San Juan 17:25 - Yompor Poꞌñoñ Ñeñth attho Yepartseshar Jesucristo eꞌñe etserra aꞌpoktaterrnay Yomporesho

²⁵ Apa, pha ñeñtheph eꞌñe pokteꞌ es pets, acheñeneshaꞌ ñeñth ama ameꞌñetso arr patsro ñetpaꞌ ama eñotenpeto. Nañapaꞌ eꞌñe poꞌñoxh neñoteneph. Añña ñeñth eꞌñe neyemtenaya ñetñapaꞌ eñotenpet phapaꞌ pha nellsenseneꞌ.

San Juan 17:25 Iomraidhean Croise

San Mateo 11:27

Jesúspaꞌ alla oterranerr acheñeneshaꞌ: —Nompor allowen poꞌkowenña eꞌñe eñotatwenen. Na ñeñthen Poechemerenpaꞌ ama poꞌñoxh eseshayeꞌ neñotenaye, ñapthaña Nompor eꞌñe eñotenen. Nomporpaꞌxhoꞌña ama poꞌñoxh eseshayeꞌ eñotenaye napthaña na ñeñthen Poechemeren eꞌñe neñoteñ Nompor, ñamha erraꞌtsenchaꞌ ñeñth eꞌñe pokteꞌ nenten na ñeñthen Poechemeren ñeñthñapaꞌ oꞌch neñotater Nompor.

San Mateo 16:16

Simón Pedroñapaꞌ eñoratsapaꞌ ateth och: —Phapaꞌ ñeñthephkaꞌye atarr yekwen amaꞌt awathotheñ; ñeñthephkaꞌye Parets Poechemereph ñeñtheph Cristotosets. Ñeñthña Parets ama arromñatheshayaye.

San Lucas 10:22

‘Nompor allowen poꞌkowenña eꞌñe eñotatwenen. Na ñeñthen Poechemerenpaꞌ ama poꞌñoxh eseshayeꞌ neñotenaye, ñapthaña Nompor eñotenen. Nomporpaꞌxhoꞌña ama poꞌnoxh eseshayeꞌ eñotenaye, napthaña na ñeñthen Poechemeren eꞌñe neñoteñ Nompor, ñamha erraꞌtsenchaꞌ ñeñth eꞌñe pokteꞌ nenten na ñeñthen Poechemeren ñeñthñapaꞌ oꞌch neñotater Nompor.

San Juan 1:18

Yompor Paretspaꞌ amaꞌt awathapaꞌ ama eseshayeꞌ poentare. Poꞌpathrrorña ñeñth Cristotosets ñeñthpaꞌxhoꞌña Parets ñeñth eꞌñe parro atthekmoet; ñapaꞌ ña yeñotaterreꞌña ateth penaña Pompor Parets.

San Juan 10:15

Ateth pena Apa eꞌñe eñotenen, nañapaꞌ eꞌñe neñoteñ namha Apa. Napaꞌ eꞌñe nañeña oꞌch naꞌrroyerra atthoch nerroma necarnerorekop.

San Juan 15:21

Ñeñthpaꞌ atethchaꞌ perrset tharroꞌmar sapaꞌ nakaꞌye sameꞌñena tharroꞌmar ama eseshayeꞌ eñotenaye Yompor ñeñth nellsenseneꞌ.

San Juan 16:27

Apañapaꞌ atarrchaꞌ morrentensa attho sapaꞌ semorrentenna, eꞌñe seyemtenna attho napaꞌ Apoeshoth nowapa.

San Juan 16:3

Ñeñthpaꞌ tharroꞌmarchaꞌ ateth phaset ñetpaꞌ ama eseshayeꞌ eñotenaye Apa amaꞌt napaꞌ ama eñotenneto.

San Juan 16:30

Theꞌpaꞌ yeñoteneph phapaꞌ ñeñtheph eñotweneꞌ ora allowen esokmañen. Ñeñthoꞌmarña yapaꞌ amakaꞌye pallteno oꞌch alla yaꞌphthoꞌterrperr poꞌpoñoneth. Tharroꞌmar theꞌpaꞌ yeñoteneph phapaꞌ Partseshoth pewapa.

