San Juan 18:20 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁰ Jesúsñapaꞌ ateth otos: —Napaꞌ ama aꞌnawayaya neserrpareꞌtateñe acheñeneshaꞌ arr patsro. Xhokma neyxhatyen judioneshaꞌ poꞌprawoꞌmar ñamha Parets paꞌpakllo allekma shontena judioneshaꞌ. Amaꞌt parrochapaꞌ ama esempo neñosoña aꞌnawa.

San Juan 18:20 Iomraidhean Croise

San Mateo 24:26

Ñeñthoꞌmar theꞌpaꞌ notenes: Ñerraꞌm allempoch ateth oterrset: “Tharroꞌtsenkaꞌyeña Cristo aꞌyo all amayo”, sañapaꞌ ñatoꞌtña sesenaꞌña all oꞌch senteñaꞌ. Amapaꞌ ñerraꞌm atethchaꞌ oterrseterr: “Tharroꞌtsenkaꞌye Cristo oꞌpono pokollo”, sañapaꞌ ñatoꞌtña sesenaꞌña all oꞌch senteñaꞌ.

San Mateo 26:55

Allempoña Jesúspaꞌ ateth otan acheñeneshaꞌ: —Esoꞌmareꞌt sewaxhaꞌtennanaña eꞌñe okchellethareroches ñamha etsachperethareroches atthoch serrmaꞌn. Napaꞌ ¿eꞌñeꞌt ateth sentenen ñerraꞌmrratheꞌ eñethen? Oꞌ allponmatwanen nanorryen Parets paꞌpaklloꞌmar, all neyxhatyen, esoꞌmareꞌtña ama allempokmaña serrmaꞌneꞌthe.

San Mateo 26:65

Korneshaꞌñapaꞌ ñeñtha eꞌmpaꞌ allentha rrarreꞌtan paꞌshtam eꞌñe patsrreꞌmoeñoth, ñeñthpaꞌ ateth ot: —Oꞌkaꞌye xha achmhareꞌtanña Yompor. Ñeñthepñapaꞌ amach yeꞌnatsche poꞌpsheñeñ ñeñthchaꞌ aꞌmethamphsoseꞌ. Theꞌ amaꞌt sapaꞌ oꞌkaꞌye seꞌmh ateth achmhareꞌtenan Yompor. ¿Errothenaꞌt senteñña sa?

San Mateo 4:23

Allempoñapaꞌ chopeñeꞌchyes Jesús errapharen Galileoꞌmar. Yexhatyesosan judioneshaꞌ eꞌñe ñet poꞌpraweto. Allñapaꞌ serrpareꞌtatosanet kowen ñoñets attho ayochreshathtena Yompor. Aꞌkrratyesosan acheñeneshaꞌ; amaꞌt paꞌnamen osyenawet, amaꞌt paꞌnamen aꞌprramaꞌyenawet, ñañapaꞌ eꞌñe aꞌkrratyeswosanet.

San Mateo 9:35

Allothñapaꞌ aswawanom Jesús allowen anetso amaꞌt ñamha all ama tama eñalle acheñ. All yexhatyesosanet poerawoꞌmar. Serrpareꞌtatosanet ñeñth kowen ñoñets attho ayochreshathtena Yompor. Aꞌkrratyesosan ñeñth osyen paꞌnamen atsnañets ñamha ñeñth paꞌnamen atsotyenet.

San Marcos 8:32

Ñeñthpaꞌ eꞌñe eñotoxhen otnomanet ñapaꞌ atethchaꞌ apharethterra. Pedroñapaꞌ allentha anemh aꞌyenethpaꞌ allñapaꞌ ateth otos: —Arepaꞌch Partseshachaꞌ attheyeꞌ perrpeto amaꞌt errponaña.

San Lucas 21:37

Xhokma ateth peꞌth Jesús, ellapeneꞌthchaꞌ yexhatats Parets paꞌpakllo, ellerronethñapaꞌ oꞌch awerr Olivophno ñapaꞌ allkaꞌye eꞌñe aꞌpoeꞌth.

San Lucas 4:15

All apxhaꞌyena judioneshaꞌ poꞌprawetopaꞌ ñañapaꞌ all yexhatyenanet. Atthoña allowen acheñeneshaꞌpaꞌ atarr kowen enteñet.

San Juan 18:21

Esoꞌmareꞌtña nañeña phaꞌphthoꞌten. Añchaꞌña phaꞌphthoꞌtyes ñeñth neꞌmayeꞌth errothentheꞌ neserrpareꞌtatyesaneteꞌth. Ñetpaꞌ eñoteñettheꞌña ñeñth ateth notyesaneteꞌth.

San Juan 6:59

Arrpaꞌ allowa ñeñth ateth yexhatenan acheñeneshaꞌ judioneshaꞌ poꞌprawo all Capernaumo.

San Juan 7:14

Oꞌña patmaꞌnma attho koshenet Jesúsñapaꞌ beꞌthosos Parets paꞌpakllo, yexhatosanet all.

San Juan 7:26

Ñapaꞌxhoꞌña alloꞌtsenepaꞌt arr, attha ama es poexheno eñosets, amaña errotheyeꞌña oteñeto. Ñatoꞌ tharroꞌmartheꞌña amaꞌt amhchaꞌtarethneshaꞌpaꞌ oꞌkaꞌye eñotwet poꞌñoxh ñapaꞌ ñeñthkaꞌye Cristotets.

San Juan 7:28

Jesúsña allempo yexhaten Parets paꞌpakllo, ñapaꞌ poerranaroth ateth otanet: —Sapaꞌ sechmeꞌtennoñtheꞌ, señotennoñtheꞌña na erroththeꞌ nowapa. Tharraña napaꞌ ama nothayeꞌ nowapo, eñallña ñeñth nellsenseꞌ; ñapaꞌ eꞌñe poꞌñoxh ñerraꞌm erroth ot, ama poenesho poꞌñoñ. Ñeñthña sapaꞌ ama señoteñeña sa.

San Juan 7:4

Ñewa, ñerraꞌm yemneñ oꞌch yorrta allowenakoppaꞌ amaꞌt poesheñarrotheyapaꞌ amachña aꞌnawa es yephaꞌyeno. Ñerraꞌm poꞌñoxh phorrtatyen pepartsoña arrpaꞌ phorrtachñakaꞌye ñamha allowen acheñeneshakop añ patsro.

San Juan 8:2

Tsapathña poꞌpocheño eꞌñe awathekma alla xhenerr Parets paꞌpakllo. Shonteꞌ acheñeneshaꞌ alla waxheneterr ñesho. Ñañapaꞌ anorros allña yexhatenaneterr.

San Juan 8:26

Atarr nanak palltena xhokmach notenes ateth sepena sa, shonteꞌch neños añekop ateth nentyen. Tharraña ñeñth nellsenseneꞌ ñapaꞌ eꞌñe poꞌñoxh ateth oten ña. Napaꞌ añkaꞌyeña neꞌñoreññaña acheñeneshaꞌ arr patsro ñeñth ateth neꞌmoeññañ Apa.

Los Hechos 26:26

Amaꞌt amhchaꞌtareth Agripapaꞌ eꞌñe eñotweñ ateth noten. Ñeñthoꞌmarña theꞌpaꞌ oꞌ neyemcha ña tharroꞌmar napaꞌ neñoteñ, ñapaꞌ oꞌ entwon ñeñth ateth nepena, ñamha tharroꞌmar ama aꞌnawa es nephaꞌyeno.