San Juan 17:26 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁶ Napaꞌ naña eꞌñe eñotatenawet ñet ñeñth ateth pepena pha. Ellopaꞌ allach neñotaterraneterr. Allochñapaꞌ ñetpaꞌxhoꞌña eꞌñech morrentannaꞌterret eꞌñe ateth pepena pha atarr pemorrentenna na. Atthochña napaꞌ eꞌñech neparrokmatenanet ñet. Ñeñthpaꞌ allowach nemaꞌyochapha, Nompore.

San Juan 17:26 Iomraidhean Croise

San Juan 14:20

Allempoch chorrerrsa Yompor Poekamkëñ allempochña señoter napaꞌ eꞌñe poꞌñoxh neparrokmaten epan Apa, sañapaꞌ separrokmaterrnach, nañapaꞌ neparrokmatennasach.

San Juan 14:23

Jesúsñapaꞌ ateth oterraneterr: —Ñerraꞌm eseshaꞌch nemorrentaya na eꞌñechña ateth perret ñeñth ateth notenanet. Apañapaꞌ atarrchaꞌ morrentenanet. Ñeshetoñapaꞌ yexhapchaꞌ atthoch yeyxherra ñet poeyoxhreto.

San Juan 15:15

Theꞌpaꞌ oꞌwañ attheyeꞌ nentenes ñerraꞌmrratheꞌ ñeñth yaꞌtarwasañer yepen, tharroꞌmar ñeñth yaꞌtarwasañer yepen ñapaꞌ ama eñotenanoña ñeñth ateth kothapeꞌchen pamoꞌmteꞌ. Tharraña na theꞌpaꞌ eꞌñe neyem nepenes tharroꞌmar ñeñth ateth neꞌmoeññañ Apapaꞌ sapaꞌxhoꞌña oꞌ neñotaterres.

San Juan 15:4

Theꞌpaꞌ atthoña separrokmatenna atthoña napaꞌxhoꞌña neparrokmatennasa. Ateth pena tsachtakër ñerraꞌm ama parrokmateno poeꞌchoroth amach meꞌto eꞌñe ñotha, sapaꞌxhoꞌña ñerraꞌm ama separrokmatenno amach errothenoth semeꞌtoña samha eꞌñe sotha.

San Juan 15:9

Attho Apapaꞌ atarr nanak moerenna na, napaꞌxhoꞌña atarr nanak nemoerensa samha. Xhokmoepaꞌch seyemtennana ñeñth attho napaꞌ xhokma nemorrentensa.

San Juan 17:23

Napaꞌ neparrokmatenanet, phañapaꞌ peparrokmatenna. Allochña allowenetpaꞌ eꞌñech parrokmatwenet eꞌñe poktakma. Atthoch acheñeneshaꞌ arr patsro ñetpaꞌ eñoteretchaꞌ phapaꞌ pha nellsenserreꞌ. Ñamha eñoteretepaꞌch phapaꞌ atarr pemorrentenanet eꞌñe ateth atarr pemorrentenna na.

San Juan 17:6

‘Allowen acheñ ñeñth neyochreshaꞌ pephatenen nañapaꞌ añ neñotatenanet ñeñth ateth pepena pha tharroꞌmar ñetpaꞌ ñeñthet eꞌñe allpona phoꞌpatatna arr patsro. Ñetñapaꞌ pepaꞌtña oꞌpatenawet ñeñthchaꞌ neyochreshaꞌ pephaten namha. Theꞌña ñetpaꞌ eꞌñe ameꞌñerrnapet peñoñ.

San Juan 17:8

Napaꞌ añña neꞌñorenanet ñeñth ateth photenen pha. Theꞌña ñetpaꞌ eꞌñe kowen ameꞌñennet. Ñamha eꞌñe poꞌñoxh eñoteñet napaꞌ eꞌñe peshoth nowapa, pha ñeñtheph nellsenserreꞌ.

San Juan 6:56

Ñeñthchaꞌ rreneꞌ nechets ñamha ñerraꞌm orrennanet nerras ñetñapaꞌ eꞌñech parrokmatennet na, napaꞌxhoꞌña eꞌñech neparrokmatenanet ñet.

San Juan 8:50

Napaꞌ ama añeyeꞌ neꞌneno atthoch nekowentata nañeña. Eñallña ñeñth nekowentateneꞌ na. Ña eñoretsa ateth es entyen arr patsro.