San Juan 17:11

‘Theꞌña nokoppaꞌ oꞌ xherrmoch eꞌñech ñeñtheshaña añe patsroꞌtsenen tharroꞌmar napaꞌ oꞌch alla awerren pesho. Tharraña ñetpaꞌ alloꞌtsenaretach arr patsro. Pha Apa Partso, pekwamphsepaꞌch allowen ñeñth neyochreshaꞌ pephatenen. Pewamenkothchaꞌña pekwamphsanet. Allochña ñetpaꞌ oꞌch eꞌñe parrokmatet eꞌñe ateth yepena yamha.

San Juan 17:18

Attho pha pemñan na arr patsro, theꞌña napaꞌ oꞌch nemñanet ñamet atthoch serrpareꞌtatyeset acheñeneshaꞌ arr patsro.

San Juan 17:21

Allochña allowenetpaꞌ parrokmatetchaꞌ ateth pepena pha Apa eꞌñe peparrokmatennana ñamha napaꞌ eꞌñe neparrokmatennapha. Allochña ñetpaꞌ oꞌch eꞌñe parrokmaterryet eꞌñe parro epay. Atthochña acheñeneshaꞌña arr patsropaꞌ ñetñapaꞌ eñoteretchaꞌ pha ñeñtheph nellsenserreꞌ.

San Juan 17:23

Napaꞌ neparrokmatenanet, phañapaꞌ peparrokmatenna. Allochña allowenetpaꞌ eꞌñech parrokmatwenet eꞌñe poktakma. Atthoch acheñeneshaꞌ arr patsro ñetpaꞌ eñoteretchaꞌ phapaꞌ pha nellsenserreꞌ. Ñamha eñoteretepaꞌch phapaꞌ atarr pemorrentenanet eꞌñe ateth atarr pemorrentenna na.

San Juan 17:3

Añmapaꞌ ñeñthña alloch ñetpaꞌ korretsetach thayotheñ eꞌñe errponañowen ñerraꞌm esempo eñoterrpet pha ñeñtheph phapoeth eꞌñe poꞌñoxh Yomporetets ñamha ñerraꞌm eñoterrnet na ñeñthen Jesucristo pha pellsensaren.

San Juan 17:8

Napaꞌ añña neꞌñorenanet ñeñth ateth photenen pha. Theꞌña ñetpaꞌ eꞌñe kowen ameꞌñennet. Ñamha eꞌñe poꞌñoxh eñoteñet napaꞌ eꞌñe peshoth nowapa, pha ñeñtheph nellsenserreꞌ.

San Juan 3:17

Yomporpaꞌ amakaꞌye añekpayeꞌ moeñanoña Poechemer arr patsro atthoch moeñosan acheñeneshaꞌ koñcheñtso. Ñapaꞌ añekopña moeñe atthoch ñach aꞌkeshphatoseꞌña acheñeneshaꞌ arr patsro.

San Juan 6:19

Ñetñapaꞌ echotnomoet saꞌp amnar amapaꞌ pechaptheꞌ kilómetro allñapaꞌ machayothepaꞌtchaꞌ entapet Jesús chopeꞌchnen enoth oño. Oꞌ allameꞌttsamha phan noñth. Ñetñapaꞌ xhepaꞌtchaꞌ mechaꞌtapet.

San Juan 7:29

Nañapaꞌ eꞌñe neñoteñ, ñeshothkaꞌye nowapa. Ñapaꞌ ñeñthkaꞌyeña nellsenserreꞌ.

San Juan 8:19

Ñetñapaꞌ ateth otereterr: —¿Erroꞌtsenaꞌtña pha Phompor? Jesúsñapaꞌ ateth oterraneterr: —Amaꞌt napaꞌ ama señotenno, Apapaꞌxhoꞌ ama señoteñe. Ñerraꞌm señotennoñ na Nomporeꞌnatheꞌ señoteneñ.

