San Juan 17:9 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁹ ‘Theꞌña napaꞌ oꞌch nemaꞌyochampesnomanet ñet. Ama allowenakpayeꞌ acheñeneshaꞌ arr patsro nemaꞌyochenpho, eꞌñe añekpa nemaꞌyochenpha ñeñth neyochreshaꞌ pephatenen tharroꞌmar ñetpaꞌ ñeñthareta peyochreshaꞌ pepen phamha.

San Juan 17:9 Iomraidhean Croise

San Lucas 22:32

Tharraña Simón oꞌch notaph, theꞌpaꞌ napaꞌ oꞌ nemaꞌyochwa phokop atthoch amach eꞌñe poktakma aꞌwañamphsonapeña pha attho atarr peyemtenna. Tharraña amaꞌtchaꞌ waponaphañ topateñets ñeñth atarr womenk, phaña allempopaꞌ oꞌch alla phokthapeꞌcherr kowen Yomporekop. Allempoñapaꞌ oꞌch alla eꞌñe kowen peyenpoer pemoꞌnasheñneshaꞌ atthoch ñetpaꞌxhoꞌña oꞌch alla womenk perret poeyoxher Yomporekop.

San Lucas 23:34

Eꞌñe allempo korsoꞌtamphsosetpaꞌ Jesúsñapaꞌ ateth maꞌyochamphsosana ñeñth eꞌmoñeꞌteneꞌ, ñeñthpaꞌ ateth ot: —Nomporchaꞌ theꞌpaꞌ pephretnanetepaꞌch tharroꞌmar ñetpaꞌ poꞌñoxhpaꞌ ama eñoteneto ñeñth atet yexhkatenet, ñeñth ama pokteyaye. Allempoña solltarneshaꞌpaꞌ yellsheñeꞌchatoñet paꞌshtam poꞌswertoth atthoch orrta poesheñaꞌtets ñeñthchaꞌ yorayeseꞌ poemaꞌtets.

San Lucas 8:34

Acheñeneshaꞌña ñeñth kowampeneꞌ chañcho allempo eñchet ateth pha chañcho oꞌ shorxhaꞌtwa oño, ñetñapaꞌ allentha matrraꞌtet ñamet poeyorñoth awanmoet anetso. Allñapaꞌ serrpareꞌtyesoset ñamha ora allowen allampañoꞌmar.

San Juan 14:16

Napaꞌ nenamonaschaꞌ Apa ñapaꞌ apaschaꞌ poꞌpsheñeñ ñeñthchaꞌ sokthapeꞌchaterreꞌ ñeñthchaꞌña sechorrerraya errponañowen.

San Juan 17:2

Attho phapoen llesenspaꞌ alloña pomnaren nepeñña allowen acheñeneshaꞌ. Allochñapaꞌ allowen acheñ ñeñth phoꞌpatatenna, naña ñetpaꞌ napoenanetchaꞌ alloch ñetpaꞌ korretsetach poksheñeshokmañen thayotheñ eꞌñe errponañowen.

San Juan 17:20

‘Tharraña amach eꞌñe añekpa nemaꞌyocho ñeñth eꞌñe neyochreshaꞌ nepen theꞌ, añekpaꞌnachña nemaꞌyochampesnoma allowen ñeñthchaꞌ nameꞌñerraya tsapathoneth eꞌñe neyochreshaꞌ poꞌñoñoth.

San Juan 17:6

‘Allowen acheñ ñeñth neyochreshaꞌ pephatenen nañapaꞌ añ neñotatenanet ñeñth ateth pepena pha tharroꞌmar ñetpaꞌ ñeñthet eꞌñe allpona phoꞌpatatna arr patsro. Ñetñapaꞌ pepaꞌtña oꞌpatenawet ñeñthchaꞌ neyochreshaꞌ pephaten namha. Theꞌña ñetpaꞌ eꞌñe ameꞌñerrnapet peñoñ.

San Juan 6:37

Allowen acheñeneshaꞌ ñeñth oꞌpatatenna Apapaꞌ ñetñapaꞌ ameꞌñerrnetchaꞌ. Eseshaꞌch nameꞌñerraya ñetñapaꞌ amach alla newaporeꞌterraneto.

San Juan 6:39

Ñeñthpaꞌ ateth moenen Nompor ñeñth nellsenserreꞌ: Amachña xha naꞌchenkatereña acheñeneshaꞌ ñeñth ora allpon oꞌpatatenna na, xhochña ello netantaterrñañ esempowañen.

Hebreos 7:25

Ñeñthoꞌmar Cristopaꞌ ña eñoteneꞌ atthoch xhokma aꞌkeshphatenan allowen ñeñth eꞌneneꞌ Yompor ñerraꞌm eꞌñe poeyemteñothet ña, tharroꞌmar ñapaꞌ xhokma alloꞌtsen Pomporesho allekma aꞌpoktatennay ñeñth eꞌñe kowen yokop.

Hebreos 9:24

Ñeñthoꞌmarña Cristopaꞌ ñeñthekopña rroma. Tharroꞌmar Cristopaꞌ ama arreyeꞌ beꞌthoswerro ñeñth patsoꞌmar poerawaꞌ ñeñth yexhkaten acheñ ñeñth attha tomaꞌntenaya Yompor poꞌprawaꞌ ñeñth poeꞌntañoꞌtsen. Allña beꞌthoswerrña Cristo Parets poꞌprawo ñeñth poeꞌntañoꞌtsen ñeñthoꞌmarña theꞌ ñapaꞌ alloꞌtsen eꞌñe allowanen Yomporesho allña thorraꞌwerra kowen yokop.

1 San Juan 5:19

Theꞌña yapaꞌ yeñoteñ oꞌ yeyomporenaꞌtarterra ya. Poꞌpotantañña acheñeneshaꞌ arr patsro ñeñth ama ameꞌñetso, ñetñapaꞌ aña yochreshaꞌtenawet oneñeth.

El Apocalipsis 13:8

Ora allowen acheñeneshaꞌ ñeñth añe patsroꞌtsaꞌyen añach maꞌyochenet maꞌyarrmaꞌth tharroꞌmar ñeñth acheñeneshaꞌpaꞌ ama akellkaretheyayeto paꞌsoꞌcheñ Cristo poꞌlibro all akellkarethtena allowen ñeñth korretsetach ñeñth ameꞌñenaya Cristo ñeñth amtsarethtatsa ochñartsokop ateth ñerraꞌm carnero. Awath allempo errteꞌ ayexhkatarethta pats, Cristoña poꞌlibropaꞌ all akellkareth soꞌchñetsoxhno atthochña ñetpaꞌ korretsetach.