen allowen judioneshaꞌ poꞌkornaneshar epoet ñamha ñeñth atarr etsotayenayeñ ñoñets ñeñth ateth anareth. All apxhaꞌmoena allowen judioneshaꞌ paꞌmhchaꞌtaretherneshaꞌ ñeñth aꞌpoktatyeneꞌ ñoñets, all anmaꞌmoeñetña Jesús. Allñapaꞌ aꞌphthoꞌtareꞌtapet, ateth otapet:

San Juan 11:55

Allempoña oꞌ xherrmocherr pascuapo allempoch alla kosherrerr judioneshaꞌ. Allampañoꞌmarneshaꞌ ñeñth alloꞌtsaꞌyenet shontet awanmoet Jerusaléño. Ama xhenaꞌ pascuapo ñetpaꞌ añekopña awanmoet atthoch aꞌkowentatoset eꞌñe ñetañeña Partsokop.

San Juan 18:13

Ñanompaꞌ arr anmet alloꞌtsen Anás, tharroꞌmar ñapaꞌ ñeñth Caifás paꞌgoꞌ. Ñeñthña Caifáspaꞌ ña paꞌmhchaꞌtarether pen allowen judioneshaꞌ poꞌkornaneshar allempo ñeñthe chararo.

San Juan 18:15

Simón Pedro ñamha poꞌpsheñeñ poeyochreshaꞌ ñetñapaꞌ kothaꞌnmet ñamet Jesús chentaꞌ. Ñeñthña poesheñarrpaꞌ eꞌñe chemeꞌteñ korneshaꞌ ñeñth nanak amhchaꞌtarethtetsa allempo. Ñapaꞌxhoꞌña oꞌ beꞌthososet epoet Jesús all akonxhaꞌtamphsarethtena korneshaꞌ poꞌpamp.

San Juan 18:33

Allempoña Pilatopaꞌ alla beꞌtherrerr pokollo. Ñañapaꞌ agotatan Jesúspaꞌ ateth och: —Phapaꞌ ¿phaꞌt amhchaꞌtarethtetsaña judioneshakop?

San Juan 18:39

Tharraña ateth seyxhenpaꞌ eꞌñe patheꞌtets char allempoch xherrerr pascuapo nañapaꞌ xhokmach naꞌrroyerrnas poesheñarr sokop ñeñth ayottamphsarethtetsa allempo, ñeñthara ñeñth samoꞌts sepen. Theꞌpaꞌ ¿añeꞌt semnen oꞌch naꞌrroyerrnas ñeñth Saꞌmhchaꞌtarether sepen sa ñeñthes judioneshas?

San Juan 19:11

Jesúsñapaꞌ ateth otererr: —Amach errothenoth pephaꞌnoñeña ñerraꞌm ama Yompor phapayñe llesens ateth. Ñeñthoꞌmarña ñeñth nepomoeꞌ peshopaꞌ ñetpaꞌ ello metanennapet phoꞌchñar.

San Juan 19:14

Allempopaꞌ añe yethro allempo aññoꞌtena judioneshaꞌ ñeñth atthekma penet pascuapo. Oꞌña xhap poktopaꞌ, Pilatoñapaꞌ ateth oterranerr judioneshaꞌ: —Sekweꞌñakaꞌyeña añ ñeñth saꞌmhchaꞌtarether sepen.

San Juan 19:9

Alla beꞌtherrerr pokollo ateth otwerranerr Jesús: —Phapaꞌ ¿erroꞌmarneshapeꞌtña pha? Jesúsñapaꞌ ama anape.

Los Hechos 10:28

Allempoñapaꞌ otanet Pedro: —Sapaꞌ señoteñ ya judioneshaypaꞌ ama pokteyeꞌ yenteñe oꞌch yeyemcha poꞌpoñ acheñ ñeñth ama judioneshayaye. Tharroꞌmar yapaꞌ ateth yeyxhena amach yeyaꞌrrotatsche acheñ ñeñth ama judioneshayaye. Tharraña theꞌ Yomporpaꞌ oꞌ yexhatwan amach yentatsche poꞌpsheñeñ ateth ñerraꞌmrratheꞌ ñeñth ama kowenayaye.

Los Hechos 10:32

Theꞌñapaꞌ oꞌch pemñe acheñ Jopo oꞌch phagotach poesheñarr ñeñth paꞌsoꞌcheñ Simón ñeñthara ñeñth otenet Pedro. Ñapaꞌ alla aꞌpoena poꞌpsheñeñ Simón paꞌpakllo. Ñach wapatsapaꞌ ñapaꞌ serrpareꞌtatosephchaꞌ. Ñewa, ñeñth Simón all aꞌpoena Pedro ñeñthkaꞌye aꞌkowenetyeneꞌña paꞌrrom. Paꞌpakëllpaꞌ ontapoꞌtsen.” Añpaꞌ allowa ateth oten ñeñth norrtoya.

Los Hechos 11:3

Oꞌ cheꞌptareꞌchet Pedro, ateth ochet: —Esoꞌmareꞌtña petaña alloꞌtsen ñeñth ama judioneshayaye, amaꞌt allpaꞌ oꞌtheꞌ xha perrallmeꞌchapretosanet.

Los Hechos 3:13

Añchaꞌña oꞌch notas: Añmapaꞌ Yompor orrtateneꞌ ñeñth oꞌ sentwa. Añña Yomporpaꞌ ñeñthara Poꞌyomporer peꞌth amaꞌt Abraham ñamha Isaac ñamha Jacob, ñamha allowen yatañneshañ. Yomporpaꞌ eꞌñe pokteꞌ eñch oꞌch kowentatan Poechemer Jesús. Ñeñthoꞌmarña oꞌ orrtatonas ñeñth oꞌ sentwa. Tharraña sa ñeñthara Jesúspaꞌ oꞌ sepomwe. Amaꞌt allempo Pilatopaꞌ pokteꞌ enteñeñ oꞌch aꞌrroyereñ, tharraña sañapaꞌ xha saꞌnasotampesya allowenes.

Los Hechos 4:27

Alla maꞌyochereterr Yompor, ateth oterreterr: —Ñeñthoꞌmarña theꞌpaꞌ poꞌñoxh oꞌ etsota attho arr Jerusaléño oꞌ apxhet atthoch oꞌpatonapet Pechemer Jesús amaꞌt ñeñth eꞌñe kowen Parets penten pha, ñeñthña Jesús ñeñth eꞌñe kowen pesherbhayeꞌth ñeñth eꞌñe pho pellsensar. Ateth awathotheñ eꞌñe peñotwaneteꞌth ñetpaꞌ oꞌch etsotaterrnapet peñoñ ateth ñerraꞌm Herodes, ñamha Poncio Pilato, ñamha poꞌpoñexhno acheñ ñeñth ama ameꞌñetso, amaꞌt ñamha israelneshaꞌ. Tharraña ñeñth ateth oꞌpachetpaꞌ theꞌpaꞌ oꞌ etsotwerra peñoñ.