San Juan 8:55

Sapaꞌ amakaꞌye señoteñe tharraña napaꞌ neñoteñkaꞌye. Ñerraꞌm na otetseñ ama neñoteñe napaꞌxhoꞌña attheneñtheꞌ ñerraꞌm sa, xhatheꞌ neshkareꞌtensoñ. Napaꞌ eꞌñe poꞌñoxh neñoteñ ñeñthoꞌmar xhokma nokthapeꞌcheññañ poꞌñoñ.

Los Hechos 17:23

All naswanempaꞌ shonteꞌ nentyesnom ñeñth semaꞌyochyena ñeñth seyomporer sepen. Patherr allekma semaꞌyochenapaꞌ napaꞌ nent all oten añ ñoñets: “Añpaꞌ añekop Yompor ñeñth ama yeñotenaꞌ.” Ñeñth semaꞌyochena ñeñth ama señotenaꞌpaꞌ ñeñthara Yompor theꞌpaꞌ ñeñthchaꞌña neserrpareꞌtatas.

Los Hechos 26:18

Tharroꞌmarchaꞌ nemñaph alloꞌtsaꞌyen ñeñth ama judioneshayayeñaꞌ allochñapaꞌ atthoch peserrpareꞌtatwanet atthoch xhapanet poeyoxhro, atthoch oꞌwañchaꞌ chopeꞌchet chekmeto. Añchaꞌña oꞌch alla chopeꞌcherret poetaro. Ñamha atthoch oꞌwañchaꞌ awamenkath phanet oneñeth, añchaꞌña awamenkath penawet Yompor. Allochñapaꞌ oꞌch ameꞌñaꞌwerrnet na, allempoñapaꞌ nephretnaꞌwerranetchaꞌ poꞌchñar, atthoch oꞌch parrokmatwerret eꞌñe atthekma ateth ñerraꞌm ñeñth oꞌ naꞌkowentatwa.”

Romanos 1:28

Atthoña amaꞌt mamesha oꞌwañchaꞌ moeneñet oꞌch yerpaꞌpesyet Yompor. Ñeñthoꞌmarña Yomporñapaꞌ paꞌypoꞌñeñothanetpaꞌ awoꞌt moenatanet oꞌch kothapeꞌchatseꞌtyeset ñeñth ama pokteyeꞌ enteno ña. Añachña phatseꞌtyenet ñeñth ama aphapawoyaye.

Romanos 3:11

Ñamha amaꞌt poesheñarrotheya ama xhennayo yeyoxhro atthoch yeñotoñ Yompor poꞌkowenña. Amachña añeyeꞌ yeꞌneno ñeñth ateth moenen Yompor, amaꞌt poesheñarrotheya.

Romanos 3:26

Ñamha awoꞌt ateth pha Yompor allochñapaꞌ atthoch yeñoch ñapaꞌ eꞌñe pokteꞌ ateth pena; themeꞌttsen atthochña eꞌñech pokteꞌ enteney eꞌñe yeyemteñoth Jesús.

1 Corintios 1:21

Tharroꞌmar Yomporpaꞌ eꞌñe poeñoteñoth ñapaꞌ ama pokteyeꞌ enteñe eꞌñe ya yokthaphñothpaꞌ oꞌch yenter Yompor, amaꞌt yapaꞌ yoteneñ atarrtheꞌ es yeñoten. Añmapaꞌ ñeñthña pokteꞌ enten Yompor: ñeñthara kothaphñats ñeñth attho rroma Jesucristo yokop ñeñth xhach enteñet ñerraꞌmrratheꞌ attha yotatseꞌtyen, añ ñeñthara kothaphñats ñeñthña moenen Yompor oꞌch yeserrpareꞌtoñ alloch aꞌkeshphaterrey alloweney ñeñthey ameꞌñenaya.

1 Corintios 15:34

Añña pokteꞌ oꞌch sokthapeꞌcherr ello, ñamha oꞌch sekexhpoerr ñeñth ateth sephaꞌyeseꞌth ñeñth ama pokteyaye Yomporekop. Theꞌpaꞌ sepenkëpaꞌ tharroꞌmar ñatoꞌ poꞌñoxh ama señoteñe Yompor allowenes.