Romanos 8:10

Ñewa, ya arromñatheypaꞌ xhokmach yerroma arr patsro ochñartsoꞌmarekop. Tharraña ñerraꞌm Cristo yexhena yeyoxhro yekamkëñothpaꞌ xhokmach yokrrena tharroꞌmar Yomporpaꞌ eꞌñe pokteꞌ enteney.

1 Corintios 1:30

Tharroꞌmar ñaptha Yompor yapoeneꞌña atthoch yapaꞌ korretsayach. Eꞌñe yeparrokmateñoth Cristo Jesús aꞌkrrateney Pompor. Ñamha Yomporpaꞌ attho nan Poechemer Cristo ñach yeñotaterreꞌ ñeñth kowentetsa Yeyompor-rekop, ñamha ñeñthara Cristo ñeñthchaꞌ eꞌñe kowen aꞌpoktateneꞌ yokop atthoch kowen entweney Pompor ñamha ñeñthara Cristo ñeñthña aꞌkowentaterrey Partsokop, ñamha ñeñthara Cristo ñeñth yetsaꞌterroya yoꞌchñar atthoch yekeshperra.

1 Corintios 12:12

Ñatoꞌ oꞌch netmaꞌntacha ñeñth ateth yexhkëna yechets. Ñewa, allemeñ yechetspaꞌ amaꞌtchaꞌ ellopaꞌtetstenañpaꞌ tharraña allowenpaꞌ eꞌñe pathrra yechtsoth. Atthekma yepena yamha alloweney ñeñthey ameꞌñaꞌyenaya Cristo. Amaꞌt shonteyeñ poꞌpoñeꞌttsokmaypaꞌ tharraña eꞌñe yameꞌñeñoth Cristopaꞌ oꞌch yeparrokmatwawa alloweney.

Gálatas 2:20

Ñeñthoꞌmarña yapaꞌ oꞌ yekexhpaꞌwerr ateth moenatseꞌtatyesyeꞌth yechets. Ñeñthoꞌmarña oꞌ eꞌñe ateth yeperra ñerraꞌmrratheꞌ oꞌ korsoꞌtamperryet epay Cristo. Theꞌpaꞌ amaꞌt ora yokrrenañpaꞌ tharraña ama yayeꞌ korretso, añña Cristo ñeñth yechorrenayapaꞌ ñeñthña korretsa theꞌ yechtso. Theꞌpaꞌ eꞌñe yeyemteñoth Yompor Poechemerpaꞌ yokrrena eꞌñe kowen arr patsro, tharroꞌmar ña yemorrenterraya, ñamha ña rromats yokop.

Efesios 1:6

Ayeꞌchoxhtatpawepaꞌch Yompor attho ñapaꞌ atarr nanak kowen moerenya. Attho ñapaꞌ awoꞌt moeñonay Poechemer Cristo ñeñth rromosets yokop. Attho ashatarethta poꞌrras ñeñthpaꞌ alloña tsaꞌtwerrnaya yoꞌchñar. Theꞌña ya eꞌñe yeyemteñoth Poechemer, Pomporñapaꞌ atthoña oꞌ eꞌshowerrnay ñeñth yoꞌchñar yepeꞌth. Ñeñthoꞌmarña yapaꞌ yeñoteñ ñapaꞌ atarr morrentenya. Attho atarr morrentenana Poechemer Jesúspaꞌ yapaꞌxhoꞌña atthekma atarr morrentenya eꞌñe yeparrokmateñoth Yompor Poechemer.

Efesios 3:17

Ñamha xhokmoepaꞌch yexhena Cristo eꞌñe seyoxhro eꞌñe seyemteñoth ña. Allochñapaꞌ atthochña eꞌñe sagapoñ Yompor poemorrenteña atthoch eꞌñe womenk sephaꞌ seyoxher Yomporekop. Ateth ñerraꞌmrratheꞌ tsach ñeñth atarr erxhath eꞌñech womenk orrena patso, allochña poeꞌchorpaꞌ eꞌñech kowen then.

Efesios 5:30

Tharroꞌmar ñapaꞌ ña eꞌñe poꞌñoxh poꞌchets phoweney ya. Paꞌnamenoth poꞌchets phaꞌyeney alloweney ñeñthey ameꞌñenaya ña.

Efesios 5:32

Ñeñthpaꞌ awathotheñ ama eñotpawoyaye ñeñth tomaꞌntatenya añ kothaphñats. Tharraña theꞌpaꞌ napaꞌ noten añ yetmaꞌntenaya ñeñth atarr kowen ñeñth attho eꞌñe yeparrokmaten epay Cristo alloweney ñeñthey ameꞌñenaya ña, ñeñthara ñeñth poꞌchets yepeneꞌ alloweney.

