San Juan 18:17 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

¹⁷ Koyaneshaꞌña ñeñth koweneꞌ yetarrpaꞌ ateth otapan Pedro: —¿Amaꞌt phapaꞌxhoꞌña poeyochreshaꞌtheꞌkaꞌ penephña añ enkaneshar? Ñañapaꞌ ateth otos: —Napaꞌ amakaꞌye poeyochreshayayno.

San Juan 18:17 Iomraidhean Croise

San Mateo 26:33

Allempoña Pedropaꞌ ateth och: —Amaꞌt allowenet ñerraꞌm aꞌypoꞌñaꞌwerrpetchaꞌpaꞌ naña amaꞌt awathapaꞌ amach naꞌypoꞌñerrpe.

San Lucas 22:54

Allempoñapaꞌ rremoset Jesúspaꞌ arr aneret amhchaꞌtareth paꞌpakllo ñeñth paꞌmhchaꞌtarether pen allowen judioneshaꞌ poꞌkornaneshar. Pedroñapaꞌ ñapaꞌxhoꞌña kotheꞌ tharraña ñapaꞌ chentaꞌ en aꞌyoth.

San Juan 18:16

Pedroñapaꞌ alla thomos aꞌyoth alloth beꞌthenet. Poꞌpsheñeñña poeyochreshaꞌ ñeñth eꞌñe chemeꞌten korneshaꞌ ñeñth nanak amhchaꞌtareth, ñañapaꞌ xhaꞌnerr aꞌyoth, allñapaꞌ eñoswerr epoet koyaneshaꞌ ñeñth koweneꞌ yetarr. Allempoñapaꞌ erranaꞌ ñamha Pedro.

San Juan 18:25

Simón Pedroñapaꞌ alla then all shotena. Ñetñapaꞌ ateth ochet: —Phapaꞌxhoꞌña ¿amaꞌt poeyochreshaꞌ penpe? Ñañapaꞌ xha aꞌnasochapaꞌ ateth ot: —Napaꞌ amakaꞌye.

San Juan 18:5

Ñetñapaꞌ ateth otoset: —Añkaꞌye yeꞌnen Jesús ñeñth nazaretoꞌmarneshaꞌ. Ñañapaꞌ alla oterraneterr: —Napaꞌ añenkaꞌye. Judas ñeñth pomoeꞌpaꞌ ñapaꞌxhoꞌña alloꞌtsen.

San Juan 18:8

Jesúsñapaꞌ alla oterraneterr: —Napaꞌ oꞌkaꞌye notwapas napaꞌ añen. Ñerraꞌm natheꞌ seꞌnenpaꞌ neyochreshaꞌñapaꞌ semnatanet ñetpaꞌ oꞌch awanerret.

San Juan 21:15

Allempoña rrowaꞌmoenet Jesúsñapaꞌ ateth otan Simón Pedro: —Simón, Jonás poechemere, phapaꞌ ¿atarrtheꞌ pemorrentenna, ellotheꞌ pemhtanaꞌtweñ añeneshaꞌ? Ñañapaꞌ ateth otan Jesús: —Poꞌñoxhkaꞌye, Partseshachaꞌ, peñotenen napaꞌ nemorrentenpha. Jesúsñapaꞌ ateth otererr: —Ñeñthepñapaꞌ eꞌñech kowen peserrpareꞌtatyes allowen ñeñth nameꞌñenaya; ñetpaꞌ eꞌñe ateth nentenanet ñerraꞌmrratheꞌ necarneroretholleshaꞌ.

Los Hechos 12:13

Oꞌ xhap alloth beꞌthenetpaꞌ xhoreꞌtosanet. Oꞌponothñapaꞌ xhaꞌnom poesheñarr shopsheshaꞌ añ paꞌsoꞌcheñ Rode.