2 Corintios 4:4

Ñeñthara acheñeneshaꞌ ñeñth ama ameꞌñetso, ñetpaꞌ añña poꞌyomporer penet arr patsro ñeñth oneñeth, ñeñthña ama moenatenaneto oꞌch xhapanet poeyoxhreto Yompor poꞌñoñ; allochñapaꞌ atthothchaꞌ amach eshkayeꞌ kowen enteññañeto Cristo poꞌkowenña. Ñapaꞌ atthekma kowentena ñerraꞌmrratheꞌ Pompor Parets ñeñth ama entpawoyaye. Ñeñth poꞌkowenñapaꞌ ñeñthara yoten kowen ñoñets alloch yekeshperra. Ñatoꞌ oꞌch netmaꞌntacha attho oneñethpaꞌ aꞌnataklleꞌchenanet atthochña amach eshkayeꞌ kowen enteññañeto Cristo poꞌpoetarenña.

2 Tesalonicenses 1:8

Allempoch werrapaꞌ koñchatwerranchaꞌ allowen ñeñth ama eñotayeꞌthe Yompor ñeñth ama ameꞌñaꞌpoyeꞌ entayeꞌthe kowen ñoñets ñeñth Yepartsesharekop Jesucristo.

Hebreos 8:11

Ñamha allempo allowenetpaꞌ eꞌñech eñotwerrnanet ñeñthchaꞌ ateth nokthapeꞌchaterranet kowen poeyoxhreto. Allowenetpaꞌ eꞌñech atthekma eñoterrnet pomporneshowenet amaꞌt ñamha añetholleshowen amaꞌt ñeñth atarr sherbets amaꞌt ñamha ñeñth ama esoyeꞌ enteñeto. Ñeñthoꞌmarña allempo ñeñth amhchaꞌnaꞌtpoꞌ entetsapaꞌ ama pallteno oꞌch yexhatan poꞌpotantañ pamoꞌts amaꞌt ñamha paꞌmoꞌnasheñ. Amach eseshaꞌ oterraweteꞌthe theꞌpaꞌ añ poktetsa oꞌch señoter Yompor, tharroꞌmar allempopaꞌ oꞌch eꞌñe eñotwerrnet.

1 San Juan 1:9

Tharraña ñerraꞌm xho yaꞌmethen yoꞌchñar, Yomporñapaꞌ eꞌñech peretnaꞌwerrnay allowen yoꞌchñar, eꞌñech eꞌshowerrnay allowen ñeñth ama pokteyeꞌ entapretenye tharroꞌmar ñapaꞌ ama poenesho poꞌñoñ, ñapaꞌ eꞌñe pokteꞌ es pen, ñeñthoꞌmarña ñapaꞌ xhokmach peretnerrey.

El Apocalipsis 13:8

Ora allowen acheñeneshaꞌ ñeñth añe patsroꞌtsaꞌyen añach maꞌyochenet maꞌyarrmaꞌth tharroꞌmar ñeñth acheñeneshaꞌpaꞌ ama akellkaretheyayeto paꞌsoꞌcheñ Cristo poꞌlibro all akellkarethtena allowen ñeñth korretsetach ñeñth ameꞌñenaya Cristo ñeñth amtsarethtatsa ochñartsokop ateth ñerraꞌm carnero. Awath allempo errteꞌ ayexhkatarethta pats, Cristoña poꞌlibropaꞌ all akellkareth soꞌchñetsoxhno atthochña ñetpaꞌ korretsetach.

El Apocalipsis 16:5

Allempoña napaꞌ neꞌmoen ñeñth ateth otenan mellañotheñ Yompor. Ñewa, ñeñthña mellañotheñpaꞌ atarr awamenkath atthoch pomnaren penan ora allowen oñexhno. Ñeñthña mellañotheñpaꞌ ateth otenan Yompor: —Eꞌñe pokteꞌ, Nompore, ñeñth ateth pekoñchatyenanet, pha ñeñtheph xhokma eñalleph amaꞌt awathotheñpaꞌ ñeñtheph atarr nanak Partsoph.