Colosenses 1:27

Theꞌña Yomporpaꞌ atarr moeneñ oꞌch eñotaterrey ñeñth atarr koxhneshareꞌ ñeñth poꞌkowenña eꞌñe awathotheñpaꞌ ama eseshayeꞌ eñotayeꞌthe. Theꞌña ñeñth poꞌkowenñapaꞌ oꞌ eꞌñe orrtatarethterra añekop amaꞌt ñeñth ama judioneshayaye. Ñeñthña ama eñoteteꞌthe awathpaꞌ, ñeñthñapaꞌ añepaꞌt Cristo ñeñth chorrenaya yeyoxher. Atthoña eꞌñe yeyemteñoth ña yañapaꞌ oꞌch yekowentapretera.

Colosenses 2:10

Sapaꞌ eꞌñe separrokmateñoth Cristo saꞌnaña chorrapretenayaña Parets. Ñeñth allowen allpon amhchaꞌtarethetyestsa, Cristoñapaꞌ eꞌñe ñaptha atarr sherben. Ñamha allowen ñeñth allsensarethetyestsa, ñañapaꞌ eꞌñe ñaptha atarr sherben.

Colosenses 3:11

Attho yetserrataterr yokthaphña Cristokop, yaña alloweneypaꞌ eꞌñechkaꞌye atthekma poechemer phoweneyña Yompor. Ñeñthoꞌmarña yokoppaꞌ ama eñalleña atthoch yotarethta yapaꞌ poꞌpoñoꞌ acheñrey, yapaꞌ ellopaꞌtetstataretheyoꞌ añoꞌ judioneshayayye, añoꞌ atsorraretheyayye, ñamha poꞌpoñoꞌ acheñrey ñeñth awapña poꞌpoñ anetsoth ñamha ñeñtheyoꞌ yapaꞌ añoꞌ es yeñoteno ñamha ñeñth acheñrey ñeñtheyoꞌ atarwasatarethey eꞌñe attha ñamha ñeñth acheñrey eꞌñe kowenoꞌtseney, tharroꞌmar Cristopaꞌ ñeñthkaꞌyeña eꞌñe allowenakpay, ñapaꞌ ña eꞌñe yechorraꞌwenaya alloweney paꞌnamen acheñrey ñeñth parrokmatenaya.

2 Tesalonicenses 2:16

Theꞌñapaꞌ oꞌch notas: Yepartseshar Jesucristo ñamha Yompor Parets ñetepaꞌchña eꞌñe kowen sokshaterreꞌña sa seyoxhro, ñetepaꞌchña awamenkath sephaꞌyeseꞌ allochñapaꞌ atthochña sapaꞌ xhokmach señosyen ñeñth eꞌñe kowen ñoñets ñamha eꞌñechña kowenareꞌ es sorrtatyen. Tharroꞌmar Yomporpaꞌ ñeñthña atarr yemorrentenaya, ñapaꞌ ña ñeñth xhokma yokshateneꞌ yeyoxhro. Ñeñthña kosheñetspaꞌ amach awañañathterro amaꞌt errponaña. Ña eꞌñe poemoereñothpaꞌ xhokma eñotateney eꞌñe kowen ñeñth atarr yeyemtena.

Hebreos 2:12

Yeñoteñ ama penkënyo tharroꞌmar Yompor poꞌñoñ ñeñth anareth awathotheñ ñeñthpaꞌ ateth oten ñerraꞌmrratheꞌ Poechemer otets: Napaꞌ neserrpareꞌtachchaꞌ nemoꞌnasheñneshaꞌ ateth eꞌñe kowenareꞌ es pephaꞌyen pha. Eꞌñe naxhoteñotheph phapaꞌ xhokmach naꞌyeꞌchoxhtatonaph all apxhena allowen masheñneshaxhno.

1 San Juan 3:24

Erraꞌtsenchaꞌ eꞌñe kowen ameꞌñenaya Yompor poꞌñoñ ñeñth ateth oteney, ñetñapaꞌ eꞌñe parrokmatenet epoet Yompor. Ñeñthoꞌmarña yeñoteñ yeparrokmaten, Parets Poekamkëñoth ñeñth chorratenya ñeñthña yeñotateneꞌña eꞌñe yeparrokmateña Yompor.