San Juan 17:4 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

⁴ ‘Napaꞌ oꞌ eꞌñe nekowentatwonaph arr patsro. Oꞌ eꞌñe netsotwonaph ñamha petarwas ñeñth ateth photen.

San Juan 17:4 Iomraidhean Croise

San Lucas 22:37

Tharroꞌmar theꞌpaꞌ oꞌch alla noterrserr: Theꞌpaꞌ oꞌchkaꞌye eꞌñe etsoterra ñeñth ateth anwareth Yompor poꞌñoñ nokop. Allkaꞌyeña oten napaꞌ errothwanenchaꞌ perrnet ateth ñerraꞌmrratheꞌ napaꞌ ñeñthen amtsañen. Theꞌpaꞌ ñeñthkaꞌye oꞌ etsotmocha ñeñth eꞌñe ateth anareth nokop.

San Juan 12:28

—Theꞌpaꞌ pepaꞌchña Apa ayeꞌchoxhtatarethterrtsa. Allempoñapaꞌ xha eꞌmorrtatsa ñoñets entoth, Yomporñapaꞌ ateth ot: —Napaꞌ oꞌ nekowentatwa, elloña oꞌch alla nekowentaterrerr nañeña.

San Juan 14:13

Ñerraꞌm eschaꞌ senamoen eꞌñe na nesoꞌchño eꞌñe seyemteñothen na, napaꞌ eꞌñech ateth nepennas. Atthochña na ñeñthen Yompor Poechemerenpaꞌ nekowentateññañchaꞌ Apa.

San Juan 14:31

Napaꞌ añchaꞌña ateth nepha ñeñth ateth otenen Apa. Atthochña acheñeneshaꞌ arr patsropaꞌ eñochetchaꞌ na poꞌñoxhpaꞌ eꞌñe nemorrenteña Apa. Theꞌpaꞌ sathomxhaꞌt oꞌch awey arroth.

San Juan 15:10

Ñerraꞌm sameꞌñennana neñoñ ñeñth ateth notenes eꞌñech señotenen napaꞌ atarr nemorrentensa. Ateth nepena na eꞌñe nameꞌñeññaña Nompor poꞌñoñ ñeñth ateth otenen, ñeñthoꞌmarña napaꞌ eꞌñe neñoteñ ñapaꞌ atarr morrentenna namha.

San Juan 19:28

Allempoña Jesúspaꞌ oꞌ eñoch oꞌ etsotwa ora allowen ñeñth ñokop, ñañapaꞌ ateth ot: —Xha noꞌñpaꞌten. Ñeñthpaꞌ tharroꞌmar ateth ot allochñapaꞌ atthoch etsoterra Yompor poꞌñoñ ñeñth ateth anwareth awathotheñ.

San Juan 19:30

Allempoña Jesúspaꞌ agapan chaseꞌ ñañapaꞌ ateth oterrerr: —Theꞌñapaꞌ oꞌ eꞌñe etsotwerra allowen ñeñth ateth anareth nokop. Allempoña oꞌ epapaꞌ xha rromats.

San Juan 4:34

Jesúsñapaꞌ alla oterraneterr: —Añkaꞌyeña nerrar nepen oꞌch nepha ateth moenen Nompor ñeñth nellsenseneꞌ, tharroꞌmar ñeñthpaꞌ atthochña eꞌñe netsotwoñ poꞌtarwas.

San Juan 5:36

Tharraña ateth naꞌpothen napaꞌ ñeñthña nanak sherbets. Ello metanenan ñeñth ateth aꞌpothan na Juan. Allowen es nephaꞌyen ñeñth ateth yechenna Apa oꞌch eꞌñe netsotoñ, añ netsotateñpaꞌ ñeñthña oꞌ eñotatanet napaꞌ Apa nellsenseneꞌ.

San Juan 9:3

Jesúsñapaꞌ ateth otanet: —Amakaꞌye poꞌchñarotheyaye amaꞌt ñamha pamoꞌmteꞌ; ñeñthpaꞌ añekopña allochñapaꞌ oꞌch norrtatoñ Yompor poꞌpartsoña ñesho.

Los Hechos 20:24

Tharraña amaꞌt atethpaꞌ napaꞌ ama nemhchaꞌteno. Amaꞌtchaꞌ nerromapaꞌ pokteꞌ nenteñ oꞌch nerroma. Theꞌpaꞌ añ palltetsa oꞌch neꞌnwa netarwas. Oꞌch netsotatwoñ ora allowen ñeñth ateth llesensaꞌn Yepartseshar Jesús. Ñeñth ateth llesensaꞌn Yepartseshar Jesúspaꞌ ñeñthpaꞌ atthoch neserrpareꞌtach acheñeneshaꞌ ñeñth kowen ñoñets attho Yompor pomoereñothpaꞌ aꞌkeshphaterreychaꞌ.

2 Timoteo 4:7

Tharraña napaꞌ oꞌ epayeꞌ nethorraꞌnma Yomporekop ateth ñerraꞌmrratheꞌ xho nekhllarena Yomporekop. Ñamha napaꞌ oꞌ netsotwa ora ñeñth ateth oterren Yompor. Ñatoꞌ oꞌch netmaꞌntacha ñeñth ateth nepena: Ñerraꞌm xho erra yesechapaꞌ xhokmach yexhap all yesechena. Ñamha napaꞌ amaꞌt mameshapaꞌ ama nekexhpoeꞌthe attho nameꞌñeña Yompor.